ەلىمىز 2019 ـ جىلعا بارعاندا اۋىل قىستاقتارداعى قاتەرلى ۇيلەردى نەگىزىنەن وزگەرتىپ بولۋعا كۇش سالۋدا
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 09:36:00

 

    شينحۋا اگەنتتىگىنىڭ حابارى: تۇرعىن ءۇي جانە قالا ـ اۋىل قۇرىلىس مىنسترلىگى، قازىنا مىنىسترلىگى جانە مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى تاياۋدا بىرلەسىپ ۇقتىرۋ شىعارىپ، جەر جەرلەردەن ارحىپ ورناتىلعان كەدەي سەميالار قاتارلى اۋىل قىستاقتارداعى 4 تۇردەگى ءتۇيىندى وبيەكتىلەردىڭ قاتەرلى ۇيلەرىن وزگەرتۋ قىزمەتىن كۇشەيتۋ جانە كەمەلدەندىرۋدى، بۇل قىزمەتتى 2019 ـ جىلعا بارعاندا نەگىزىنەن، 2020 ـ جىلعا بارعاندا بۇكىلدەي ورىنداپ بولۋدى تالاپ ەتتى.

 

ۇقتىرۋدا مىنالار انىق ايتىلعان: ورتالىقتىڭ سۇيەمەلدەۋىنە يە بولاتىن اۋىل قىستاقتارداعى قاتەرلى ۇيلەرى وزگەرتىلەتىن وبيەكتىلەر ارحىپ تۇرعىزىلعان كەدەي سەميالار، ەڭ تومەنگى تۇرمىسى قامتاماسىزداندىرىلاتىن سەميالار، اۋىل قىستاقتاردا بىتىراندى ورنالاسىپ باعىمعا الىنعان ەرەكشە قيىنشىلىقتاعىلار جانە كەدەي مۇگەدەكتەر سەميالاى سىندى وسى 4 تۇردەگى وبيەكتىلەردىڭ ىشىنەن تۇرعىن ءۇيىنىڭ قاتەر دارەجەسىنە قاراي تۇراقتاندىرىلادى. وسى 4 تۇردەگى وبيەكتىلەردىڭ ىشىندە تۇرعىن ۇيلەرى C دارەجە جانە D دارەجە بولىپ تۇراقتاندىرىلعاندارى قاتەرلى ۇيلەرىن وزگەرتۋ وبيەكتىلەرى ەتىلەدى.

 

ۇقتىرۋدا مىنالار حابارلاندىرىلعان: ارحىپ تۇرعىزىلعان كەدەي سەميالار كەدەيلىكتەن قۇتىلعاندار قاتارىنا ەنگىزىلەردە ولاردىڭ تۇرعىن ءۇي جاعدايلارى تومەندەگىدەي نەگىزگى ساپا تالاپتارىنا تولاتىن بولۋ كەرەك: ءۇي ورنى حاۋىپسىز،جەر تاعانى بەكەم، نەگىزى مىعىم، قۇرىلىمى ورنىقتى بولۋ، كۇشەمەلىك تالاپقا تولاتىن بولۋ كەرەك؛ سىلكىنىسكە قارسى تۇرۋ قۇرىلىمدىق شارالارى تولىق، بەلگىلەمەگە ۇيلەسىمدى بولۋ ؛ قورعان قۇرىلىمىنىڭ جانە بەي قۇرىلىمدىق بولشەكتەردىڭ تۇلعالىق قۇرىلىممەن تۇتاستىعى بەرىك، قۇرىلىس ماتەريالدارى ساپا تولىمدىلىعىنا جەتكەن بولۋ كەرەك.

 

اۋدارعان: گۇلنۇر قابىلقاق قىزى