سايحىنبا ورمانشىلىق الاڭىنىڭ قۇرۋشىلارى «جەرشارىن قورعاۋشى سيىلىعىنا» يە بولدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىلبەك | جاڭالانعان ۋاقىت:2017-12-07 16:50:00


    حالىق گازەتىنىڭ حابارى: حىبەي ولكەسىندەگى سايحىنبا ورمانشىلىق الاڭىنىڭ قۇرۋشىلارى 5-جەلتوقسان كۇنى ب م ۇ نىڭ ورتا قورعاۋ سالاسىنا بەرەتىن ەڭ جوعارى سيلعى«جەرشارىن قورعاۋشى سيىلىعىنا» يە بولدى، دۇنيەدەگى ٴار ەلدىڭ مامان وقىمىستىلارى: جۇڭگو ورتا قورعاۋ سالاسىندا جەرشارىندىق باسشىلىق رول اتقاردى،- دەپ القادى.


    ب م ۇ نىڭ ورىنباسار باس حاتشىسى، ورتا مەكەمەسىنىڭ اتقارۋشى مەڭگەرۋشىسى اليىك: سايحىنبا ورمان باقشاسىن قۇرۋشىلاردىڭ اڭگىمەلەرى بارلىق ادامعا شابىت بەردى. ٴۇش ۇرپاق ادام تىنباي قۇلشنىپ اعاش ەگىپ ورمان ٴوسىردى، ولار تەز ٴارى ٴونىمدى جولمەن ورماندى قايتا قالپىنا كەلتىردى، -دەدى.


    ب م ۇ ورتا قورعاۋ مەكەمەسىنىڭ مالىمدەمەشىسى ناي ساڭ سابا بىلاي دەدى: جۇڭگو دۇنيەدەگى ٴار ەلدىڭ ورتا قورعاۋ جاعىنداعى تاجىريبەلەرىن شەبەرلىكپەن قابىلداۋمەن قاتار ورتا قورعاۋدا جەتەكشى مانگە يە كوپتەگەن جاڭا ادىستەر جاراتتى. دۇنيە جۇڭگونىڭ ورتا قورعاۋ جاعىنداعى اڭگىمەلەرىن كوپتەپ تىڭداپ، ورتا قورعاۋ تاجىريبەلەرىن كوپتەپ ۇيرەنۋدى اسىعا كۇتەدى.


    سايحىنبا ورمان الاڭىنان پەنسياعا شىققان 73 جاستاعى چىن يانشيان ورمان الاڭىن تۇڭعىش توپتا قۇرۋشىلاردىڭ ٴبىرى، ول ورمان الاڭىنان نايروبيعا سيلىق الۋعا بارعان ٴۇش ۋاكىلدىڭ ٴبىرى. ول بىلاي دەدى: مەن سايحىنباداعى ٴۇش ۇرپاق ادام اتىنان سيلىق الۋعا كەلدىم، تەبىرەنگەن كوڭىل كۇيىمدى تىلمەن جەتكىزۋ قيىن. قازىر جۇڭگودا «تاماشا تابيعات-اسىل بايلىق» دەگەن ماڭىزدى كوزقاراس بارلىق ادامنىڭ ساناسىنا ۇيالادى، بۇندا ادامزات پەن تابيعات قاتىناسى قاراپايىم ٴارى تەرەڭ بەينەلەنگەن، سايحىنبا جايىنداعى اڭگىمەدە دە وسى كوز قاراس تولىق دالەلدەنگەن. سايحىنبا سياقتى ورتا قورعاۋ جونىندەگى تاعى كوپتەگەن كەرەمەتتەر بايىرعى جۇڭگونى ونان ارى ايشىقتاي تۇسپەك. بۇل ٴبىزدى ورتا قورعاۋ سالاسىندا تاعى دا تىڭ كەرەمەتتەر جاراتۋعا جىگەرلەندىرەدى، ٴبىزدىڭ ورتاق مەكەنىمىز وسىنداي شابىت پەن تىنباي قۇلشىنۋ ارقاسىندا تىپتى دە جاراسىمدى ٴارى كوركەم بولا تۇسەدى.


    اۋدارعان: گۇلميرا قوزىقان قىزى