توڭكەرسشىل قۇربان - شى ياڭ
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-04-16 17:27:00


    شينحۋا اگەنتتىگىنىڭ حابارى. شى ياڭ، حۋبەي ولكەسىنىڭ جۋشيان اۋدانىنان، 1889-جىلى دۇنيەگە كەلگەن، 1915-جىلى حۋبەي زاڭ-ساياسات ارناۋلى مەكتەبىنەن وقىپ، كەيىن ۋحان زاڭ ءىلىمى سالاسىنداى قايراتكەرلەرمەن بىرلەسىپ زاڭ قوعامىن قۇرىپ، ادۋاكاتتاردىڭ كىسىلىك ۇقىقتى قورعاپ، ادىلەتتى جاقتاۋىن قۋاتتاعان. 1919-جىلى 4-مامىر قوزعالىسى تۋىلعان سوڭ شى ياڭ ۋحان ادىۋاكاتتار قوعامىنىڭ ورىنباسار باستىعى سالاۋاتىمەن شۇعىل ءماجىلىس اشىپ، اشىق تەلەگرامما جولداپ وقۋشىلاردىڭ وتانشىلدىق قيمىلىن قولداۋدى العا قويادى ءارى مەكتەپتەرگە ىشكەرلەي ەنىپ، وقۋشىلاردىڭ وتانشىلدىق كۇرەسىنە جەتەكشىلىك ەتەدى. 1920-جىلى كۇزدە ۋحاندا ج ك پ ەرتەرەكتە قۇرعان ماركىسىزىمدى زەرتتەۋ قوعامىنا مۇشە بولىپ، «كومۋنىستىك پارتيا جارناماسى» قاتارلى ماركىس-لەنين شىعارمالارىن وقيدى. سونىمەن بىرگە ونەركاسىپ جۇمىسشىلارى تۇرعان رايوندى ارالاپ، ولاردىڭ اۋىرتپالىعىن ۇعىسىپ، جۇمسشىلار كەشكى مەكتەبى مەن جۇمىسشى پرەزەنتتەرى مەكتەبىن قۇرۋعا ات سالىسىپ، سوتسيالىزىمدى ۇگىتتەيدى. 1922-جىلى ماۋسىمدا ج ك پ عا مۇشە بولادى. سول جىلى شىلدەنىڭ سوڭىندا حانياڭ تەمىر زاۆودتىنىڭ جۇمىس تاستاۋىنا ءساتتى باسشىلىق ەتىپ، ۋحان جۇمىسشىلار بىرلەستىگىن قۇرۋعا قاتىسىپ، اتالعان قوعامنىڭ زاڭ كەڭەسشىسىنە كورسەتىلەدى.


    1923-جىلى 4-اقپاندا بەيجيڭ-ۋحان تەمىرجول جۇمىشىلارى جۇمىس تاستاعاندا شى ياڭ جەتەكشىلەردىڭ ءبىرى بولادى. ول ۋحانداعى جۇمىسشىلار مەن وقۋشىلاردى ميلليتاريس ۋ پيفۋعا قارسى ەرەۋىلگە ۇيىمداستىرادى. 7-اقپان كۇنى كەشتە كەرتارتپا ساقشىلار جاعىنان قولدى بولادى. جاۋ سوتىندا ول ميلليتاريستەردىڭ جۇمىسشىلار قوزعالىسىن جانىشتاعان اۋىر قىلمىسىن ايىپتاپ، ەش نارسەدەن تايىنبايتىن توڭكەرىستىك ارىنمەن جاۋدىڭ اپتىعىن باسادى. 15-اقپاندا ج ك پ نىڭ تاڭداۋلى مۇشەسى، ەڭبەكشى حالىقتىڭ ادۋاكاتى شي ياڭ 34 جاسىندا ەرلىكپەن قۇربان بولادى.


اۋدارعان: بالاپان راباتوۆ