ورتالىق ۇگىت ءبولىمى، ەڭ جوعارى حالىق سوت مەكەمەسى، بانكە باقىلاپ باسقارۋ كوميتەتى سەنىمىن جوعالتقان اتقارۋشىلاردى جالپى جۇرتقا اشكەرەلەۋ ولكە دارەجەلى تەكشەسىن جىل سوڭىنا دەيىن قۇرىپ شىعۋ جونىندە ۇقتىرۋ شىعاردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-12 09:59:00

 

    ءوز حابارىمىز: ورتالىق ۇگىت ءبولىمى، ەڭ جوعارى حالىق سوت مەكەمەسى جانە بانكە باقىلاپ باسقارۋ كوميتەتى ۇقتىرۋ شىعارىپ، جەر جەرلەردەگى قاتىستى تاراۋلاردان مەملەكەتتى جالپى بەتتىك زاڭمەن باسقارۋ جانە سوتسيالىستىك وزەكتى قۇن كوزقاراسىن ءامالياتتا ايگىلەۋدەي ستراتەگيالىق وسكەلەڭ ورەدەن كوز سالىپ، جياڭشي ولكەسىنىڭ زاڭ ـ مەديا ـ بانكە سايكەستىگى ارقىلى سەنىمىن جوعالتقان اتقارۋشىلاردى جالپى جۇرتقا اشكەرەلەۋ تەكشەسىن قۇرۋ تاجىريبەسىن مۇقيات ۇيرەنۋ جانە قابىلداۋدى، بۇل قىزمەتتى ىشكەرىلەي ورىستەتۋدى تالاپ ەتتى.

 

زاڭ ـ مەديا ـ بانكە سايكەستىگى ءسىرا قانداي تەكشە؟ بۇل جونىندە ەڭ جوعارى حالىق سوتى اتقارۋ مەكەمەسى باستىعىنىڭ ورىنباسارى جاۋ جينشان بىلاي دەپ ءتۇسىندىردى: زاڭ ـ مەديا ـ بانكە سايكەستىگى ارقىلى سەنىم كەتىرگەن اتقارۋشىلاردى جالپى جۇرتقا اشكەرەلەپ، سەنىمىن جوعالتقان اتقارۋشىلاردى اشكەرەلەۋ جونىندە الەۋمەتتىڭ سۇراۋلارىنا جاۋاپ بەرۋ ارقىلى سەنىمىن جوعالتقان اتقارۋشىلاردىڭ سازايىن بەرۋگە، بۇل قىزمەت جونىندە ۇگىت ورىستەتۋ، اشكەرەلەۋ لەنيالارىندا اشكەرەلەۋ، جانە باقىلاۋ قىزمەتتەرىن ورىستەتۋگە بولادى، سونىمەن بىرگە، ستاتىستيكالىق ساراپتاۋ جانە مەديالىق باقىلاۋ جۇرگىزۋگە دە بولادى. بۇل تەكشەدە ەڭ سوڭعى يىنفورماتسيا قاتارلىلاردى قامتىعان اشكەرەلەۋشىلەرگە سيلىق بەرۋ جارنامالارىن جانە جاريا باسەكەلەستىرىپ ساتۋ يىنفورماتسيالارى قاتارلىلاردى جاريالاۋعا دا بولادى.

 

ۇقتىردا جەر جەرلەردەگى قاتىستى تاراۋلاردان مىنالار تالاپ ەتىلگەن: سەنىمىن جوعالتقان اتقارۋشىلاردى جالپى جۇرتقا اشكەرەلەۋ ولكە دارەجەلى تەكشەسىن 2017 ـ جىلدىڭ سوڭىنا دەيىن قۇرىپ شىعۋ، بۇل تەكشەنى 2 جىل ىشىندە جالپى جۇرت بىلەتىن سەنىمدىلىك تەكشەسىنە جانە اتقارۋ كارتوچكاسىنا اينالدىرۋ كەرەك، شارت جاعدايلارى كەلەتىن اۋدان،قالا دارەجەلى قاتىستى ورىنداردىڭ سەنىمىن جوعالتقان اتقارۋشىلاردى اشكەرەلەيتىن ءوز دارەجەلەرىنە ساي تەكشە قۇرۋ جاعىندا ىزدەنىس جاساۋلارىنا بولادى.

 

اۋدارعان: قاناتبەك جۇماباي ۇلى