شي جينپيڭنىڭ شياڭگاڭداعى ەكى اكەدەميكتىڭ جازعان حاتى جونىندە شىعارعان ماڭىزدى نۇسقاۋى شياڭگاڭ ٴار سالاسىنداعى قايراتكەرلەر اراسىندا كۇشتى اڭىس قوزعادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-16 10:45:00

 

    ٴوز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ شياڭگاڭداعى ەكى اكەدەميكتىڭ جازعان حاتى جونىندە شىعارعان ماڭىزدى نۇسقاۋى شياڭگاڭ ٴار سالاسىنداعى قايراتكەرلەر اراسىندا كۇشتى اڭىس قوزعادى. 15-مامىر كۇنى ورتالىق ۇكىمەتتىڭ شياڭگاڭداعى بايلانىس جاساۋ كەڭسەسى ارناۋلى ٴماجىلىس اشىپ، ورتالىقتىڭ قاتىستى رۋحى مەن ساياساتىنىڭ شياڭگاڭدا ويداعىداي تياناقتانۋى جونىندە ىزدەنىستەر جاسادى. 15-مامىر كۇنى تۇستەن كەيىن ەرەكشە رايون ۇكىمەتى مەن شياڭگاڭ عىلىم -تەحنيكا سالاسىنداعى قايراتكەرلەر تالقى ٴماجىلىسىن اشىپ، باس شۋجي شي جينپيڭنىڭ ماڭىزدى نۇسقاۋ رۋحىن ۇيرەنىپ دايەكتىلەندىرىپ، ىشكى ولكەلەرمەن شياڭگاڭنىڭ عىلىم-تەحنيكادا جاڭالىق جاراتۋ سەلبەستىگىن ىشكەرلەتۋ جونىندە تالقى ورىستەتتى.


    تالقىدا مەملەكەتتىك عىلىم-تەحنيكا مينيسترلىگىنىڭ ورىنباسار مينيسترى حۋاڭ ۋي تالقىعا قاتىناسقان قايراتكەرلەرگە باس شۋجي شي جينپيڭنىڭ ماڭىزدى نۇسقاۋ رۋحىن جەتكىزدى. ول بىلاي دەدى: عىلىم-تەحنيكا مينيسترلىگى باس شۋجي شي جينپيڭنىڭ ماڭىزدى نۇسقاۋىن تياناقتاندىرۋدى ماڭداي الدى مىندەت ەتىپ، ۇزاق ۋاقىتتاردان بەرى ەكى جەردىڭ عىلىم-تەحنيكادا جاڭالىق جاراتۋ سەلبەستىگىنە تۇساۋ بولىپ كەلگەن كەدەرگىلەرگە قاراتا باسقادا تاراۋلارمەن بىرلەسىپ تەزارادا قاتىستى شارالار شىعاردى، ورتالىق قازىنانىڭ تۇڭعىش توپتاعى قارجىسى شياڭگاڭعا ٴساتتى بەرىلدى، شياڭگاڭنىڭ ىشكى ولكەردەگى عىلىمي زەرتتەۋ قۇرلىمدارى يمپورت باجى جەڭىلدىگىنە يە بولا باستادى. سونىمەن قاتار شياڭگاڭ مەن اۋمىن جوعارى مەكتەپتەرى، عىلىمي زەرتتەۋ قۇرلىمدارى جانە عىلىم-تەحنيكا قىزمەتكەرلەرىنىڭ مەملەكەتتىڭ عىلىم-تەحنيكا جوسپار نىسانىن توتە ٴوتىنش ەتۋى دە تۇزىمدىك جاقتان كەپىلدىككە يە بولدى.


    ساناققا قاراعاندا، قازىرگە دەيىن شياڭگاڭدا مەملەكەتتىك 16تۇيىندى تاجىريبەحانا بار، شياڭگاڭدىق 400 گە جۋىق عالىم مەملەكەتتىك عىلىم-تەحنيكا ماماندار قامباسى مەن مەملەكەتتىك جاراتىلىستىق عىلىمدار قورىنىڭ باعالاۋ ماماندار قامباسىنا تاڭدالىپ، مەملەكەتتىڭ 136 تۇردەگى تۇيىندى زەرتتەۋ جوسپارىنا ات سالىستى، شياڭگاڭنان 85 عىلمي زەتتەرمەن مەملەكەتتىك عىلىم-تەحنيكا سيلعىنا يە بولدى. شياڭگاڭ ەرەكشە اكىمشىلىك رايونىنىڭ اكىمى لين جىڭيۇە-ى بىلاي دەدى: باس شۋجي شي جينپيڭنىڭ ماڭىزدى نۇسقاۋى شياڭگاڭنىڭ عىلىم-تەحنيكادا جاڭالىق جاراتىپ دامۋىنا بەرىك نەگىز قالادى، «ورتالىق قازىنا عىلىم-تەحنيكا جوسپارىنىڭ» شياڭگاڭنىڭ عىلىم -تەحنيكا ىستەرىن قارجىلاي قولداۋى وسى وڭىردە حالىقارالىق عىلىم -تەحنيكا جاڭالىق جاراتۋ ورتالىعىن قۇرۋىنا جول اشىپ بەردى.


    تالقى ماجىلىسىندە شياڭگاڭ قۇرىلىس عىلىم اكەدەمياسىنىڭ اكەدەميگى، شياڭگاڭ عىلىم-تەحنيكا ۋنيۆەرسيتەتىنىڭ پرافەسسورى لي شيڭۋي تەبىرەنە بىلاي دەدى: باس شۋجي شي جينپيڭنىڭ قامقورلىعىندا ەكى جەردىڭ عىلىم-تەحنيكا سەلبەستىگىن جەبەيتىن ٴبىر قىدىرۋ تىڭ شارالار تەز ارادا شىعارىلىپ، شياڭگاڭداعى عىلىم-تەحنيكا قىزمەتكەرلەرىنە تىڭ تەڭشە جاراتىپ بەرۋمەن قاتار ولاردىڭ مەملەكەت قۇرلىسىنا اتسالىسۋىنا جاڭا جول اشتى.

اۋدارعان: گۇلميرا قوزىقان قىزى