كومىر كەندەگى زاڭ بەلگىلەمەگە قايشى ارەكەتتەرگە ارناۋلى سوققى بەرىلەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-02-13 16:40:00


    شينحۋا اگەنتتىگىنىڭ حابارى: ٴتىلشىنىڭ اقپاننىڭ 12-كۇنى مەملەكەتتىك ٴوندىرىس حاۋىپسىزدىگىن باقىلاپ-باسقارۋ باس مەكەمەسىنەن ۇعىسۋىنشا، مەملەكەتتىك كەڭەستىڭ حاۋىپسىز ٴوندىرىستى باقىلاۋ-باسقارۋ كوميتەتى كەڭسەسى جۋىردا <كومىر كەن حاۋىپسىزدىگىندەگى زاڭ بەلگىلەمەگە قايشى ارەكەتتەرگە زاڭ بويىنشا سوققى بەرۋ جانە ٴتۇيىندى وڭاۋ جونىندەگى ۇقتىرۋدى> باسىپ تاراتىپ، ٴارقايسى ولكەلەردەن ارناۋلى ارەكەت گرۋپپاسىن قۇرىپ، 2018-جىلى ارناۋلى ارەكەت ورىستەتۋدى تالاپ ەتكەن.


    حاۋىپسىز ٴوندىرىستى باقىلاۋ-باسقارۋ باس مەكەمەسى قاتىستى جاۋاپتىسىنىڭ تانىسترۋىنشا، كومىر كەن سەرىكتىكتەرى، قالىپتى ٴوندىرىس قۇرىلىس كومىر كەندەرى، ٴوندىرىسىن توقتاتىپ وڭاۋعا بۇيرىق تۇسىرىلگەن كومىر كەندەرى، ۇزاق ۋاقىت جۇمىسىن توقتاتقان كومىر كەندەر قاتارلىلارعا ٴتۇيىندى وڭاۋ جۇرگىزىلەدى جانە سوققى بەرىلەدى.

اۋدارعان: نۇرزيا جۇماقان قىزى