ۇكىمەت قاراستىلىعىنداعى ەمحانالاردىڭ ۋنيۆەرسال رەفورماسى ورنىقتى ىلگەرلەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-02-13 09:50:00


    ٴوز حابارىمىز: مەملەكەتتىك كەڭەستىڭ اقپارات جاريالاۋ كەڭسەسى اقپاننىڭ 12-كۇنى اقپارات جاريالاۋ ٴماجىلىسىن وتكىزدى، مەملەكەتتىك دەنساۋلىق ساقتاۋ جانە جوسپارلى تۋىت كوميتەتىنىڭ قاتىستى جاۋاپتىسى: بۇكىل ەلىمىزدەگى ۇكىمەت قاراستىلىعىنداعى ەمحانالاردىڭ ۋنيۆەرسال رەفورماسىنىڭ جالپى بەتتىك باستالىپ، كونە تۇزىلىستەن جاڭا تۇزىلىسكە بۇرىلىس جاساۋ بارىسى ورنىقتى جۇرگىزىلىپ جاتقاندىعىن كورسەتەدى،-دەدى.


    ۇكىمەت قاراستىلىعىنداعى ەمحانالاردىڭ ۋنيۆەرسال رەفورماسى ەمدەۋ رەفورماسىنداعى ەڭ كۇردەلى تۇيىندەردىڭ ٴبىرى. مەملەكەتتىك دەنساۋلىق ساقتاۋ جانە جوسپارلى تۋىت كوميتەتى مەڭگەرۋشىسىنىڭ ورىنباسارى، مەملەكەتتىك كەڭەس ەمدەۋ رەفورما كەڭسەسىنىڭ مەڭگەرۋشىسى ۋاڭ حىشىڭ بىلاي دەدى: بۇكىل ەلىمىز كولەمىندەگى ۇكىمەت قاراستىلىعىنداعى ەمحانالاردىڭ جالپى اينالىمى كەزەكتە ورنىقتى العا ىلگەرلەۋدە، ەمدەۋ بايلىعىمەن قامداۋ مولشەرى دە ۇزدىكسىز ارتۋدا. 2016-جىلى مىڭ ادامعا تۋرا كەلەتىن دارىگەر جانە ەمحاناداعى توساك ورىن سانى جەكە 2.3 جانە 5.4 بولىپ، 2010-جىلداعىدان جەكە-جەكە %27.8 جانە %50 كوبەيدى. كەزەكتە ناۋقاستاردىڭ دەر كەزىندە ەمحاناعا بارىپ ەمدەلۋىنە شارت-جاعداي جاراتىلىپ، حالىق جۇرتشىلىعىنىڭ ناۋقاس كورسەتۋ اۋىرتپالىعى جەڭىلدەتىلدى. سونىمەن بىرگە ەمدەلۋ اقىسى ۇيلەسىمسىز ارتۋ ارىنى دا ٴونىمدى تەجەلدى. تۇرعىنداردىڭ دەنساۋلىق ساقتاۋعا جۇمسايتىن قاراجاتى وسى سالاعا جۇمسالاتىن جالپى قارجىسىندا ۇستايتىن سالىستىرماسى %28.8 تومەندەپ، جاڭا كەزەك ەمدەۋ رەفورماسىنان بۇرىنعى ورەدەن 12 پايىز ازايدى. مەملەكەتتىك دەنساۋلىق ساقتاۋ جانە جوسپارلى تۋىت كوميتەتىنىڭ ٴمانساپتىسى بىلاي دەدى: دارىلەرمەن قامداۋ قامتاماسىزداندىرۋ قۋاتىن بار كۇشپەن جوعارىلاتىپ، دارىلەردى قاراپ بەكىتۋ تۇزىمىنە رەفورما جۇرگىزىپ، بالالار ٴدارىسىن زەرتتەپ اشۋعا شابىتتاندىرۋ كەرەك. مەملەكەتتىك كەڭەس ەمدەۋ رەفورما كەڭسەسىنىڭ ورىنباسار مەڭگەرۋشىسى، مەملەكەتتىك دەنساۋلىق ساقتاۋ جانە جوسپارلى تۋىت كوميتەتى تۇزىلىس رەفورما مەكەمەسىنىڭ باستىعى لياڭ ۋاننيان بىلاي دەدى: الدا جالعاستى ٴونىمدى شارا قولدانىلادى، اسىرەسە ٴوندىرىس، زەرتتەپ اشۋ جانە ىستەۋ قىزمەتىنە ەرەكشە قولداۋ كورسەتىلىپ، بالالارعا ارنالعان دارىلەرمەن قامداۋعا كەپىلدىك ەتىلەدى سونىمەن بىرگە ٴدارى ٴونىمى تاپشى بولۋ جاعدايىنا دەر كەزىندە باقىلاۋ جۇرگىزىپ جانە الدىنالا سەگىنال بەرىپ، ساقتالعان ماسەلەلەرگە مەملەكەت دەڭگەيىندە جانە ولكە ساتىسىندا ەكى جاقتىلى توتەپ بەرۋ مەحانيزىمىن ورناتىپ، وندىرستەن قامداۋ جانە تاسىمال قىزمەتىنە قاراتا ٴبىر سىپىرا ورنالاستىرۋلار جاسالادى، جالپى جاعدايدان الىپ قارايتىن بولساق، بالالارعا ىستەتىلەتىن دارىلەردىڭ ساپاسى كۇننەن كۇنگە جاقسارۋدا، الايدا بۇل جاعىندا ٴالى دە قاتاڭ تالاپ قويۋ كەرەك.

اۋدارعان: نازار ٴارىپ ۇلى