جوعارى قارقىندى تەمىر جولدا اس ـ سۋ زاكاز بۇيىرتۋ قىزمەت وتەۋ كاسىبى اشىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-17 16:09:00

 

    ءوز حابارىمىز: شىلدەنىڭ 17 ـ كۇنى ـ جوعارى قارقىندى تەمىر جولدا اس ـ سۋ زاكاز بۇيىرتۋ قىزمەت وتەۋ كاسىبى اشىلعان العاشقى كۇن بولدى. جۇڭگو تەمىرجول باس سەرىكتىگىنىڭ ورنالاستىرۋى بويىنشا، شىلدەنىڭ 17 ـ كۇنىنەن باستاپ تەمىر جول تاراۋلارى ءار قايسى ولكەلەردىڭ ورتالىق قالالارىندا جانە دەربەس ەسەپ جاسايتىن قالالارداعى 27 باستى تەمىر جول ۋوكزالدارىندا كەزەكشى جۇردەك پويەزداردا يىنتەرنەت ارقىلى اس ـ سۋ زاكاز بۇيىرتۋ قىزمەت وتەۋ كاسىبىن اشادى. بۇدان جۇڭگو تەمىر جول سالاسىندا اس ـ سۋ زاكاز قىزمەت وتەۋ كاسىبىنىڭ تۇتاس قوعامعا اشىق ۇستالعاندىعىن كورۋگە بولادى.

 

ۇعىسۋعا قاراعاندا، باسقى ارىپتەرى G ,D ارىپتەرىمەن باستالعان جۇردەك پويەزبەن ساپارعا شىققان جولاۋشىلاردىڭ 12306 تورابى، قول تەلەفونداعى APP12306 فورماسى ارقىلى الدىن الا تاماق بۇيىرتۋىنا، كەزەكشى پويەزدىڭ اسحاناسىندا بار تاماقتاردى بۇيىرتۋىنا دا، جول بويىنداعى اس ـ سۋ بەرەتىن 27 بەكەتتەگى قوعامعا ايگىلى ماركالارداعى اس ـ سۋ، تاماقتاردى زاكاز بۇيىرتۋىنا دا بولادى. اس ـ سۋمەن قامدايتىن 27 بەكەت : شاڭحاي، تيانجين، گۋاڭجوۋ، نانجيڭ، حاڭجوۋ، شي ـ ان، چىن ياڭ، جي نان قاتارلى ولكە ورتالىقتارى مەن دەربەس ەسەپ جاسايتىن قالالارداعى جوعارى قارقىندى تەمىر جول بەكەتتەرىن كورسەتەدى.

 

مۇندا ەسكەرتە كەتۋگە ءتيىستى جاعداي مىناۋ : جولاۋشىلار پويەز اس ـ سۋمەن قامدايتىن بەكەتتەرگە جەتەردەن كەمىندە 2 ساعات بۇرىن زاكاز بۇيىرتۋ قاجەت. ايتالىق، جولاۋشىلار جي نان باتىس ۋوكزالىنان بەيجيڭ وڭتۇستىك ۋوكزالىنا بارماق بولعاندا، ەگەر پويەزعا شىعا سالىپ تاماق جەۋ قاجەت بولسا، وندا پويەز جي نان بەكەتىنەن جولعا شىعاردان 2 ساعات بۇرىن زاكاز بۇيىرتۋ قاجەت، ەگەر بۇل ۋاقىتقا ۇلگىرە الماسا، وندا تيانجين بەكەتىنەن تاماق بۇيىرتۋ ءۇشىن دە وسىعان ۇقساس 2 ساعات بۇرىن بۇيىرتۋ قاجەت.

 

ەگەر كەزەكتى پويەز اس ـ سۋ قامدايتىن بەكەتكە كەشىگىپ بارعان ۋاقىتى جارىم ساعاتتان اسىپ كەتسە، بەكەتتەگى اس ـ سۋ جەتكىزەتىن ورىن قاتىستى تەلەفگراف، قاتناس تەڭشەۋ بۇيرىقتارىنا ساي، اس ـ سۋ زاكازىن جۇيە ارقىلى قايتارىپ تاستايدى ءارى زاكاز بۇيىرتۋشىعا ۇقتىرادى، زاكاز بۇيىرتۋعا جۇمسالعان اقشا جولاۋشىعا دەر كەزىندە قايتارىپ بەرىلەدى.

 

اۋدارعان: قاناتبەك جۇماباي ۇلى