ورتالىق ۇگىت ءبولىم قاتارلى 5 تاراۋ سوقىرلار سيفىرلى وقۋىن جالپىلاستىرۋ يىنجەنەرياسىن اتقاردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-14 10:06:00

 

    شينحۋا اگەنتتىگىنىڭ حابارى: قىركۇيەكتىڭ 13ـ كۇنى ورتالىق ۇگىت ءبولىمى،قازىنا مىنىسترلىگى، مادەنيەت مىنىسترلىگى، مەملەكەتتىك احپارات باسپا ءسوزـ راديوـ كينو ـ تەلەۋيزيا باس مەكەمەسى، جۇڭگو مۇگەدەكتەر بىرلەستىگى ۇيىمداستىرىپ اتقارعان «سوقىرلار سيفىرلى وقۋىن جالپىلاستىرۋ يىنجەنەرياسى» مەملەكەتتىك كىتاپحانادا باستالدى. ج ك پ ورتالىق كوميتەت ساياسي بيۋروسىنىڭ مۇشەسى، ورتالىق شۋجيچۋدىڭ شۋجيى، ورتالىق ۇگىت ءبولىمىنىڭ باستىعى ليۋ چيباۋ باستالۋ سالتىنا قاتناستى ءارى كىتاپحاناعا جانە سوقىرلاردى تاربيەلەۋ قۇرىلىمدارىنىڭ ۋاكىلدەرىنە زەيىندى كىتاپ تىڭداۋ اپپاراتى، سوقىرلار كومپيۋتەرى قاتارلى سوقىرلار وقىلىم اسپاپتارىن تاراتىپ بەردى.

 

قازىر ەلىمىزدە 17 مىلليون سوقىر ادام بار، ولار قالىپتى ادامدارشا كىتاپ وقۋدى، ۇيرەنۋدى اڭسايدى. سوقىرلاردىڭ وقىلىم ورەسىن جوعارىلاتۋ ءۇشىن، ورتالىق ۇگىت ءبولىمى قاتارلى 5 تاراۋ «سوقىرلار سيفىرلى وقۋىن جالپىلاستىرۋ يىنجەنەرياسىن» ۇيىمداستىرىپ اتقارىپ، سيفىرلى باسپا، تاراتىلىم تەكشەسى جانە سوقىرلار وقۋ جابدىعى قاتارلىلاردان پايدالانىپ سوقىر ادامدارعا سيفىرلى دىبىستىق وقىلىمدار، ەلەكتورندىق سوقىرلار جازۋى جاعىندا جانە مەحانىزىمدەسكەن، ۇلاسىمدى ءبىلىم مادەنيەت جاعىندا قىزمەت وتەۋدى ورىستەتتى.

 

اۋدارعان: قاناتبەك جۇماباي ۇلى