مەملەكەتتىك كەڭەس جۋىردا بەيجيڭ،تيانجين جانە حىبەي قاتارلى 15 ولكە توتە قاراستى قالالاردىڭ ەكولوگيالىق ورتاسىن قورعاۋدىڭ قىزىل سىزىق جوباسىن بەكىتتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-02-13 09:56:00


    ٴوز حابارىمىز: مەملەكەتتىك كەڭەس جۋىردا بەيجيڭ، تيانجين جانە حىبەي سىندى 15 ولكە توتە قاراستى قالالاردىڭ ەكولوگيالىق ورتاسىن قورعاۋدىڭ قىزىل سىزىعىن بەلگىلەۋ جوباسىن بەكىتتى، باسقا ولكەلەر دە بيىل جىڭ سوڭىنان ىلگەرى قاتىستى قىزمەتتى ورىنداپ بولىپ، بۇكىل ەل كولەمىندەگى ەكولوگيالىق ورتانى قورعاۋدىڭ قىزىل سىزىق قاريتاسى قالىپتاساتىن بولادى.


    بەيجيڭ، تيانجين حىبەي سىندى ٴۇش ورىن جانە چاڭجياڭ شارۋاشىلىق بەلدەۋىندەگى 11 ولكە قالا سونداي-اق نيڭشيا حۇيزۋ اۆتونوميالى رايوننىڭ ەكولوگيالىق ورتانى قورعاۋدىڭ قىزىل سىزىعىن بەلگىلەۋ جوباسىنا ساي، وسى 15 رايوننىڭ تورتتەن ٴبىر تەرريتورياسى ياعىني 610 مىڭ شارشى كيلومەتر وڭىردىڭ ەكولوگيالىق فۋنكتسياسى ەرەكشە ماڭىزدى جانە ەكولوگيالىق ورتاسى توتەنشە سەزىمتال ٴالسىز رايوندار وسى جولعى قىزىل سىزىق بويىنشا قورعاۋ كولەمىنە ەنگىزىلدى. ورتا قورعاۋ مينيسترلىگى جاراتىلىستىق ەكولوگيانى قورعاۋ مەكەمەسىنىڭ باستىعى چىڭ ليفىڭ بىلاي دەدى: ەكولوگيا قىزىل سىزىعى بولاشاقتاعى جەر بايلىق ورتاسىن باسقارۋ مەڭگەرۋگە الۋدىڭ بەلگىسى بولادى. وسى قورعاۋ قىزىل سىزىعى تۇراقتاندىرىلعاننان كەيىن اشۋ رايونىنا تيىم سالۋ بەلگىلەمەسى بويىنشا باسقارىلىپ، قاتىستى جوبالار ەكولوگيالىق ورتانى قورعاۋ قىزىل سىزىعىنىڭ تالابىنا ۇيلەسۋى كەرەك، ولشەمگە ۇيلەسپەيتىن ارەكەتتەرگە دەر كەزىندە تەڭشەۋ جۇرگىزۋ كەرەك، بۇدان سىرت ەكولوگيالىق ورتانى قورعاۋ قىزىل سىزىق وڭىرىنە ەنگىزىلگەن رايونداردىڭ ەكولوگالىق ورتاسىن قورعاۋ جانە قالپىنا كەلتىرۋ قىزمەت تەبىنىن ارتتىرۋ قاجەت.


    جۋىردا مەملەكەتتىك دامۋ جانە رەفورما كوميتەتى مەملەكەتتىڭ ەكولوگيالىق ورتانى قورعاۋ قىزىل سىزىعىن باقىلاپ باسقارۋ تەكشە قۇرىلىسىن بەكىتتى، مەجەمەن 2020-جىلدىڭ سوڭىنان بۇرىن بۇل قۇرىلىس ورىندالىپ بولادى.

اۋدارعان: نازار ٴارىپ ۇلى