ورتالىقتىڭ ۋاكىلدەر ۇيىرمەسى ىشكى موڭعۇلدان بەيجيڭگە ورالدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-08-12 10:51:00

 

    ٴوز حابارىمىز: ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ٴيۇي جىڭشىڭ ۇيىرمە باستىعى بولعان ورتالىقتىڭ ۋاكىلدەر ۇيىرمەسى ىشكى موڭعۇل اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسۋ، ىشكى موڭعۇلداعى ٴار ۇلت كادىرلارى مەن بۇقاراسىنان حال سۇراۋ، جەرلىكتىڭ شارۋاشىلىعى مەن قوعامىنىڭ دامۋ احۋالىن كوزدەن كەشىرۋ ىستەرىن تامامداعاننان كەيىن تامىزدىڭ 11-كۇنى كەشتە جەكە-جەكە ىشكى موڭعۇلدىڭ ٴار جەرىنەن ايروپلانعا وتىرىپ بەيجيڭگە قايتتى.


    ورتالىقتىڭ ۋاكىلدەر ۇيىرمەسى تامىزدىڭ 7-كۇنى بەيجيڭنەن حوححوتقا اتتانىپ ىشكى موڭعۇل اۆتونوميالى رايونى قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان بولاتىن. ولار بىرنەشە كۇننەن بەرى شي جينپيڭ جولداس ۇيتقى بولعان پارتيا ورتالىق كوميتەتىنىڭ شىنايى قامقورلىعى مەن ەلىمىزدەگى ٴار ۇلت بۇقاراسىنىڭ تەرەڭ سۇيىسپەنشىلىگىن ارقالاپ ەلىمىزدىڭ بايتاق سولتۇستىك الابىنا بارىپ پارتيانىڭ مەيىرىن موڭعۇل باۋىرلاستارعا سەزىندىرىپ، جەرلىكتەگىلەردىڭ قىزۋ قارسى الۋىنا بولەندى.

اۋدارعان: امانتاي مۇسايىپ ۇلى