لي كىچياڭ دۇنيە ساياحات بىرلەستىگىنىڭ قۇرىلۋ سالتىنا قۇتتىقتاۋ حاتىن جولدادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 16:53:00

 

    شينحۋا اگەنتتىگىنىڭ حابارى: مەملەكەتتىك كەڭەستىڭ زۇڭليى لي كىچياڭ قىركۇيەكتىڭ 12-كۇنى چىڭدۋ قالاسىندا وتكىزىلىپ جاتقان دۇنيە ساياحات بىرلەستىگىنىڭ قۇرىلۋ سالتىنا قۇتتىقتاۋ حاتىن جولدادى.

 

لي كىچياڭ قۇتتىقتاۋ حاتىندا بىلاي دەدى: ساياحات سالاسى-قازىرگى دۇنيەدەگى كولەمى ەڭ زور، دامۋى ەڭ تەز، بايلانىسى ەڭ كەڭ ۋنيۆەرسالدى سالا، شارۋاشىلىقتىڭ دامۋىن جەبەپ، مەملەكەتتەر ارا قارىم-قاتىناستى قويۋلاتاتىن ۇتىمدى جول، ادامدار ارا بايلانىستى كۇشەيتۋگە ٴتيىمدى بولىپ، ادامزاتتىڭ تاعدىرلاس ورتاق تۇلعاسىن قۇرادى.

 

لي كىچياڭ تاعى مىنالاردى اتاپ كورسەتتى: ساياحات سالاسىنىڭ وڭىرلىك تەپە-تەڭدىگى مەن كەڭ دامۋىن جۇزەگە اسىرۋ ٴۇشىن ٴارقايسى جاقتاعىلار كەڭىنەن اۋىس-كۇيىس جاساپ، سەلبەستىكتى تەرەڭدەتىپ، بىرىكپە كۇش قالىپتاستىرۋى قاجەت. ۇكىمەتتىڭ رولىن ساۋلەلەندىرىپ سەلبەستىكتى جەبەپ قانا قالماستان حالىقتىق كۇشتى ساۋلەلەندىرىپ دۇنيە جۇزىندەگى ساياحات سالالارىنىڭ اقىل-پاراساتى مەن بايلىق ابزالدىلىعىنان ايتارلىقتاي پايدالانۋلارى، ٴارقايسى ەلدەردىڭ ساياحات قوعامدارى، ساياحات كاسىپورىندارى جانە كاسىپتىك مامان-قايراتكەرلەرى بەلسەنە اتسالىسىپ، ساياحات سالاسىنىڭ ۇلاسپالى دامۋىن ٴتىپتى دە ايتارلىقتاي جەبەۋلەرى قاجەت. دۇنيە ساياحات بىرلەستىگىنىڭ وسى ٴۇشىن جاڭا مىنبە قۇرىپ، تىڭ وراي جاراتاتىندىعىنا سەنەمىز. جۇڭگو ۇكىمەتى اتالعان بىرلەستىكتىڭ قۇرىلۋىنا بەلسەنە نازار اۋدارىپ، قولداپ-قۋاتتايدى، ٴتىپتى دە شالقار دامۋ ورتاسىن جاراتادى، سونداي-اق ٴار ەل ساياحات سالالارىنىڭ كەڭىنەن اتسالىسىپ، دۇنيە جۇزىلىك ساياحاتتى جونگە سالۋ جۇيەسىن ۇزدىكسىز كەمەلدەندىرۋدە سىندارلى رول اتقارۋىن قارسى الادى.

 

دۇنيە ساياحات بىرلەستىگىن قۇرۋدى جۇڭگو ساياحات قوعامى ٴوتىنىش ەتىپ ورتاعا قويعان، ساياحات سالاسىنداعى تۇڭعىش دۇنيە جۇزىلىك، ۋنيۆەرسالدى، بەيۇكىمەتتىك، پايدا تابۋدى كوزدەمەيتىن حالىقارالىق ساياحات ۇيىمى، قۇرۋشى مۇشە ورىننان 89 ى بار بولىپ، 5 ۇلكەن قۇرىلىقتاعى 29 ەل مەن رايوننان قۇرالعان. چىڭدۋ قالاسىندا ب م ۇ دۇنيە جۇزىلىك ساياحات ۇيىمىنىڭ 22-كەزەكتى جالپى جينالىسىنا بارعان 125 ەلدىڭ مىڭنان استام ۋاكىلى دۇنيە ساياحات بىرلەستىگىنىڭ قۇرىلۋ سالتىنا قاتىناستى.

 

اۋدارعان: امانتاي مۇسايىپ ۇلى