19- قۇرىلتايدىڭ اقپارات وزەگى توراپ سايىتى مەن قاۋىمدىق ٴۇنحات تەكشەسى قازاننىڭ 11-كۇنى ساعات 0 دە رەسىمي ىسكە قوسىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-12 09:40:00

 

    ٴوز حابارىمىز: بۇكىل ەل كوڭىل ٴبولىپ، دۇنيەنىڭ نازارىن اۋدارعان 19-قۇرىلتاي اشىلۋ قارساڭىندا جۇڭگو كوممۋنيستىك پارتياسىنىڭ 19-رەتكى مەملەكەتتىك قۇرىلتايىنىڭ اقپارات وزەگى توراپ سايىتى مەن الەۋمەتتىك ٴۇنحات تەكشەسى قازاننىڭ 11-كۇنى ساعات 0 دە رەسىمي ىسكە قوسىلدى.

 

19-قۇرىلتاي اقپارات وزەگى توراپ سايىتىنىڭ حانزۋ ٴتىلى، اعىلشىن ٴتىلى پاراقشالارى بار، كومپيۋتەر جانە قولفون ارقىلى كورۋگە بولادى. توراپ سايىتى قاراپايىم جوبالانىپ، قۇرىلىمى ايقىن، ينفورماتسيالارى مول بولىپ قولدانىلمالىلىعى ٴبىرشاما كۇشتى. توراپ سايىتىندا قۇرىلتايداعى ەڭ جاڭا حابارلار، اقپارات وزەگىنىڭ تىلشىلىك، قۇلاقتاندىرۋ، ۇقتىرۋ سياقتى ماڭىزدى ينفورماتسيالارى دەركەزىندە جاريالانادى ٴارى اقپارات جاريالاۋ جيىندارى مەن تىلشىلەردى قابىلداۋ جيىندارى تىكە تاراتىلادى. تىلشىلەرگە تىلشىلىك ىستەۋ قىبىلاناماسى، اۋارايى، راديو-تەلەۆيزيا سەگنالىنان پايدالانۋ سياقتى جاقتاردا قىزمەت وتەپ قاتىستى ينفورماتسيالاردى تاراتادى، تاعى ٴبىر جاعىنان شەتەل تىلشىلەرىن تىلشىلىك ىستەۋگە ٴوتىنىش بەرۋ جۇيەسىمەن قامدايدى. ابونتتاردىڭ تاعى وسى توراپ سايىتى ارقىلى 19- قۇرىلتاي ۋاكىلدەرىنىڭ ەسىمدىگى، جۇڭگو كوممۋنيستىك پارتياسىنىڭ نەگىزدىك بىلىمدەرى، ساناق ساندى مالىمەتتەرى، قۇرىلۋى جانە دامۋ تابىستارى سياقتى ماتەريالداردى كورۋىنە ٴارى توراپ سايىتىنداعى ۇكىمەت جاريالاعان سۋرەتتەردى كوشىرىپ پايدالانۋىنا بولادى. توراپ سايىتىنىڭ قولفون نۇسقاسىنداعى بەتى قولفون ارقىلى توراپ بەتىن كورۋ ەرەكشەلىگىنە قاراي ساپالى جوبالانىپ، قولفون ابونتتارىنىڭ كەز كەلگەن جەر- كەز كەلگەن ۋاقىتتا قۇرىلتاي جايلى ماڭىزدى ينفورماتسيالاردى كورۋىنە قولايلىلىق جاراتىلدى.

 

ۇكىمەت جاعىنىڭ الەۋمەتتىك ٴۇنحات تەكشەسى اقپارات وزەگىنىڭ وسى رەت جاڭادان قوسقان قىزمەت وتەۋ مازمۇنى، سونداي-اق پارتيا قۇرىلتايىن حابارلاۋداعى تىڭ باستاما بولىپ وتىر. الەۋمەتتىك ٴۇنحات تەكشەسى 19- قۇرىلتاي اقپارات وزەگى توراپ سايىتىنىڭ يقۋاتى مەن مازمۇنىن تايانىش ەتكەن، ەكەۋى ٴوزارا تۇتاسىپ، حابارلاردى دەركەزىندە جاريالاۋ، جىلجىمالى توراپ سايىتىن جاڭالاۋ، قىزمەت وتەۋ مازمۇندارىن تانىستىرۋداي يقۋاتتارعا يە. جۇڭگو- شەتەل تىلشىلەرىنىڭ الەۋمەتتىك ٴۇنحات تەكشەسى ارقىلى اقپارات وزەگىنىڭ ٴتۇرلى قىزمەت وتەۋ مازمۇندارى مەن شارالارىن قاراستىرۋىنا بولادى.

 

اۋدارعان: امانتاي مۇسايىپ ۇلى