مەملەكەتتىك جەر بايلىق مينيسترلىگىندەگىلەر 2020 ـ جىلعا بارعاندا ەلىمىزدەگى كەدەيلىك جايلاعان وڭىرلەردەگى قىستاقتاردىڭ ۇشتەن بىرىنەن استامى باسقا جەرلەرگە كوشىرىلىپ كەدەيلىكتەن قۇتىلدىرىلاتىندىعىن ايتتى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-12-07 16:44:00


    ءوز حابارىمىز: مەملەكەتتىك جەر بايلىق مىنسترلىگىندەگى قاتىستى جاۋاپتىلار جەلتوقساننىڭ 6 ـ كۇنى مىنانى ايتتى : 2020 ـ جىلعا بارعاندا ەلىمىزدەگى كەدەيلىك جايلاعان وڭىرلەردەگى قىستاقتاردىڭ ۇشتەن بىرىنەن استامى باسقا جەرلەرگە كوشىرىلىپ كەدەيلىكتەن قۇتىلدىرىلادى. سول ءۇشىن باسقا جەرلەرگە كوشىرىلىپ كەدەيلىكتەن قۇتىلدىرۋعا پايدالانىلاتىن جەر كولەمى مەن قاتىستى ورنالاستىرۋلاردى بەلگىلەۋدى وتە كوكەيتەستى قىزمەت رەتىندە يگەرۋ كەرەك .


    بىرنەشە كۇننىڭ الدىندا ، ورتالىق كوميتەت كەڭسەسى، مەملەكەتتىك كەڭەس «كەدەيلىك جايلاعان وڭىرلەردى كەدەيلىكتەن قۇتىلدىرۋدان قامال الۋدى قولداۋ جونىندەگى اتقارۋ پىكىرىن» باسىپ تاراتتى . «پىكىر» دە قىستاق جەرلەرىن پايدالانۋ پلاندارىن عىلمي ورنالاستىرۋ كەرەكتىگى العا قويىلعان. مەملەكەتتىك جەر بايلىق مىنسترلىگىنىڭ باس باقىلاۋ كەڭسە مەڭگەرۋشىسىنىڭ ورىنباسارى سۇن شۋەدۇڭ جەلتوقساننىڭ 6 ـ كۇنى بىلاي دەدى: قازىر ەلىمىزدە 559 مىڭ اكىمشىلىك قىستاق بار، اۋىل قىستاق جەرلەرىن پايدالانۋدا ۇزاق ۋاقىتتان بەرى پلانداۋ كەم بولىپ كەلەدى.بۇل جاعدايعا باعىتتاي ، مەملەكەتتىك جەر بايلىق مينيسترلىگى جىل باسىنان بەرى اۋىل قىستاق جەرلەرىن پايدالانۋدى ويداعىداي پلانداۋ قىزمەتىن بەلسەنە جۇرگىزىپ، ‹‹جەتەكشى پىكىر›› جانە «تەحنيكالىق جەتەكشى پرينسىپتى» باسىپ تاراتتى.


    سۇن شۋەدۇڭ بىلاي دەدى: كەلەسى قادامدا 19 ـ قۇرىلتايدا العا قويىلعان كەدەيلىكتەن قۇتىلدىرۋدان قامال الۋ مىندەتتەرى مەن اۋىل قىستاقتى كوركەيتۋ ستراتەگياسىن تياناقتاندىرۋدا ، جەردەن پايدالانۋدى پلانداۋدىڭ جەتەكشىلىك رولىنا ءتىپتى باسا ءمان بەرىلەدى، ءار جاقتاعى كۇشتەر كەدەيلىك جايلاعان وڭىرلەردە قىستاق جەرلەرىنەن پايدالانۋ پلاندارىن ويداعىداي جاساۋعا كومەككە جانە جەتەكشىلىككە بەلسەنە جۇمىلدىرىلىپ ،اۋدان جانە اۋىلداردا قىستاق تۇيىندەرىن ورنالاستىرۋ قىزمەتى ويداعىداي ىستەلەدى.


    سۇن شۋەدۇڭ تاعى دا مىنالاردى ايتتى : مەملەكەتتىك جەر بايلىق مينيسترلىگى تۇرلىشە تيپتەگى قىستاقتاردى ويلاستىرۋ ارقىلى تۇرلىشە قاجەتتەرگە جەر ىستەتۋدى ءبىر تۇتاس جوسپارلايدى، باسقا جەرلەرگە كوشىرىلەتىن قىستاقتاردىڭ كوشىپ باراتىن جەرلەرىن تالداۋدا بايلىق ورتاسىنىڭ كوتەرىمدىلىگىن باعالاۋ مەن قۇرىلىستىڭ جايلىلىعىن باعالاۋ قىزمەتىن ويداعىداي ىستەۋ، گەولگيالىق اپاتتاردان ويداعىداي قورعانا الاتىن بولۋ، پلاننىڭ كولەم جانە جوسپار كورسەتكىشى جاعىندا الدىمەن ويلاستىرىپ، جەتكىلىكتى جانە تولىق قامتاماسىزداندىرۋ، قامسىزداندىرۋعا تيىستىلەرىن تولىق قامسىزداندىرۋ كەرەك .


    اۋدارعان: قاناتبەك جۇماباي ۇلى