شياڭگاڭ مەن اۋمىنداعى ٴار سالا ٴتوراعا شي جينپيڭنىڭ نۇسقاۋىن قىزۋ تالقىلاپ، عىلىم-تەحنيكا ارقىلى مەملەكەتتى قۇدىرەتتەندىرۋ قۇرىلىسىنا بەلسەنە اتسالىسامىز،-دەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-16 15:57:00


    شينحۋا اگەنتتىگىنىڭ حابارى: ٴتوراعا شي جينپيڭ ەكى اكەدەميانىڭ شياڭگاڭداعى اكەدەميكتەرى جازعان حاتقا ماڭىزدى نۇسقاۋ بەردى ٴارى مىنانى اتاپ كورسەتتى: شياڭگاڭنىڭ ىشكى ولكەلەرمەن عىلىم-تەحنيكالىق سەلبەستىكتى كۇشەيتۋىن جەبەۋ، شياڭگاڭنىڭ حالىقارالىق عىلىم-تەحنيكادا جاڭالىق جاراتۋ ورتالىعى بولۋىن قولداۋ، شياڭگاڭ عىلىم-تەحنيكا سالاسىنىڭ عىلىم-تەحنيكادا قۇدىرەتتى ەل قۇرۋ، جۇڭحۋا ۇلتىنىڭ ۇلى كوركەيۋىن جۇزەگە اسىرۋ ٴۇشىن ۇلەس قوسۋىن جەبەۋ كەرەك. شياڭگاڭ مەن اۋمىنداعى ٴار سالا قايراتكەرلەرى بۇدان ەرەكشە شابىت الىپ، ٴتوراعا شي جينپيڭنىڭ نۇسقاۋى شياڭگاڭ مەن اۋمىننىڭ عىلىم-تەحنيكانى دامىتۋىنداعى قوزعاۋشى كۇش، بولاشاقتا شياڭگاڭ مەن اۋمىننىڭ ىشكى ولكەلەرمەن بولعان عىلمي زەرتتەۋ اۋىس-كۇيىس ارناسىن بارعان سايىن ىركىلىسسز ەتەدى، شياڭگاڭ مەن اۋمىن دا مەملەكەتتى عىلىم-تەحنيكادا قۇدىرەتتى ەل ەتىپ قۇرۋ ٴۇشىن اناعۇرلىم زور ۇلەس قوسادى،-دەپ قارادى.


    1995-جىلى شياڭگاڭ ۋنيۆەرسيتەتى حيميا فاكۋلتەتىنەن جى جىميڭ جۇڭگو عىلىم اكەدەمياسىنىڭ شياڭگاڭدىق تۇڭعىش اكەدەميگى بولىپ سايلانعاننان بەرى، شياڭگاڭنان قازىرگە دەيىن 40 تاي ادام جۇڭگو عىلىم اكەدەمياسى مەن جۇڭگو قۇرىلىس اكەدەمياسىنىڭ اكەدەميگى بولدى.


    ٴتوراعا شي جينپيڭعا بىرلەسىپ حات جازۋدى ورتاعا قويعان جۇڭگو قۇرىلىس اكەدەمياسىنىڭ اكەدەميگى، شياڭگاڭ ۋنيۆەرسيتەتىنىڭ قۇرمەتتى پروفەسسورى چىن چيڭچۋان بىلاي دەدى: ٴتوراعا شي جينپيڭنىڭ نۇسقاۋى شياڭگاڭدىق عىلىم-تەحنيكا قىزمەتكەرلەرى مەملەكەتتىڭ عىلىم-تەحنيكا قوسىنىنداعى ماڭىزدى كۇش ەكەندىگىن، مەملەكەتتىڭ عىلىم-تەحنيكادا جاڭالىق جاراتۋ جانە دامىتۋ ۇلى اۋقىمىنا قاتىناسىپ، شياڭگاڭدى حالىقارالىق عىلىم-تەحنيكا جاسامپازدىق ورتالىعىنا اينالدىرىپ، شياڭگاڭ شارۋاشىلىعىندا بۇرىلىس جاساۋ مەن باياندى ورنىقتى دامۋىن جەبەيتىندىگىن ٴتۇسىندىردى.


    جاقىنعى جىلداردان بەرى، شياڭگاڭ ەرەكشە رايون ۇكىمەتى عىلىم-تەحنيكادا جاڭالىق جاراتۋ جاعىنا قوسىلىمدى بارىنشا ارتتىردى. 2015-جىلى قاراشا ايىندا، ەرەكشە رايون ۇكىمەتى جاسامپازدىق جانە عىلىم-تەحنيكا مەكەمەسىن قۇردى ٴارى 2016-، 2017-جىلدارى ارناۋلى قارجى بوساتىپ، شياڭگاڭ عىلىم-تەحنيكا سالاسىنىڭ عىلمي زەرتتەۋ مەن جاسامپازدىقپەن دامۋ ىستەرىنە جۇمساۋىنا مۇمكىندىك جاراتتى.


    نەگىزدىك عىلمي زەرتتەۋ قىزمەتىنە ۋاقىت كوپ سارىپ بولىپ، قارجى مول جۇمسالاتىندىقتان، شياڭگاڭداعى عىلمي زەرتتەۋ قۇرىلىمدارى مەملەكەتتىڭ قارجىمەن تىكەلەي قولداۋىنا ٴزارۋ. 2017-جىلى ماۋسىم ايىندا، چىن چيڭچۋان قاتارلى 24 اكادەميك ٴتوراعا شي جينپيڭعا بىرلەسىپ حات جازىپ، وتاننىڭ ٴۇمىتىن اقتاۋ كوكەيتەستى تىلەگى مەن عىلىم-تەحنيكادا جاڭالىق جاراتا دامۋ وراسان زور ىنتاسىن جەتكىزدى.


    شياڭگاڭ ەرەكشە رايوندىق ۇكىمەتتىڭ اكىمى لين جىڭيۋە-ى بىلاي دەدى: ٴتوراعا شي جينپيڭنىڭ وسى رەتكى نۇسقاۋى مەملەكەتتىڭ عىلمي زەرتتەۋ قارجىسىنىڭ شياڭگاڭدا ىستەتىلۋ ماسەلەسىن شەشتى، بۇل شياڭگاڭنىڭ عىلىم-تەحنيكادا جاڭالىق جاراتا دامۋىنا قوزعاۋشى كۇش اپەرەدى، ٴارى جاسامپازدىق مانگە يە. ول شياڭگاڭداعى عىلمي زەرتتەۋ قۇرىلىمدارىنان مەملەكەت پەن شياڭگاڭنىڭ عىلمي زەرتتەۋ ىستەرىن دامىتۋعا ۇلەس قوسۋىن ٴۇمىت ەتتى.
شياڭگاڭ شۋماگاڭ توبى القالار مەكەمەسىنىڭ ٴتوراعاسى لين جيالي بىلاي دەدى: شياڭگاڭ وسى تاپتىرماس ورايدى مىقتى يگەرىپ، ٴوزىنىڭ ەرەكشە ٴابىزالدىلىعى ارقىلى مەملەكەتتىڭ جاڭالىق جاراتۋ جانە عىلىم-تەحنيكا ورتالىعىنا اينالىپ، مەملەكەتتىڭ عىلىم-تەحنيكادا قۇدىرەتتى ەل بولۋىنا كۇش قوسادى.


    اۋمىن وتان قۇشاعىنا ورالعاننان كەيىن، مەملەكەتتىڭ تىكەلەي قولداۋىندا، عىلىم-تەحنيكا ىستەرى جەدەل دامىدى. 2004-جىلى اۋمىن عىلىم-تەحنيكانى دامىتۋ قور قوعامى قۇرىلدى، 2005-جىلى ىشكى ولكەلەرمەن اۋمىننىڭ عىلىم-تەحنيكا سەلبەستىك كوميتەتى قۇرىلدى. قازىرگە دەيىن، اۋمىندا مەملەكەتتىك ەكى ٴتۇيىندى تاجىريبەحانا بارلىققا كەلدى.


    اۋمىن عىلىم-تەحنيكا ۋنيۆەرسيتەتىنىڭ باستىعى ليۋ لياڭ بىلاي دەدى: ٴتوراعا شي جينپيڭنىڭ بەكىتۋى ٴبىز جونىنەن قۇدىرەتتى قوزعاۋشى بولىپ، اۋمىن عىلىم-تەحنيكا سالاسىنداعىلاردى ەرەكشە جىگەرلەندىردى، ٴبىز قۇلشىنا قىزمەت ىستەپ، مەملەكەتتىك ەكى تاجىريبەحانانى ويداعىداي قۇرىپ، جاقسى پايدالانۋىمىز كەرەك. ٴتوراعا شي جينپيڭنىڭ نۇسقاۋى اۋمىن عىلىم-تەحنيكا سالاسىنداعىلاردىڭ كۇتكەن ۇمىتىنەن شىقتى، بۇل اۋمىن مەن ىشكى ولكەلەردىڭ عىلىم-تەحنيكا سالاسىنداعىلاردىڭ سەلبەستىكتى جالعاستى كۇشەيتۋىنە، اۋمىننىڭ مەملەكەتتى دامىتۋ جالپى جاعدايىنا ويداعىداي اتسالسۋىنا پايدالى.

اۋدارعان: گۇلنۇر قابىلقاق قىزى