19-قۇرىلتاي اقپارات ورتالىعى اشىق ۇستالدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-10-12 17:30:00

 

    شينحۋا اگەنتىگىنىڭ حابارى: پارتيا 19-قۇرىلتايى اشىلۋ قارساڭىندا، بەيجيڭ مي ديا قوناقجايىنا ورناعان 19-قۇرىلتاي اقپارات ورتالىعى 11-قازان رەسىمي سىرتقا اشىق ۇستالدى. ەل-ٴىشى سىرتىنان كەلگەن تىلشىلەر وسى ماڭىزدى تەرەزە جانە ارنا ارقىلى ٴماجىلىس اۋقىمىن سەزىنىپ، ٴماجىلىس ينفورماتسيالارىنا يە بولا الادى.


    11-قازان تاڭەرتەڭ، 19-قۇرىلتاي اقپارات ورتالىعىنىڭ ەسىگى اشىلا سالىسىمەن، شياڭگاڭ سىمسىز تەلەۆيزياسىنىڭ ٴتىلشىسى چىن ييسى تىلشىلەردى قابىلداۋ ورنىنان كۋالىگىن الىپ، تۇڭعىش رەت تىلشىلىك كۋالىگىن العان باسقا رايوننىڭ ٴتىلشى بولدى. اقپارات ورتالىعى قىزمەتكەرىنىڭ تانىستىرۋىنا قاراعاندا، قازىرگە دەيىن، 1800 دەن استام شەتەل تىلشىلەرى 19-قۇرىلتايدى حابارلاۋعا تىزىمدەلگەن، بۇل 18-قۇرىلتايداعىدان 100 گە جۋىق ادام ارتىق، مۇندا اسىرەسە ٴبىر بەلدەۋ، ٴبىر جول بويىنداعى ەلدەردەن تىزىمدەلگەن تىلشىلەر ٴبىر شاما كوپ.


    اقپارات ورتالىعى قىزىل تۇستەگى حانزۋ جانە اعىلشىن تىلىندەگى تىلشىلەر قولدانباسىن، تىلشىلەردى قارسى الۋ قىزىل ٴتۇستى كەرمە تۋى مەن ەكرانىن، قىزىل ٴتۇستى باعدار كورسەتكىشى قاتارلىلاردى دايىنداپ، ەل ٴىشى سىرتىنان كەلگەن تىلشىلەرگە ويداعىداي قىزمەت ەتتى.


    ٴتىلشى اقپارات ورتالىعىنان كوپتەگەن قىزمەت فۋنكىتسيا رايونى قۇرىلىپ تىلشىلەرگە اقپار جاريالاۋ، سۋرەت ماتەريالدار، توراپتا قىزمەت وتەۋ جانە ەمدەۋ قىزمەت وتەۋ قاتارلى جاقتان قىزمەت وتەلىپ، تىلشىلەردىڭ تىلشىلىك جۇمىسىنىڭ ٴساتتى ورىستەتىلۋى تولىق قامتاماسىزداندىرىلعاندىعىن كوردى.


    پارتيا 19-قۇرىلتايى اقپارات ورتالىعىنىڭ مەڭگەرۋشسى حۋ شياۋحان بىلاي دەدى: 19-قۇرىلتايدىڭ اقپارات ورتالىعىن وتكەن كەزەكتەگىمەن سالىستىرعاندا، توراپ قىزمەتىن وتەۋ جانە جاڭا مەديا ارقىلى قىزمەت وتەۋ جاقتارىندا كوپتەگەن جاڭا شارالار كوبەيتىلدى. اقپارات ورتالىعى جۇمساق بولشەك جۇيەسىنەن تارتىپ قاتتى جابدىقتارعا دەيىن قىزمەت وتەۋ ورەسىن جوعارىلاتتى.


    اقپارات ورتالىعىنىڭ 3-قاباتىنان، ٴتىلشى بيىل تۇڭعىش رەت ورنالاستىرىلعان توعىسپالى مەديا سۇقپات بولمەسىن كوردى. ٴتۇرلى مەديالاردىڭ تىلشىلىك جاساۋ جانە ونى تاراتۋ جاقتارىنداعى قاجەتىن قاناعاتتاندىرۋ ٴۇشىن، وسى سۇقپات بولمەسى ارنايى دايىندالعان. قاتىستى قىزمەتشىنىڭ تانىستىرۋىنا قاراعاندا، وسىندا سىمدى تاراتۋ توراپ ارقىلى ۇقساماعان قاجەتتەگى 20 ٴتىلشى ۇقساس ۋاقىتتا كەسىكىندى تىكە باعدارلاما جاساي الادى، بۇدان تىس بۇل ارادا سىمسىز توراپ جالپىلاسقان، توراپ سىمىن جالعاماسادا، باعدارلامانى توراپتا جىبەرۋىنە بولادى.


    ٴتىلشى اقپارات ورتالىعىنان، ەل ٴىشى سىرتىنان كەلگەن تىلشىلەرگە تۇڭعىش رەت كوپتەگەن قولايلىقتاردىڭ جاراتىلعانىن ۇعىستى. ايتالىق، مۇندا تۇڭعىش رەت ٴۇنحات الەۋمەتتىك تەكشەسى اشىلىپ، تىلشىلەر وسى تەكشە ارقىلى اقپارات ورتالىعىنىڭ تاراتقان قۇرىلتايدىڭ كەڭەس ٴتارتىبىن، قۇرىلتاي احۋالىن، قۇرىلتاي حابارلاندىرۋىن، ۇقتىرۋىن جانە قاتىستى ينفورماتسيالاردى دەركەزىندە قابىلداي الادى.


    تۇڭعىش رەت تىلشىلەردى تىزىمگە الدىرۋ جۇيەسى اشىلىپ، شەتەل تىلشىلەرى مەن شياڭگاڭ-اۋمىن-تايۋان تىلشىلەرىنىڭ تىزىمدەلۋ ٴوتىنىشىن قابىلدادى.


    تۇڭعىش رەت شەتەل تىلشىلەرىنىڭ تىلشلىك جاساۋ ٴوتىنىش جۇيەسى اشىلدى. تىلشىلەر وسى جۇيە ارقىلى تىلشىلىك جاساۋ ٴوتىنىشىن تاپسىرۋىنا ٴارى توراپ ارقىلى ٴوتىنشىنىڭ قابىلداۋ احۋالىن تەكسەرۋىنە بولادى.


    قۇرىلعى جانە تەحنيكالىق جاقتان قامتاماسىز ەتۋدەن تىس، اقپارات ورتالىعى تىلشىلەرگە باي مازمۇندى اقپارات ينفورماتسيا جاقتارىنان قىزمەت وتەيدى. وتكەن كەزكتەگىمەن سالىستىرعاندا 19-قۇرىلتايدىڭ اقپارات ورتالىعى تىلشىلەردى قابىلداۋ جينالىسى، توپتىق تىلشىلىك جاساۋ قاتارلى قيمىلداردىڭ سانىن كورنەكتى ارتتىردى. بۇدان تىس تىلشىلەردى بەيجيڭ قالاسىندا جانە بەيجيڭنىڭ ماڭىنداعى باسقا قالالاردا ەكسكۋرسيالاۋ تىلشىلىك قيمىلدارىن ۇيىمداستىرىپ، جاقىن ارالىقتا جۇڭگونى جانە جۇڭگو كوممۋنيستىك پارتياسىن تۇسىنۋگە وراي جاراتادى.


    قۇرىلتاي بايانداماسى تىلشىلەردىڭ ايىرىقشا نازار اۋداراتىن وزەكتى ماسەلەنىڭ ٴبىرى.


    ۇعىسۋعا قاراعاندا، 19-قۇرىلتاي اقپارات ورتالىعى تىلشىلەرگە حانزۋ، اعىلشىن، فرانسۋز، يسپان، جاپون، ورىس قاتارلى 12 ٴتۇرلى تىلدە 19-قۇرىلتاي بايانداماسىن دايىندايدى. وسى وزگەرىستەر مەن جىڭشىكە بۋىندار ج ك پ نىڭ سەنىمى مەن دۇنيە بەتتەگەندىگىن بەينەلەيدى.