جاڭ گاۋلي 14-كەزەكتى جۇڭگو-شىعىس وڭتۇستىك ازيا ەلدەر وداعى كورمەسىنىڭ باستالۋ سالتىنا قاتىناستى ٴارى ٴسوز سويلەدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 10:00:00

 

    ٴوز حابارىمىز: 14-كەزەكتى جۇڭگو-شىعىس وڭتۇستىك ازيا ەلدەر وداعى كورمەسى جانە جۇڭگو-شىعىس وڭتۇستىك ازيا ساۋدا ىستەر-قارجى قوسۋ باس قوسۋى 12-قىركۇيەك كۇنى تۇستەن بۇرىن گۋاڭشي ولكەسىنىڭ ناننيڭ قالاسىندا باستالدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گاۋلي باستالۋ سالتىنا قاتىناستى ٴارى باستاۋ ٴسوزىن سويلەدى.

 

جاڭ گاۋلي بىلاي دەدى: جۇڭگومەن شىعىس وڭتۇستىك ازيا ەلدەر وداعى «ٴبىر بەلدەۋ، ٴبىر جولدى» بىرلىكتە قۇرۋدا وتە ورايلى ساتكە كەز كەلدى. جاقىنعى جىلداردان بەرى، ەكى جاق بەيبىت سەلبەسۋ، اشىق ۇستاۋ، ٴوزارا ۇيرەنىپ، ۇلگى الۋ، ٴبىر-بىرىنە يگىلىك جەتكىزۋ سىندى جىبەك جولى رۋحىن ساۋلەلەندىرىپ، ساياسات جاعىندا اۋىس-كۇيىس جاساپ، قۇرىلعىلاردى تۇتاستىرىپ، ساۋدانى ىركىلىسسىزدەندىرىپ، قارجىنى توعىستىرىپ، جۇرت جۇرەگىن جالعاپ، ٴار سالاداعى سەلبەستىكتى كورنەكتى ىلگەرىلەتتى.

 

جاڭ گاۋلي بىلاي دەدى: جۇڭگو شىعىس وڭتۇستىك ازيا ەلدەر وداعىمەن دوستىق سەلبەستىگىن جالعاستىرا بەرەدى. ٴتوراعا شي جينپيڭ: اناعۇرلىم قويۋ جۇڭگو-شىعىس وڭتۇستىك ازيا ەلدەر وداعى تاعدىرلاس ورتاق تۇلعاسىن قۇرىپ، ونى ازيانىڭ تاعدىرلاس ورتاق تۇلعاسىنىڭ ۇلگىسىنە اينالدىرۋ كەرەك،-دەگەندى ورتاعا قويعان بولاتىن. جۇڭگو كەشىرىمشىل، باۋىرمال بولۋ كوزقاراسىنان جازباي، شىعىس وڭتۇستىك ازيا ەلدەر وداعىمەن بىرلىكتە 21-عاسىرداعى تەڭىز جىبەك جولى قۇرىلىسىنىڭ تىڭ پاراعىن جازۋعا پەيىل. ساياسي ٴوزارا سەنىمدى نىعايتىپ، «جۇڭگو-شىعىس وڭتۇستىك ازيا ەلدەر وداعى ستراتەگيالىق سەرىكتەستىك قاتىناسىنىڭ 2030-جىلعى جوباسىن» جاساۋدى ىلگەرىلەتىپ، «ٴبىر بەلدەۋ، ٴبىر جول» دارىپتەمەسىن شىعىس وڭتۇستىك ازيا ەلدەر وداعىنىڭ وڭىرلىك ستراتەگياسىمەن جانە شىعىس وڭتۇستىك ازيا ەلدەر وداعىنا مۇشە ەلدەردىڭ دامۋ ستراتەگياسىمەن ۇشتاستىرۋدى ونان ارى كۇشەيتۋ؛ حالىقارالىق كاسىپ قۋاتى سەلبەستىگىن تەرەڭدەتىپ، جۇڭگو-شىعىس وڭتۇستىك ازيا ەلدەر وداعىنىڭ ەركىن ساۋدا رايونىن ساپالاندىرىپ دامىتۋ؛ ٴوزارا تۇتاستىرۋ سەلبەستىگىن تەرەڭدەتىپ، قۇرىلىق، تەڭىز، اۋە، توراپ قاتارلىلار ٴبىر تۇلعالانعان تۇتاستىقتى كۇش سالا ىلگەرىلەتۋ؛ جاڭالىق جاراتۋ سەلبەستىگىن تەرەڭدەتىپ، «جۇڭگو-شىعىس وڭتۇستىك ازيا ەلدەر وداعىنىڭ عىلىم-تەحنيكالىق سەرىكتەس جوسپارىن» اتقارۋ؛ مادەنيەت اۋىس-كۇيىسىن تەرەڭدەتىپ، «جۇڭگو-شىعىس وڭتۇستىك ازيا ەلدەر وداعى ساياحات سەلبەستىك جىلى» قيمىلىن ويداعىداي وتكىزىپ، ەكى جاقتىڭ حالىق تىلەگى نەگىزىن بەكەمدەۋ ٴتيىس.

 

برۋنەيدىڭ سۇلتانى حاساننار، كامبودجانىڭ باس ٴۋازىرى حۇڭسىن، ۆەتنامنىڭ تۇراقتى ىستەرگە جاۋاپتى ورىنباسار زۇڭليى جاڭ حىپيڭ، لاوس زۇڭليىنىڭ ورىنباسارى سۇڭساي، قازاقستاننىڭ ٴبىرىنشى ورىنباسار زۇڭليى اسقار مامينوۆ قاتارلىلاردا باستالۋ سالتىنا قاتىناستى ٴارى جەكە-جەكە ٴسوز سويلەدى.

 

باستالۋ سالتىنان كەيىن، جاڭ گاۋلي كورمە زالىن كوزدەن كەشىردى ٴارى حاساننارمەن بىرگە برۋنەي سارايىنىڭ اشىلۋ سالتىنا قاتىناستى.

 

اۋدارعان: گۇلنۇر قابىلقاق قىزى