ەلىمىز ۇلتتىق رايوندارىندا ەكولوگياعا سۇيەنىپ كەدەيلەردى سۇيەمەلدەۋ قىزمەتى كەلەلى تيىمدىلىكتەرگە يە بولادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-02-13 16:45:00


    جۇڭگو ۇلتتار گازەتىنىڭ حابارى: مەملەكەتتىك دامۋ رەفورما كوميتەتى، مەملەكەتتىك ورمان شارۋاشىلىق مەكەمەسى، قازىنا مينيسترلىگى، سۋ ىستەر مينيسترلىگى، اۋىلشارۋاشىلىق مينيسترلىگى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى قاتارلى التى مينيسترلىك، كوميتەت تاياۋدا «ەكولوگياعا سۇيەنىپ كەدەيلەردى سۇيەمەلدەۋ قىزمەت جوباسىن» باسىپ تاراتىپ، كەدەيلەردى سۇيەمەلدەپ بايلىقتى اشۋ مەن ەكولوگيالىق ورتانى قورعاۋعا تەڭ ٴمان بەرۋدە تاباندى بولىپ، ەرەكشە شارالار قولدانىپ، كەدەي جان سانىن ەكولوگيانى قورعاۋ مەن وڭاۋدان اناعۇرلىم كوپ يگىلىككە كەنەلدىرىپ، 2020-جىلعا دەيىن 15 ميلليون كەدەي جان سانىنىڭ كىرىسىن ارتتىرۋعا باستاۋ ايقىندادى.


    جوبا بويىنشا ٴار قايسى تاراۋلار جايىلىمدى قالپىنا كەلتىرۋ ينجەنەرياسى، چيڭحاي ٴۇش وزەن قاينارى ەكولوگيالىق ورتاسىن قورعاۋ مەن قۇرۋدىڭ ەكىنشى مەرزىمدى ينجەنەرياسى، قۇمدانۋدى ۋنيۆەرسال جونگە سالۋ ينجەنەرياسى قاتارلى 11 ٴتۇرلى كەلەلى ەكولوگيالىق قۇرلىستى كۇشەيتىپ، كەدەي رايوندارعا ينجەنەريا نىساندارى مەن قارجىلاردى اناعۇرلىم ويىستىرىپ، كەدەي جان سانىنىڭ يگىلىكتەنۋ دەڭگەيىن جوعارىلاتادى.


    بۇندا قۇمدانۋدى ۋنيۆەرسال جونگە سالۋ ينجەنەرياسىندا «قۇمدانۋدىڭ الدىن الۋ مەن كەدەيلەردى سۇيەمەلدەۋ» ٴوزارا ۇشتاستىرىلىپ، يۇننان، گۋاڭشي، گۇيجوۋداعى قۇمدانعان رايون، يۇنناننىڭ باتىسىنداعى شەكارا تاۋلى رايون، ۋ مىڭشان تاۋلى رايونى جانە ۋليڭ تاۋلى رايونى قاتارلى 146 تۇيىندى اۋداننىڭ قۇمدانۋىن جونگە سالۋ قۇرلىسى تۇيىندى قولداۋعا يە بولىپ، تاۋدى قورىپ ورمان-ٴشوپ ٴوسىرۋ، جاساندى ورمان ٴوسىرۋ، ورمان باپتاۋ، شاعىن اعارلاردى ۆەنيۋەرسال جونگە سالۋ قاتارلى كوپ ٴتۇرلى شارالار قولدانىلىپ، 18 مىڭ شارشى كيلومەتر كەلەتىن بالقىما جەر جونگە سالىنادى. قۇمدانعان جەردى تۇيىقتاپ قورعاۋ رايون ينجەنەرياسىندا ىشكى موڭعۇل، شيزاڭ، شانشي، گانسۋ، چيڭحاي، نيڭشيا، شينجياڭ قاتارلى ولكە، اۆتونوميالى رايوندار مەن شينجياڭ ٴوندىرىس قۇرلىس بيڭتۋانىنداعى كەدەي رايونداردىڭ قۇمدانعان جەردى تۇيىقتاپ قورعاۋ رايون قۇرىلىسى جەبەلىپ، كەدەي اۋداندارداعى 4 ميلليون 980 مىڭ مۋ قۇمدى جەر ينجەنەريا قۇرلىس كولەمىنە الدىمەن ەنگىزىلىپ، تۇيىقتاپ قورعاۋ شاراسى قاتاڭ اتقارىلادى. ەرەكشە كەدەيلەسكەن رايونداردا مەملەكەت بويىنشا قۇمنىڭ الدىن الۋ قۇمدى تىزگىندەۋ ۆەنيۋەرسال ۇلگى رايون قۇرلىسى كەڭەيتىلىپ، كەدەي رايونداردىڭ بوراننىڭ الدىن الىپ قۇمدى بوگەۋ قابىلەتى ارتتىرىلادى.


    ۇعىسۋعا قاراعاندا، قاتىستى تاراۋلار قارجىنى جوتكەپ تولەۋ تۇزىمىن ۇرتىس كەمەلدەندىرىپ، ەكولوگيالىق ورتاعا الۋان فورمادا تولىقتاما بەرۋ مەحانيزمىن قاراستىرىپ، ەكولوگيالىق ورتانى قورعاۋعا تولىقتاما بەرۋ تەبىنىن ارتتىرادى. تۇيىندى ەكولوگيالىق رايونداردىڭ جوتكەپ تولەۋ قابىلەتى جوعارلاتىلادى، ورتالىق قازىنا مەملەكەتتىك تۇيىندى ەكولوگيالىق يقۋاتتى رايونداعى كەدەي اۋداندارعا اسىرەسە شيزاڭ، سىچۋان ولكەسىندەگى زاڭزۋلار قونىستانعان ٴوڭىر، وڭتۇستىك شينجياڭداعى ٴتورت ايماق، وبىلىس، سىچۋاننىڭ لياڭشان وبىلىسى، يۇنناننىڭ نۋجياڭ وبىلىسى، گانسۋدىڭ لينشيا وبىلىسى قاتارلى ەرەكشە كەدەي رايونداردىڭ جوتكەپ تولەۋ تەبىنىن ارتتىرىپ، ساياسات اتقارۋ كولەمىن كەڭەيتىپ، تولىقتاما بەرۋ ٴادىسىن كەمەلدەندىرىپ، تۇيىندى ەكولوگيالىق يقۋاتتى رايونداردىڭ ەكولوگياسىن قورعاۋ جانە قالپىنا كەلتىرۋدى قولداۋ تەبىنىن بىرتىندەپ ارتتىرادى. جايلىم ەكولوگياسىن قورعاۋعا تولىقتاما، سيلىق بەرۋ جاڭا ساياساتىن اتقارىپ، ىشكى موڭعۇل، شيزاڭ، شينجياڭ، چيڭحاي، سىچۋان، گانسۋ، يۇننان، نيڭشيا، شينجياڭ ٴوندىرىس قۇرلىس بيڭتۋانى قاتارلى جەرلەردەگى مالشارۋاشىلىق جانە جارتىلاي مالشارۋاشىلىق رايون، اۋدانداردا جايلىم ەكولوگياسىن قورعاعاندارعا تولىقتاما، سيلىق بەرۋ جاڭا ساياساتى اتقارىلىپ، مال جايۋعا تيىم سالۋ قارجىسى، جايلىم مەن مال باسىنىڭ تەڭدىگىن ساقتاۋ سيىلىق قارجىسى قاتارلىلار مالشىلارعا دەركەزىندە تولىعىمەن بەرىلەدى.

اۋدارعان: گۇلميرا قوزىقان قىزى