شينجياڭنىڭ ءبىرقانشا تاريحي ماسەلەلەرىن زەرتتەۋ اڭگىمە ءماجىلىسى بەيجيڭدە اشىلدى، يۇي جىڭشىڭ ماجىلىسكە قاتناستى ءارى ءسوز سويلەدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-14 10:05:00

 

    ءوز حابارىمىز: شينجياڭنىڭ ءبىرقانشا تاريحي ماسەلەلەرىن زەرتتەۋ اڭگىمە ءماجىلىسى قىر كۇيەكتىڭ 12 ـ، 13 ـ كۇندەرى بەيجيڭدە اشىلدى، ج ك پ ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەس ءتوراعاسى يۇي جىڭشىڭ ماجىلىسكە قاتناستى ءارى ءسوز سويلەدى.

 

يۇي جىڭشىڭ مىنالاردى ناقتاپ ايتتى: شينجياڭنىڭ ءبىرقانشا تاريحي ماسەلەلەرىن زەرتتەۋ اڭگىمە ءماجىلىسىنىڭ مازمۇندىق كورسەتپەسىندە شينجياڭنىڭ ءبىر قانشا تاريحي ماسەلەلەرىنە مۇقيات جاۋاپ بەرىلىپ، مىنالار ايقىندالعان: شينجياڭ ـ وتانىمىز تەرريتورياسىنىڭ ايرىلماس بولەگى، كوپ ۇلتتىڭ ۇلى بىرلىگى ـ ەلىمىزدە چيڭ، حان داۋىرىنەن بەرى قالىپتاسىپ بولعان تاريحي ءداستۇر جانە دارا ابزالدىلىق؛ شينجياڭداعى ءار قايسى ۇلتتارـ جۇڭحۋا ۇلتتارىنىڭ ەتەنە سەمياسىنىڭ مۇشەسى، جۇڭحۋا ۇلتتارىنىڭ ۇلى كوركەيۋىندەي جۇڭگو ارمانىن جۇزەگە اسىرۋ ـ ءار ۇلت حالقىنىڭ ورتاق مۇدەسى؛ شينجياڭداعى ءار ۇلت حالقىنىڭ وركەنيەتى جۇڭحۋا وركەنيەتىنىڭ قۇنارلى توپىراعىنا تامىر تارتقان، جۇڭحۋا وركەنيەتىنىڭ ايرىلماس بولەگى؛ شينجياڭ كوپ ءدىن قاتار ساقتالعان رايون، ءدىنني قاتناستار جاراسىمدىلىعىن ساقتاۋدى جەبەۋـ شينجياڭنىڭ ورنىقتىلىعى مەن كوركەيۋىنىڭ تاريحي تاجىريبەسى. بۇل كوزقاراستاردىڭ بارلىعى شينجياڭنىڭ يدەولوگيا سالاسىنداعى اسىرەسە، تاريح سالاسىنداعى رەال ماسەلەلەردى شەشۋدى بويسۋنۋعا ءتيىستى قاعيدالارمەن قامدايدى، ءبىر تۇتاس شينجياڭداعى ءار ۇلت كادىرلار جۇرتشىلىعىنا ءبىر قانشا تاريحي ماسەلەلەر جونىندە ورتاق تانىم قالىپتاستىرىپ بەرەدى، شينجياڭنىڭ يدەولوگيا قىزمەتىندە نەگىزگى جەتەكشىلىك ۇقىقتى، ىرىقتىلىق ۇقىقتى، ءسوز سويلەۋ ۇقىعىن مەڭگەرۋدى ماڭىزدى يدەيالىق وي جەلىمەن قامدايدى.

 

يۇي جىڭشىڭ مىنالاردى باسا ايتتى: ءماجىلىس مازمۇندىق كورسەتپەسىنىڭ نەگىزگى مازمۇنىن جانە رۋحاني ءمانىن مۇقيات ۇيرەنىپ يگەرۋ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋداي جالپى نىسانادان اۋىتقىماي تاباندى بولۋ؛ باياندى ساياسات، باياندى تۇرمىس، باياندى باسىمدىلىق، باياندى كاسىپ ورناتۋداي نەگىزدىك قاعيدالاردان اۋىتقىماي تاباندى بولۋ؛ ورتاق تانىم ورناتۋ، كوكەيگە قونىمدى بولۋداي باستاما مەن تياناقتان اۋىتقىماي تاباندى بولۋ؛ يدەولوگيا سالاسىندا بولشەكتەۋگە قارسى تۇرۋ كۇرەسىنىڭ جەڭىسىنە قول جەتكىزۋ ايقىن پوزەتسياسىنان اۋىتقىماي تاباندى بولۋ؛ءتۇپ قايناردان باستاپ تۇزەپ، شينجياڭنىڭ تاريح، مادەنيەت، ۇلت، ءدىن قاتارلى جاقتارىنداعى قاتە يدەيلاردىڭ ىقپالىن ايانباي الاستاۋ، ۇزاقتان ساقتالعان قاتپارلى ماسەلەلەردى تۇبىرىنەن شەشۋ؛ شينجياڭدى زاڭمەن باسقارۋ، ىنتىماقپەن ورنىقتىرۋ، باياندى كوركەيتۋدەگى يدەيالىق نەگىز بەن ساياسي نەگىزدى بەكەمدەۋ كەرەك.

 

اۋدارعان: قاناتبەك جۇماباي ۇلى