سىرتقى ىستەر مينيسترلىگى: جۇڭگو مەن ا ق ش باسشىلارىنىڭ كەڭەسىندە كوپتەگەن سالالاردا ماڭىزدى ورتاق تانىمدار قولعا كەلدى،- دەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2017-11-10 16:01:00


    ٴوز حابارىمىز: مەملەكەت ٴتوراعاسى شي جينپيڭنىڭ ۇسىنىسىمەن ا ق ش نىڭ پرەزيدەنتى ترامپ قاراشانىڭ 8 كۇنىنەن 10 - كۇنىنە دەيىن ەلىمىزدە مەملەكەتتىك ساپاردا بولدى. سىرتقى ىستەر مينيسترىنىڭ ورىنباسارى جىڭ زىگۋاڭ مەديالارعا تانىستىرىپ بىلاي دەدى: ەكى كۇننەن بەرى ٴتوراعا شي جينپيڭ مەن ا ق ش نىڭ پرەزيدەنتى ترامپ جۇڭگو مەن اق ش قاتىناسى جانە ورتاق كوڭىل بولىپ وتىرعان كەلەلى حالىقارالىق، وڭىرلىك ماسەلەلەردە بۇكپەسىز ىشكەرلەي پىكىرلەسىپ، جاڭا داۋىردەگى جۇڭگو مەن ا ق ش قاتىناسىن دامىتۋ جاعىندا كوپتەگەن ماڭىزدى ورتاق تانىمدارعا كەلدى. . ول بىلاي دەدى: ەكى ەل باسشىلارى بىلاي دەپ قارادى: جۇڭگو مەن اق ش ىندا دۇنيەنىڭ بەيبىتشىلىگىن، ورنىقتىلىعىن جانە گۇلدەنۋىن قورعاۋدا كەڭ كولەمدى ورتاق مۇددە جانە ماڭىزدى جاۋاپكەرلىك بار، جۇڭگو مەن ا ق ش قاتىناسىنىڭ دامۋ باعىتى جەر شارىنا ماڭىزدى ىقپال ەتەدى، كۇن سايىن العا دامىعان جۇڭگو مەن ا ق ش قاتىناسى ەكى ەل حالقىنىڭ تۇبىرلى مۇددەسىنە ۇيلەسىپ قالماستان حالىقارالىق قوعامنىڭ جالپى بەتتىك كۇتكەن ٴۇمىتى بولماق.


    ەكى جاق ەكى ەل باسشىلارىنىڭ مارا-لا-گو ساياجايىنداعى كەڭەسۋىنەن بەرى ەكى ەل قاتىناسىندا ماڭىزدى تابىستار قولعا كەلىپ، ەكى ەل قاتىناسىن ونان ارى دامىتتى دەپ وسكەلەڭ باعالادى. وسى جاعىندا ەكى جاق باسشىلار ديپلوماتياسىنىڭ ەكى ەل قاتىناسىنداعى ستراتەگيالىق جەتەكشىلىك رولىن ونان ارى ساۋلەلەندىرىپ، جوعارى جىكتەگى جانە ٴار دارەجەدەگىلەردىڭ بارىس - كەلىسىن كۇشەيتىپ، ٴوزارا پايدا جەتكىزۋ نەگىزىندە ٴار سالادا سەلبەستىك ورىستەتىپ، الاۋىزدىقتى ٴبىر-بىرىنە قۇرمەت ەتۋ ارقىلى لايىقتى مەڭگەرىپ، ەكى ەل حالقىنىڭ ٴوزارا تۇسىنىگى مەن دوستىعىن كۇشەيتىپ، كەلەلى حالىقارالىق، وڭىرلىك جانە جەر شارىندىق سايىستارعا سەلبەسە توتەپ بەرۋلەرى تيىس.


    اۋدارعان: نازار ٴارىپ ۇلى