ەلىمىزدەگى 31 ولكە، قالانىڭ ەڭبەك اقى ولشەمى جاريالاندى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-16 16:43:00

 

    جۇڭگو اقپارات اگەنتىگىنىڭ حابارى: 2017- جىلدىڭ جارىمىنان استامى ٴوتتى، ەلىمىزدەگى كوپتەگەن ولكە، قالالار بيىلعى ەڭ تومەنگى ەڭبەك اقى ولشەمىنە تەڭشەۋ جۇرگىزدى. شىلدەنىڭ 15- كۇنىنە دەيىن، شاڭحاي، تيانجين، جياڭسۋ، شاندۇڭ قاتارلى 11 ولكە، قالا جانە شيجىن قالاسى ەڭ تومەنگى ەڭ اقى ولشەمىنە تەڭشەۋ جۇرگىزدى. جۇيەدەن، بەيجىڭ بيىل قىركۇيەك ايىندا ەڭبەك اقى تەڭشەۋىن تياناقتاندىرادى. ساناققا قاراعاندا، جەرلىك ۇكىمەتتەردىڭ ەڭ تومەنگى ەڭبەك اقى ولشەمىن تەكشەۋ قارقىنى باياۋ بولىپ، ەڭبەك اقىنىڭ جوعارلاۋى ساباسىنا تۇسە باستاعان. كەزەكپەن تەڭشەۋ جۇرگىزىلگەنىنەن كەيىن،ايلىق ەڭبەك اقى ولشەمى 2 مىڭ يۋانىنان اسقان ورىندار 3 كە جەتتى. ولار شاڭحاي، تيانجين، بەيجىڭ قالالارى، شاڭحاي قالاسىنىڭ ەڭ تومەنگى ەڭبەك اقى مولشەرى ەڭ جوعارى بولىپ، 2300 يۋانعا جەتتى. سونىمەن قابات، ٴىرى قالا قاتارىنداعى شىنجىننىڭ ەڭ تومەنگى ەڭبەك اقىسى بيىل 2130 يۋانعا جەتىپ، تيانجين مەن بەيجىڭىنەن اسىپ، شاڭحاي قالاسىنا تايادى.

 

ٴار قايسى ولكە، قالالاردىڭ ەڭ تومەنگى ەڭبەك اقى ولشەمىندەگى پارىق ٴبىرشاما زور. ەڭ تومەنگى ەڭبەك اقىسى ٴبىرشاما جوعارى رايوندار تەڭىز جاعالاۋىنداعى شارۋاشىلىعى دامىعان وڭىرلەرگە شوعىرلانعان، قاتارعا تۇرعىزعاندا، شاڭحاي، تيانجين، بەيجيڭ، گۋاڭدۇڭ، جياڭسۋ 1-ورنىنان 5- ورىنعا دەيىنگى قاتاردى يەلەدى. باتىس وڭتۇستىك، باتىس سولتۇستىك، شىعىس سولتۇستىك قاتارلى رايونداردىڭ ەڭبەك اقى ولشەمى ٴبىرشاما تومەن بولىپ، شيزاڭ مەن گۋاڭشي ەڭ سوڭعى ورىندى يەلەدى. گۋاڭشيدىڭ ەڭ تومەنگى ەڭبەك اقىسى مىڭ يۋان بولىپ، ەلىمىزدەگى ەڭبەك اقى ولشەمى ەڭ تومەن رايونعا اينالدى.

 

اۋدارعان: سەرىك راقىم ۇلى