«ايبىندى ۋادە ـ ۇلتتىق رايونداردى كەدەيلىكتەن قۇتىلدىرۋدان قامال الۋ بارىستارى» دەگەن ماقالانىڭ «تۇتاسقان كەدەي رايونداردى كەدەيلىكتەن قۇتىلدىرۋداعى شۇعىلالى تابىس» دەگەن 2ـ ءبولىمى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 09:27:00

 

    شينحۋا اگەنتتىگىنىڭ حابارى: تومەندە «ايبىندى ۋادە ـ ۇلتتىق رايونداردى كەدەيلىكتەن قۇتىلدىرۋدان قامال الۋ بارىستارى» دەگەن ماقالانىڭ «تۇتاسقان كەدەي رايونداردى كەدەيلىكتەن قۇتىلدىرۋدان ءۇمىت شۇعىلاسى كورىندى» دەگەن 2 ـ ءبولىمىن تىڭدايسىزدار.

 

2013 ـ جىلى قاراشا ايىندا، ج ك پ ورتالىق كوميتەتىنىڭ باس شۋجيى شي جينپيڭ ۋليڭشان تاۋلى رايونىنداعى وزەكتى ءوڭىر بولعان حۋنان ولكەسىنىڭ شياڭشي تۋجيازۋ ـ مياۋزۋ اۆتونوميالى وبىلىسىندا قىزمەت تەكسەردى. سول رەتكى قىزمەت تەكسەرۋدە شي جينپيڭ «ءدال سۇيەمەلدەپ كەدەيلىكتەن قۇتىلدىرۋدى» العا قويىپ، كەدەيلىكتەن قۇتىلدىرۋدى اۋىز جۇزىندە عانا ايقايلاماۋ، ۇزاق بولاشاقتىق نىسانا ورناتۋ كەرەك،دەگەندى باسا دارىپتەدى.

 

بيىل مەملەكەتتىك ەكى ءماجىلىس قارساڭىندا، باس شۋجي شي جينپيڭ كوزدەن كەشىرگەن شىبادوڭ قىستاعىنان : قىستاعىمىز كەدەيلىكتەن قۇتىلدى،دەگەن قۋانىشتى حابار تارادى.
مەملەكەتتىك ساياسي كەڭەستىڭ تۇراقتى مۇشەسى، حۋنان ولكەسى شياڭشي اۆتونوميالى وبىلىستىق ساياسي كەڭەس ءتورعاسىنىڭ ورىنباسارى تيان لان بىلاي دەيدى: باس شۋجي ءدال سۇيەمەلدەپ كەدەيلىكتەن قۇتىلدىرۋ ۇندەۋىن شياڭشيدە بولعان كەزدە العا قويعان ەكەن، ەندەشە، ءبىزدىڭ شياڭشي ءدال سۇيەمەلدەپ كەدەيلىكتەن قۇتىلدىرۋ قىزمەتىن ارينە، زور ءىس رەتىندە ۇستاۋعا ءتيىس.

 

ۋليڭشان تۇتاسقان رايونى حۋبي، حۋنان، چوڭچيڭ، گۇيجوۋ سىندى 4 ولكە ـ قالانى القىپ جاتادى، بايىرعى توڭكەرىستىك رايون، ۇلتتىق رايون جانە كەدەي رايون بولۋداي ەرەكشەلىكتەردى ءوز بويىنا توعىستىرعان وسىنداي تۇتاسقان كەدەي رايوننان ەلىمىز بويىنشا 14 رايون بار. ەرەكشە قيىنشىلىقتاعى تۇتاسقان شوعىرلى كەدەي رايونداردى كەدەيلىكتەن قۇتىلدىرۋدان قامال الۋ جاڭا كەزەك شايقاسىنىڭ نەگىزگى شايقاس مايدانى ەتۋ ستراتەگيالىق ورنالاستىرۋى جانە مەملەكەتتىڭ وڭىرلىك دامۋ جالپى تۇلعالىق تالابىنا ساي، ورتالىق ۋليڭشان تۇتاسقان كەدەي رايونىنىڭ وڭىرلىك دامۋ جانە كەدەيلىكتەن قۇتىلدىرۋدان قامال الۋ سىناق ءتۇيىن قىزمەتىن ەڭ الدىمەن باستاۋدى بەلگىلەپ، مەملەكەت كولەمىندەگى باسقا تۇتاسقان رايوندارعا ونەگە ەتتى.

 

ۋليڭشان تاۋ قويناۋىنداعى گۇيجوۋ ولكەسى توڭرىن قالاسى يۇيپيڭ دوڭزۋ اۆتونوميالى اۋدانىندا مايبۇرگەن مول شىعادى. يۇيپيڭ مايبۇرگەن شارۋاشىلىعىن دامىتۋدىڭ ەڭ قيىنشىلىق كەزىندە، داليان ۇلتتار ينىستيتۇتى وسىمدىك بايلىعىن زەرتتەۋ ورنىنداعى رۋان چىڭجياڭ پروپەسسور جانە ول باستاعان عىلمي زەرتتەۋ ۇيىرمەسىندەگىلەر يۇيپيڭ اۋدانىنا كەلىپ، ناق مايداننان مايبۇرگەن ۇلگىلەرىن جينادى جانە قاتىستى سان سيفىرلارعا ساراپتاۋ جۇرگىزدى.

 

يۇيپيڭ مايبۇرگەن ونەركاسىپ باقشا رايونىنىڭ جاۋاپتىسى حۋاڭ جۇنفاڭ رۋان پروپەسسور جانە ونىڭ عىلمي زەرتتەۋ ۇيىرمەسى كەلگەن كەزدى اۋىزعا العاندا بىلاي دەپ اسەرلەنە اڭىمەلەدى: مايبۇرگەن ونەركاسىپ باقشامىزدا 4800 سەميا،15 مىڭ ادام بار،مۇنىڭ ىشىندە 800 كەدەي سەميا بار. رۋان پروپەسسور بۇل اراعا كەلگەن سوڭ، ەڭ اۋەلى مايبۇرگەن اعاشىنان تۇسەتىن ۇن شاي ءونىم مولشەرىن ارتتىرۋ ماسەلەسىن شەشىپ، ەكونوميكالىق ونىمدىلىكتى جوعارىلاتتى، ودان سوڭ، مايبۇرگەنگە قۇرت ءتۇسۋ ماسەلەسىن شەشتى، وسىلاردان كەيىن، مايبۇرگەن اعاشىن جاڭا سورتتارعا تەلىپ وسىىرۋگە كىرىستى. سونىمەن بىرگە، جەرلىك بۇقارانى تاربيەلەپ، تەحنيكالارىن جوعارىلاتىپ، جەرلىك تەحنيكتەر قوسىنىن قۇرىپ شىقتى.

 

پارتيا 19 ـ قۇرىلتايى اشىلعالى وتىرعان بۇگىنگى كۇندە، قيىن قامالداردى ۇزدىكسىز تالقانداۋ ارقىلى تۇتاسقان كەدەي رايونداردا كەدەيلىكتەن قۇتىلدىرۋدان قامال الۋدان ءۇمىت شۇعىلاسى كورىندى.

 

اۋدارعان: قاناتبەك جۇماباي ۇلى