ىشكى موڭعۇلدىڭ شيڭ-ان ايماعىندا ۇلتتار ىنتىماعى العا باسارلىعىنان قوماقتى تابىستار قولعا كەلدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-08-12 10:50:00


    شينحۋا اگەنتتىگىنىڭ حابارى: شيڭ-ان ايماعى ىشكى موڭعۇل اۆتونوميالى رايونىنىڭ قۇرىلعان جەرى. ەلىمىزدىڭ تۇڭعىش توپتاعى ۇلتتار ىنتىماعى العا باسارلىعىنداعى ۇلگىلى ايماق بولعان شيڭ-ان ايماعى كوپ جىلداردان بەرى ۇلتتار ىنتىماعىنىڭ العا باسارلىعىن جەبەۋ قيمىلىن وقشاۋ جۇرگىزگەن جوق، قايتا ونى شارۋاشىلىق پەن قوعامدى دامىتۋدىڭ جالپى جاعدايىنا ٴسىڭىرىپ ٴبىر تۇتاس جوسپارلاپ ورنالاستىردى. ٴار ۇلت بۇقاراسى ٴبىر-بىرىنە قولعابىس ەتىپ بەرەكە-بىرلىكپەن ورتاق دامىپ، ۇلتتار ىنتىماعى العا باسارلىعىندا زور توپتاعى ۇلگىلەر مەن تيپتەر بوي كورسەتتى.


    شيڭ-ان ايماعىندا 37 از ساندى ۇلت بار بولىپ، ىشكى موڭعۇلداعى از ۇلتتار جان سانىنىڭ سالىستىرماسى ەڭ كوپ جەرلەردىڭ ٴبىرى. شيڭ-ان ايماعى حالىق تۇرمىسىن جاقسارتۋداي اكىمشىلىك نەگىزىن قاي-قاشاندا مىقتى يگەرىپ، ۇلتتار ىنتىماعى قىزمەتىن جەبەپ، ٴار ۇلت بۇقاراسى تىنىش-جاراسىمدى كۇن كەشىرىپ كەلەدى. ايماق كوپ جىلداردان بەرى الەۋمەتتىك قازىنا مەجە ەسەبىنىڭ %70 تەن كوبىن حالىق تۇرمىسىن جاقسارتۋعا جۇمسادى، قازىر تۇتاس ايماقتاعى قىستاقتاردىڭ %75 ى قاتەرلى ۇيلەردى وڭاۋ، جولداردى جوندەۋ، قىستاققا تەلەۆيزور قۇرىلعىلارىن ورناتۋداي ينجەنەريالاردى ورىنداپ بولدى؛ قالا-اۋىل تۇرعىندارى تەگىس ەمدەۋ قامسىزداندىرۋ جۇيەسىنە ەنگىزىلىپ، ەڭ تومەنگى تۇرمىستارى قامتاماسىزداندىرىلدى؛ دەنە-تاربيە سارايى، كىتاپحانا، عىلىم-تەحنيكا سارايى جانە مادەنيەت وزەكتەرى ىركەس-تىركەس قۇرىلدى.


    ۇلتتار ىنتىماعى العا باسارلىعىن جەبەۋ قيمىلىندا شيڭ-ان ايماعى «كادىرلاردى نەگىزگى ساتىعا ٴتۇسىرۋ»، «قالالارداعى قيىنشىلىعى بار وتباسىلارعا باعىتتامالى كومەكتەسۋ» سياقتى قيمىلداردى قانات جايدىردى. ٴار ۇلت كادىرلارى جاۋاپكەرلىك ارقالاپ جانە سۇيىسپەنشىلىك سەزىمدە بولا وتىرىپ بۇقارانىڭ ٴوندىرىس-تۇرمىس بارىسىندا جولىققان ناقتى قيىنشىلىقتارىن كۇش سالا شەشىپ، ۇلتتار ىنتىماعى العا باسارلىعى قىزمەتىن شىندىققا، تۇرمىسقا، بۇقاراعا جاناستىرىپ، ٴار ۇلت قاۋىمىنىڭ سۇيىسپەنشىلىگىنە يە بولدى.


    ۇلانحوت قالاسىنىڭ سانحى قىستاعى چاۋشيان ۇلتىن نەگىز ەتىپ، حانزۋ، ٴمانزۋ، موڭعۇل قاتارلى 4 ۇلت تۇرعىندارى جاراسىمدى وتاسقان كوپ ۇلتتى قىستاق. ۇزاق مەزگىلدەن بەرگى ٴوندىرىس-تۇرمىس بارىسىندا 4 ۇلتتىڭ تۇرعىندارى ٴوزارا قولعابىس ەتىپ، ٴبىر ٴۇيلى جانداي ەتەنە ٴوتىپ كەلەدى؛ قىستاقتاعى چاۋشيان تۇرعىندار وزدەرىنىڭ كوپ جىلداردان بەرگى توپتاعان كۇرىش ەگۋ تاجىريبەسىن تيتتەي دە جاسىرماي ٴمانزۋ، حانزۋ، موڭعۇل تۇرعىندارىنا ۇيرەتتى؛ ال موڭعۇل- ٴمانزۋ تۇرعىندارى دا وزدەرىنىڭ كوپ جىلداردان بەرگى قورىتىندىلاعان مال باعۋ تەحنيكاسىن چاۋشيان تۇرعىندارىنا ۇيرەتتى؛ حانزۋ تۇرعىندارى دا وزدەرىنىڭ ساۋدا-تيجارات تاسىلدەرىن باسقا ۇلت تۇرعىندارىنا ۇيرەتتى.


    شيڭ-ان ايماعىنداعى ٴار ۇلت بۇقاراسى كورىكتى مەكەندەرىن قۇرۋ ٴامالياتىندا ٴوزارا قارايلاسىپ، توننىڭ ىشكى باۋىنداي سۇيىسپەنشىلىك ورناتتى.

اۋدارعان: امانتاي مۇسايىپ ۇلى