بەيجيڭ-تيانجين-حىبەي جانە ماڭىنداعى رايونداردا اۋا لاستانادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-01-13 10:04:00


    ٴوز حابارىمىز: قاڭتاردىڭ 12-كۇنى تۇننەن باستاپ، ەلىمىزدىڭ سولتۇستىك جۇڭگو ورتا وڭتۇستىك بولەگىنىڭ حۋاڭحى-حۋايحى قاتارلى جەرلەردىڭ اۋاسى ازداپ لاستاندى، ىشنارا جەرلەردە اۋا ناشارلادى. ورتا قورعاۋ مينيسترلىگى بەيجيڭ، تيانجين، حىبەي، ساندۇڭ، سانشي قاتارلى جەرلەرگە اۋانىڭ اۋىر دارەجەدە لاستانۋىنا توتەپ بەرۋ باقىلاۋ شارلاپ تەكسەرۋ قىزمەتىنىڭ 2018-جىلعى ٴبىرىنشى ٴنومىرلى بۇيرىعىن جاريالادى. كەزەكتە ەلىمىزدەگى كوپ رايوندار بەلگىلى دارەجەدەگى ساقتىق سەگىنال جوباسىن ىسكە قوسىپ، اۋا رايدىڭ اۋىر لاستانۋىنا توتەپ بەرۋ قىزمەتىن شىنايى جاقسى ىستەدى.


    ورتا قورعاۋ مينيسترلىگىنىڭ ىسكە قوسقان اۋاسى اۋىر دارەجەدە لاستانعان رايونداردىڭ شۇعىل جاعدايعا بىرلەسىپ توتەپ بەرۋ تالابىنا ساي، بەيجيڭ، تيانجين قاتارلى جەرلەر اۋانىڭ اۋىر دارەجەدە لاستانۋىنان ساقتانۋدىڭ سارى تۇستى ساقتىق سەگىنالىن جاريالادى جانە 13-قاڭتار كۇنى تۇڭگى ساعات نولدەن باستاپ ەكىنشى دارەجەلى اڭىس ەتۋ جوباسىن ىسكە قوستى.مۇندا تيانجين قالالىق ورتا قورعاۋ جانە مەترولوگيا تاراۋلارى بىر كۇننىڭ ىشىندە 4 رەت ماجىلىس اشىپ، اۋانىڭ اۋىر دارەجەدە لاستانۋىنا توتەپ بەرۋ قىزمەتىن كۇشەيتتى.


    حىبەيدىڭ شىجياجۋاڭ قالاسى قاڭتاردىڭ 12-كۇنى تۇڭگى ساعات نولدەن باستاپ اۋارايدىڭ اۋىر لاستانۋىنا توتەپ بەرۋدىڭ 2-دارەجەلى اڭىس ەتۋ جوباسىن ىسكە قوستى، شىجياجۋاڭ قالاسىنداعى ەڭ ىرى سەمونت زاۆوتى جين-وۋ-ديڭ-جين سەمونت شەكتى سەرىكتىگى ورتا قورعاۋ ەنەرگيا بولىمىنىڭ ورىنباسار باستىعى لي جىيۇڭ تىلشىگە: قاڭتاردىڭ 11-كۇنىنەن باستاپ وندىرىستى توقتاتۋ جونىندەگى ۇقتىرۋدى تاپسىرىپ العاننان كەيىن سەرىكتىگىمىز وندىرىستى دەرەۋ توقتاتتىق دەدى.


    حىنان ولكەسى جىڭجوۋ قالاسى 2018-جىلعى تۇڭعىش رەتكى اۋانىڭ اۋىر دارەجەدە لاستانۋىنا توتەپ بەرۋدىڭ سارى تۇستى ساقتىق سەگىنالىن ىسكە قوسىپ، اۋانى لاستايتىن كاسىپورىندادى رەتكە سالىپ تەكسەرۋ تەبىنىن ارتتىردى.


    سانشي ولكەسى داتۇڭ قالاسىنان سىرت وڭىرلەرگە قاراتىلعان بىلعانىشتى ازايتۋدىڭ سارى تۇستى ساقتىق دارەجەسىن تومەندەتپەدى. يۇنچىڭ قاتارلى قالالار اۆتو كولىك نومىرلەرىنىڭ جۇپ-تاق سانى بويىنشا جولعا شىعۋ شاراسىن اتقاردى، جينچىڭ قالاسىنداعى ورتا جانە باستاۋىش مەكتەپتەر، بالالار باقشالارى دا سايكەستى شارالار قولداندى.


    مەملەكەتتىك اۋاراي ورتالىعى كليمات وزگەرىسىن الدىنالا ولشەۋ كەڭسەسىنىڭ جوعارى دارەجەلى تەحنيگى سۇڭ ۋىنليڭ: قاڭتار ايىنىڭ ورتا شەنىنەن باستاپ بەيجيڭ-تيانجين-حىبەي جانە ماڭىنداعى رايونداردا اۋانىڭ لاستانۋ جاعدايى ٴبىرشاما اۋىرلايدى دەدى.

اۋدارعان: نازار ٴارىپ ۇلى