الدىڭعى جارىم جىلدا جۇڭگو شارۋاشىلىعى ۇقساس مەگىلدەگىدەن %6.9 ارتىپ، ورنىقتى جاقسارعان اۋقىم كورنەكتىلەنە ءتۇستى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-17 16:09:00

 

    مەملەكەتتىك ساناق مەكەمەسى شىلدەنىڭ 17 ـ كۇنى ساناق ناتيجەسىن جاريالادى، العاشقى تەكسەرۋدەن مىنالار ءمالىم بولدى: الدىڭعى جارىم جىلدا ىشكى ءوندىرىس جالپى ءونىم قۇنى 38 ترىلليون 149 مىلليارت يۋان بولىپ، سالىستىرمالى باعامەن ەسەپتەگەندە، ۇقساس مەزگىلدەگىدەن %6.9 ارتقان، مۇنىڭ ىشىندە، 1- توقساندا جانە 2 ـ توقساندا ۇقساس مەزگىلدەگىدەن ورتا ەسەپپەن %6.9 ارتقان، كاسىپ قۇرامىنان قاراعاندا، 1- كاسىپتەگى ارتقان قۇن ۇقساس مەزگىلدەگىدەن % 3.5، 2- كاسىپتەگى ارتقان قۇن ۇقساس مەگىلدەگىدەن %6.4، 3 ـ كاسىپتەگى ارتقان قۇن ۇقساس مەزگىلدەگىدەن %7.7 جوعارىلاعان.

 

مەملەكەتتىك ساناق مەكەمەسىنىڭ احپارات مالىمدەمەشىسى شيڭ جىحوڭ مىنالاردى ايتتى : شارۋاشىلىق اينالىمى ۇيلەسىمدى ءوڭىر ارالىعىندا ساقتالىپ، ورنىقتى جاقسارۋ اقىمى كورنەكتىلەنىپ،ورنىقتى ارتقان، كاسىپتەنۋ جاعدايى جاقسارۋعا وتكەن، زات باعاسى ورنىققان، كىرىس ارتقان، قۇرىلىم ساپالانعان تاماشا اۋقىم جارىققا شىعىپ، شارۋاشىلىقتىڭ دامۋ ورنىقتىلىعى، سايكەستىلىگى جانە ۇلاسپالىلىعى كۇشەيە تۇسكەن.

 

شيڭ جىحوڭ بىلاي دەدى: دەگەنمەن، حالقارادا ورنىقسىز، تۇراقسىز فاكتورلار ءالى دە بارشىلىق ەكەندىگىن، ەل ىشىندە ۇزاقتان جينالىپ قالعان قۇرىلىمدىق قايشىلىقتار ءالى دە كورنەكتى بولىپ وتىرعاندىعىن دا كورە ءبىلۋ كەرەك. ورنىقتى جاقسارعان اۋقىمدى بەكەمدەۋ، شارۋاشىلىقتى دامىتۋدىڭ تۇتاس جىلدىق مەجەلى نىساناسىن ءتىپتى دە ويداعىداي ورىنداۋعا كۇش سالۋ كەرەك.

 

اۋدارعان: قاناتبەك جۇماباي ۇلى