لي كىچياڭ ۋەتنامنىڭ زۇڭليى رۋان فۋچۇنمەن، جاپونيانىڭ باس ءۋازىرى انبي جينسانمەن، جاڭا زەلانديانىڭ زۇڭليى ادەنمەن جەكە ـ جەكە كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2017-11-14 11:33:00

 

    ءوز حابارىمىز: مەملەكەتتىك كەڭەس زۇڭليى لي كىچياڭ جەرلىك ۋاقىت 13 ـ قاراشا كۇنى تۇستە مانيلادا ۋەتنامنىڭ زۇڭليى رۋان فۋچۇنمەن كەزدەستى.

 

لي كىچياڭ بىلاي دەدى: جۇڭگو مەن ۋەتنام دوس كورشىلەر جانە ماڭىزدى سەرىكتەر. ەكى جاق دامۋ ستراتەگيالارىن ۇشتاستىرۋدى جەدەلدەتۋ، تەڭىزدە، قۇرىلىقتا، فينانىستا توعىسۋداي «3 جەلىنى تەڭ تارتۋ ءپىرىنسىبى» بويىنشا، «بىر بەلدەۋ، ءبىر جول» جانە «ەكى كاريدور ، ءبىر شەڭبەردى» ءوزارا ۇشتاستىرۋدى جەدەلدەتىپ، ەكى جاقتى ساۋدا جالپى مولشەرىن زورايتۋ جانە وتاسىمدى، كوپ ارنالى دامىتۋ بارىسىندا تەپە تەڭدىكتى ىسكە اسىرىپ، ءوزارا پايدا جەتكىزىپ، ورتاق يگىلىكتەنەتىن ەتۋ كەرەك.

 

جاپونيانىڭ باس ءۋازىرى انبي جينسانمەن كەزدەسكەندە لي كىچياڭ بىلاي دەدى: كوز الدا جۇڭگو ـ جاپونيا قاتناسىندا كەيبىر بەلسەندى وزگەرىستەر جارىققا شىعۋدا، سونىمەن بىرلىكتە، سەزگىر فاكتورلاردا ساقتالىپ وتىر. بيىل جۇڭگو مەن جاپونيانىڭ دەپلوماتيالىق قاتناس ورناتقاندىعىنا 45 جىل، جۇڭگو ـ جاپونيا دوستىق شارتى جاسالعاندىعىنا 40 جىل تولادى. جاپونيا جاقتان تاريحتى اينا ەتىپ، بولاشاقتى بەتكە الۋ رۋحى بويىنشا، جۇڭگو تاراپپەن باعىتتاس بولىپ، ەكى ەل قاتناسىنداعى قيىنشىلىقتار مەن سايىستاردى جەڭۋدى دەمەپ، ەكى ەل قاتناسىن جاقسارتۋ ارىنىن ساقتاپ، تىڭ ىلگەرىلەۋشىلىكتەرگە قول جەتكىزۋدى ءۇمىت ەتەمىز.

 

جاڭا زەلانديانىڭ زۇڭليى ادەنمەن كەزدەسكەندە لي كىچياڭ بىلاي دەدى: دەپلوماتيالىق قاتناس ورناتقان 45 جىلدان بەرى، جۇڭگو مەن جاڭا زەلانديانىڭ قاتناسى بەلسەندى دامۋ ارىنىن ساقتاپ ،ۇزاقتان بەرى جۇڭگونىڭ باتىستاعى دامىعان ەلدەرمەن بولعان قاتناسىنىڭ الدىڭعى لەگىندە بولىپ كەلدى. جۇڭگو جاڭا زەلانديانىڭ ءبىر جۇڭگو ساياساتىن اتقارعاندىعىن القايدى. ءسىز زۇڭلي بولعاننان كەيىن، تاماشا ءداستۇرگە مۇراگەرلىك ەتىپ، جۇڭگو مەن جاڭا زەلانديانىڭ قاتناسىن ۇزدىكسىز العا تارتقىزىپ، ءتىپتى دە كوپتەگەن 1ـ لىكتەردى جاراتادى دەپ سەنەدى. جۇڭگو جاڭا زەلانديامەن بىرگە قۇلشىنىپ، ابزالدىلىقتارمەن ءوزارا تولىقتاي ءتۇسىپ، ەكى جاقتىڭ ەركىن ساۋدا كەلىسىمىنىڭ دارەجەسىن جوعارىلاتۋ كەلىس ءسوزىن ورنىقتى جۇرگىزىپ، ءوزارا پايدا جەتكىزىپ ورتاق يگىكتەنۋدى ءتىپتى دە جوعارى ورەدە ىسكە اسىرۋدى قالايدى.

 

اۋدارعان: قاناتبەك جۇماباي ۇلى