مەملەكەتتىك كەڭەس 18 شارلاۋ گرۋپپاسىن باستاپ وسى ايدىڭ سوڭىنا دەيىن ٴىشىنارا ولكە، اۆتونوميالى رايون، توتە قاراستى قالادا شارلاۋ جۇرگىزۋگە جىبەردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-17 10:14:00

 

    ٴوز حابارىمىز: «مەملەكەتتىك كەڭەستىڭ ٴتورتىنشى رەت كولەمدى تەكسەرۋ ورىستەتۋ جونىندەگى ۇقتىرۋىنىڭ» تالابىنا ساي، مەملەكەتتىك كەڭەس 18 شارلاۋ گرۋپپاسىن 16-شىلدەدەن باستاپ وسى ايدىڭ سوڭىنا دەيىن ٴىشىنارا ولكە، اۆتونوميالى رايون، توتە قاراستى قالادا شارلاۋ جۇرگىزۋگە جىبەردى. شارلاۋ كەزىندە، ٴار قايسى قاتىستى ولكە، اۆتونوميالى رايون، توتە قاراستى قالانىڭ ۇكىمەتتەرى جەرلىك ورىندا مەملەكەتتىك كەڭەس شارلاۋ گرۋپپاسىنىڭ توتە تەلەفونىن ورناتىپ، بۇقارا اڭىس ەتكەن ماسەلەلەردىڭ دەرەگى مەن پىكىر-ۇسىنىستاردى قابىلدايدى. جۇرتشىلىقتىڭ كاسىپورىن مەن بۇقارانىڭ جۇمىس ٴبىتىرۋى قيىن بولۋ، كاسىپورىنعا قاتىستى بەتالدى اقى الۋ، حالىقتىق قارجى قوسۋ ولشەمى تىم جوعارى بولۋ، جاڭالىق جاراتىپ كاسىپ اشۋ ساياساتى دەگەندەي تياناقتانباۋ، حالىق تۇرمىسى قامتاماسىزداندىرىلماۋ قاتارلى ماسەلەلەردى اڭىس ەتىپ، ۇكىمەت قىزمەتىنە ۇسىنىس-پىكىر بەرۋىنە بولادى. مەملەكەتتىك كەڭەستىڭ شارلاۋ گرۋپپاسى تەلەفون بەرگەندەردىڭ جەكەلىك ينفورماتسياسى مەن مازمۇنىن قۇپيا ۇستايدى، اڭىس ەتكەن ماسەلەلەر مەن پىكىر-ۇسىنىستاردى قاتىستى بەلگىلەمەلەر بويىنشا مۇقيات زەرتتەپ ٴبىر جايلى ەتەدى.

 

اۋدارعان: گۇلنۇر قابىلقاق قىزى