جۇڭگو جاساندى سەرىكتەرى كەڭىستىكتە كەرەمەتتەر جاراتۋدا
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 10:58:00

 

    ءوز حابارىمىز: باس شۋجي شي جينپيڭ : ءبىزدىڭ قاجىماي ـ تالماي قۇلشىناتىن اۋياتسيا ارمانىمىز ـ شالقار كەڭىستىكتى شارلاپ، اۋياتسيا ىستەرىن دامىتىپ، اۋياتسيادا ەگەي ەل قۇرۋ،دەپ انىق ايتىپ بەرگەن بولاتىن. 18 ـ قۇرىلتايدان بەرى، جۇڭگونىڭ اۋياتسيا كاسىبىندە حابارلاسۋ جاساندى سەرىگى، الىستان مەڭگەرىلەتىن جاساندى سەرىك جانە كەڭىستىكتە عىلمي تاجىريبە جاسايتىن جاساندى سەرىك قاتارلى سالالاردا كوپتەگەن الەمدىك دەڭگەيدەگى تىڭ ناتيجەلەر جاراتىلىپ، ادامزات تۇرمىسىنا باقىت جاراتۋعا جانە ادامزات وركەنيەتىن ورىستەتۋگە جۇڭگولىق ۇلەس بولىپ قوسىلدى.

 

ءسىز، زاڭگىر اسپاندا ايروپلاندا ۇشىپ نەمەسە شالعاي مۇحتتا ساپار شەگىپ بارا جاتقاندا يىنتەرنەتپەن وپ وڭاي ۇلاسۋدى ويلاپ كوردىڭدىزبە؟ بۇل كۇندەرى جۇڭگو جاساندى سەرىك كاسىبى وسى ارمانعا جەتۋگە تالىقپاي تالپىنۋدا. ەلىمىز دەربەس زەرتتەپ جاساعان حابارلاسۋ اياسى اسا كەڭ تۇڭعىش جاساندى سەرىك بولعان ءاماليات ـ 13 ـ نومەرلى جاساندى سەرىك-20 G سيىمدىلىقتاعى حابارلاسۋ بەلدەۋىن قالىپتاستىرىپ ۇلگىردى.

 

سونىمەن بىرلىكتە، جۇڭگونىڭ تاعى ءبىر جاساندى سەرىگى دە ادامزاتتىڭ حابارلاسۋ فورماسىندا توڭكەرىس جاساۋدا. قازىر موزى كۆانتتىق ەسەپتەۋ عىلمي تاجىريبە جاساندى سەرىگى حالقارادا جاساندى سەرىكتەن جەر بەتىنە سيفىرلى قۇپيا كىلتپەن قۇلىپتانعان يىنفورماتيسا جولداۋ جانە جەر بەتىنەن جاساندى سەرىككە كۆانتتىق ەسەپتەلگەن قۇپيا يىنفورماتسيا جولداۋدى ىسكە اسىرىپ، بولاشاقتا كەڭىستىك پەن جەر بەتىندە اسا ءونىمدى ءارى حاۋىپسىز بولعان كۆۋانتتىق حابارلاسۋ يىنتەرنەت تورابىن قۇرۋعا بەرىك نەگىز قالادى.

 

ەلىمىز جاساندى سەرىك ارقىلى كوسموسقا كىرىپ وسى تەحنيكادا دۇنيە بويىنشا قارا ءۇزىپ العا شىعۋدا تەك حابارلاسۋ تەحنيكاسىمەن عانا شەكتەلىپ قالعان جوق. ەلىمىز دۇنيە بويىنشا تۇڭعىش زەرتتەپ جاساعان قۇپيا زاتتاردى ىزدەيتىن جاساندى سەرىك بولعان ۋكوڭ جاساندى سەرىگى بۇل كۇندەرى كوسموستا كوزگە كورىنبەيتىن قۇپيا زاتتاردى ىزدەستىرۋدە.

 

ەندى عانا ۇشىرىلىپ وربيتاعا كىرگەن قاتتى رەنتىگەن ساۋلەلى ءدۇربى بولعان «كورەگەن» اتتى جاساندى سەرىك تە ادامزاتتىڭ كوسموستىڭ تەگىن تەكتەۋ قاتارلى كوسموس ىزدەنىستەرىندەگى تۇپكىلىكتى سۇراۋلارعا جاۋاپ تابۋعا دايىندالۋدا.

 

الداعى 5 جىلدا، ەلىمىز جوعارى دەڭگەيدە پارىقتاۋ تەحنيكاسى ارقىلى جەر شارىن باقىلايتىن جاساندى سەرىك تورابىن قۇرىپ، 0.5 مەتىر پارىقتالاتىن جوعارى دەڭگەيلىك ساۋدا پارىقتاۋ جاساندى سەرىگىن الىستان مەڭگەرۋ سيفىرلارىن شەتەلدەر مونوپوليالاپ كەلگەن جاعدايدى تۇبىرىنەن وزگەرتەدى.

 

سونىمەن بىرلىكتە، ەلىمىزدىڭ جەتى قاراشى جاساندى سەرىكتىك باعدار جۇيەسىنىڭ جەر شارىندىق تورابى قۇرىلىپ، 2020 ـ جىلدىڭ الدى ـ ارتىندا 35 جاساندى سەرىكتەن قۇرالعان ورىن بەلگىلەۋ تورابى جەر بەتىندەگى ورىن بەلگىلەۋ دالدىگىن 2 مەتىر كولەمىنە كىشىرەيتەدى. ەلىمىزدىڭ وسى جاساندى سەرىكتەرىنىڭ بارلىعى كەڭىستىكتە ۇشى ـ قيىرسىز جۇلدىزدىق حاريتا قۇرايدى.

 

اۋدارعان: قاناتبەك جۇماباي ۇلى