بىلتىر ەلىمىزدىڭ سىرتقى ساۋدا يمپورت ەكسپورتى ۇقساس مەزگىلدەگىدەن %14.2 ارتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-01-13 10:21:00


    ٴوز حابارىمىز: تاموجنا باس مەكەمەسىنىڭ قاڭتاردىڭ 12-كۇنى جاريالاعان ساناعىندا 2017-جىلى ەلىمىزدىڭ زاتتىق ساۋدا يمپورت-ەكسپورت جالپى سوماسى 27 تريلليون 790 ميلليارد يۋانعا جەتىپ، 2016-جىلداعىدان %14.2 ارتىپ، ۇرتىس ەكى جىل قۇلدىراعان جاعدايدا بۇرىلىس بولعاندىعى كورسەتىلدى.


    تاموجنا باس مەكەمەسىنىڭ اقپارات مالىمدەمەشىسى حۋاڭ سۇڭپين بىلاي دەدى: 2017-جىلى دۇنيە شارۋاشىلعى ەس جيىپ، سىرتقى سۇرانىس مولايىپ، ەل ٴىشى شارۋاشىلعى ورنىقتى جاقسارىپ، يمپورتتىڭ ارتۋىنا بەرىك نەگىز قالادى. 2017-جىلى ەلىمىزدىڭ ٴبىر بەلدەۋ ٴبىر جول جاعالاۋىنداعى ەلدەرمەن يمپورت-ەكسپورتى %17.8 ارتتى، ۇقساس مەزگىلدە ەلىمىزدىڭ لاتىن امەريكاداعى ەلدەرمەن يمپورت ەكسپورتى %22، افريكاداعى ەلدەرمەن يمپورت ەكسپورتى %17.3 ارتىپ جاڭادان گۇلدەنگەن بازاردىڭ كەڭەيۋىنە پايدالى بولدى.


    حۋاڭ سۇڭپيڭ بىلاي دەدى: 2018-جىلى دۇنيە شارۋاشىلعىنىڭ ۇرتىس جاقسارا تۇسۋىنەن ٴۇمىت زور، ەلىمىز شارۋاشىلعى ورنىقتىلىقتى ساقتاۋ بارىسىندا جاقسارۋعا ويىسادى، بۇل ەلىمىزدىڭ سىرتقى ساۋدا يمپورت-ەكسپورتىنە ٴبىرشاما ٴتيىمدى. ٴبىراق ەلىمىز شارۋاشىلىق ساۋدا سالاسىندا ٴالى دە تۇراقسىز، بايانسىز فاكتورلار ورىن تەۋىپ وتىر، سىرتقى ساۋدانىڭ جوعارى ساپالى دامۋى ٴالى دە ٴبىر قىدىرۋ سايىستارعا تاپ بولۋدا جاڭا گۇلدەنگەن ٴىشنارا بازار ەلدەر ەڭبەككۇش، جەر بايلىعى قاتارلى وزىندىك قۇنى تومەن ابزالدىلىقتارىن كادەگە جاراتىپ، ورتا تومەن ساپالى جاساۋ كاسىپتەرىنىڭ دامۋىن جەبەپ ەلىمىزدىڭ ٴداستۇرلى ابزال ونىمدەرىمەن باسەكەلەستى، جاساۋ كاسىبىنىڭ جەر شارى كولەمىندەگى باسەكەسى قيان-كەسكى بولا تۇسپەك. الەمدىك ساۋدا قورعامپازدىعىٴالى اسقىنۋدا، كەزەكتە ەلىمىز ونىمدەرى ساۋدامەن قۇتقارۋ تەكسەرۋ دەلوسىنا ٴدوپ كەلدى جانە سايعان قارجىسى دا كوپ. 2018-جىلى سىرتقى ساۋدانىڭ ەكى ورىندى سيفىرمەن ارتۋدى ساقتاۋ قيىندىعى زورايادى، 2018-جىلى ەلىمىزدىڭ سىرتقى ساۋدا يمپورت-ەكسپورتى ارتۋدى جالعاستى ساقتاپ، ساپاسى جاقسارا تۇسەتىن بولادى.

اۋدارعان: كۇلان ىرىسباي قىزى