ورتالىق بانكە: وتكەن جىلى كەڭ ماعاناداعى اقشا مولشەرى ۇقساس مەزگىلدەگىدەن %8.2 ارتتى دەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-01-13 10:03:00


    ٴوز حابارىمىز: جۇڭگو حالىق بانكەسىنىڭ قاڭتاردىڭ 12-كۇنى جاريالعان فينانىستىق ساندى مالىمەتىندە كورسەتىلۋىنشە، 2017-جىلى ەلىمىزدىڭ كەڭ ماعاناداعى اقشا مولشەرى ۇقساس مەزگىلدەگىدەن %8.2 ارتقان. ورتالىق بانكە تەكسەرۋ ساناققا الۋ مەكەمەسىنىڭ باستىعى رۋان جيانحۇڭ: بۇرىنعىدان ٴسال تومەن بولعان كەڭ ماعاناداعى اقشا مولشەرىنىڭ ارتۋ قارقىنى تىڭ قالىپتى جاعدايعا اينالىپ، ونىڭ وزگەرىسىنە شەكتەن تىس نازار اۋدارىپ تۇسىنىك جاساۋدىڭ قاجەتى جوق،-دەدى.


    ورتالىقتىڭ جاريالاعان ساندى مالىمەتىندە كورسەتىلۋىنشە، 2017-جىلى قوعامدا جينالعان قارجى سوماسى 19 تريلليون 440 ميلليارد يۋان بولىپ، الدىڭعى جىلداعىدان 1 تريلليون 630 ميلليارد يۋان ارتىق بولدى. وتكەن جىلى جەلتوقسان ايىنىڭ سوڭىنا دەيىن، ەلىمىزدىڭ كەڭ ماعاناداعى اقشانىڭ قالدىق سوماسى 167 تريلليون 680 ميلليارد يۋان بولىپ، ۇقساس مەزگىلدەگىدەن %8.2 ارتىپ، ارتۋ قارقىنى وتكەن جىلى قاراشا ايى جانە الدىڭعى جىلداعى ۇقساس مەزگىلدەگىدەن جەكە-جەكە 0.9 جانە 3.1 پايىز تەز بولدى. رۋان جيانحۇڭ بىلاي دەدى: بۇل سۇيمەندى قالتىرۋ جانە فينانىستىق باقىلاپ باسقارۋ قىزمەتىنىڭ بارعان سايىن كۇشەيگەندىگىن مەڭزەيدى، كەزەكتە بانكە قارجىسىنىڭ اينالىمى تىپتى دە جۇيەلەنىپ، فينانىس تاراۋلارىنىڭ ىشكى جاقتاعى قارجى اينالىمى ازايىپ، بانكەگە قويىلعان اقشا مولشەرى دە كەمىدى. جالپى جاعدايدان الىپ قاراعاندا، بۇل جاعدايلار فينانىس قۇرىلىمدارىنىڭ تيجاراتتى ورنىقتىرۋ، جۇيەلى قاتەردى تومەندەتۋ جانە قارجى توپتاۋ بارىسىن قىسقارتۋعا تيىمدى بولىپ قالماستان، تۇلعالىق شارۋاشىلىققا دا زور ىقپال جاسامايدى.

اۋدارعان: نازار ٴارىپ ۇلى