ۇدىرە العا تارتقان بەس جىل-شيزاڭدىقتار باقىتتى تۇرمىسقا كەنەلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 16:48:00

 

    ٴوز حابارىمىز: پارتيانىڭ 18-قۇرىلتايىنان بەرى، شيزاڭ اۆتونوميالى رايوندىق پارتكوم مەن ۇكىمەت حالىق تۇرمىسىن جاقسارتۋدى باستاما جانە تياناق ەتىپ، تۇتاس رايوننىڭ شارۋاشىلىق قوعامىنىڭ سايكەستى دامۋىن ٴبىر تۇتاس ىلگەرىلەتىپ، ٴتۇرلى ناقتى تيىمدىلىكتەر ارقىلى شيزاڭداعى ٴار ۇلت حالقىن باقىتقا كەنەلتتى.

 

لاسا قالاسى چىڭگۋان رايونى جيگۇڭتاڭ اۋىلى سى-جياۋلين قىستاعىنىڭ تۇرعىنى سولاڭ بىلاي دەدى: بۇرىن توپىراق ۇيلەردە تۇراتىنبىز، جاۋىن-شاشىن بولعاندا كورپەنىڭ ۇستىنە ٴبىر قابات سۋلياۋ جامىلعاندا عانا تىنىش ۇيىقتاي الاتىن ەدىك. نەشە جىلدىڭ الدىندا، ۇكىمەت سىلكىنىسكە ٴتوزىمدى ٴۇي سالىپ بەردى، قازىر كوپشىلىك اسحانا اشىپ، زات تاسىمالداپ، تۇرمىستارى تۇبەگەيلى وزگەردى.

 

اتا-باباسىنان بەرى تاۋ ەتەگىندە كارتوپ، ارپا ەگۋمەن شۇعىلداناتىن سى-جياۋلين قىستاعىنىڭ تۇرعىندارى كەدەيلىكتىڭ تاقسىرەتىن تارتىپ كەلگەن. بەس جىلدىڭ الدىندا، لاسا قالاسى سى-جياۋلين قىستاعىندا جۇڭگو شيزاڭ مادەنيەت ساياحات جاڭالىق جاراتۋ باقشا رايونىن قۇردى، وسى باقشا رايونىنداعى كونسەرت ٴتۇرى- «ۋىنچىڭ حانشا» اتتى كولەمدى تەاتردىڭ اتاعى ٴبىر كۇندە اسپانعا شىعىپ، ارت-ارتىنان قويىلىپ، سى-جياۋلين قىستاعىنداعىلارمەن سولاڭنىڭ تۇرمىسىن تۇبەگەيلى وزگەرتتى. سولاڭ: پارتيانىڭ ساياساتى جاقسى بولعاندىقتان، كەدەيلىكتەن تۇبەگەيلى ارىلىپ، اۋقاتتاندىم،-دەيدى قۋانىشپەن.

 

سى-جياۋلين قىستاعىنىڭ بەس جىلدان بەرگى وراسان زور وزگەرىسى شيزاڭنىڭ كەدەيلىكتەن ارىلتۋدا قامال الۋدىڭ، حالىق تۇرمىسىن جاقسارتۋدىڭ كارتيناسى. 2012-جىلدان بەرى، شيزاڭ شارۋاشىلىعى اقاۋسىز دامىپ، حالىقتىڭ تۇرمىس دەڭگەيى بارىنشا جوعارىلاپ، قالا-اۋىل تۇرعىندارىنىڭ بولىسكە سالۋعا بولاتىن جىلدىق كىرىسى جەكە-جەكە %10.9 جانە %12.4 ارتتى.

 

كەدەيلىكتەن ارىلتۋدا قامال الۋ قىزمەتىندە ۇزدىكسىز تىڭ ىلگەرىلەۋ بولدى. 2016-جىلى، شيزاڭدا كەدەيلەر 147 مىڭ ادام ازايىپ، بەس اۋدان مەملەكەتتىك باعالاۋعا قاتىناسۋدى ٴوتىنىش ەتتى. ولكە دارەجەلى پارتكوم مەن ۇكىمەتتىڭ كەدەيلەردى سۇيەمەلدەۋ، كوركەيتۋ قىزمەت ونىمدىلىگىن باعالاۋدا شيزاڭ جالپى جاقتان «جاقسى» دەگەن باعا الدى. بىلتىر ەكولوگيالىق تولىقتاما بەرۋگە 500 مىڭ ورىندى تياناقتاندىرۋ نەگىزىندە، شيزاڭ بيىل تاعى ەكولوگيالىق تولىقتاما بەرىلەتىن 200 مىڭ ورىندى ۇستەمەلەپ، ادام باسىنا 3 مىڭ يۋان كومەك قارجى بەرىپ، ەڭبەك قۋاتى بار كەدەيلەرمەن اۋىل-قىستاقتاعى كىرىسى تومەن جان سانىن سول جەردە كاسىپتەندىردى.

 

پارتيانىڭ 18-قۇرىلتايىنان بەرى، شيزاڭ اۆتونوميالى رايونى قازىنالىق قارجىنىڭ %70 ىن جىل سايىن حالىق تۇرمىسىنا قوسىپ، ەگىنشى-مالشى، نەگىزگى ساتى، ٴالسىز توپتارعا بەيىمدەپ، حالىق تۇرمىسىنا قاتىستى ناقتى ىستەردى بارىنشا جاقسى ىستەدى.

 

اۋدارعان: گۇلنۇر قابىلقاق قىزى