حان جىڭ حىبيداعى شيۇڭ ان جاڭا رايونىندا قىزمەت تەكسەردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-05-16 17:14:00

 

    ٴوز حابارىمىز: ج ك پ ورتالىق كوميتەتى ساياسي بيۋرۋسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ مامىردىڭ 14-كۇنى حىبي ولكەسىنىڭ شيۇڭ-ان جاڭا رايونىندا قىزمەت تەكسەردى. ول بەيجيڭ-شيۇڭ ان قالا ارالىق تەمىر جولىنىڭ شيۇڭ-ان بەكەتىن جوبالاۋ تۇيىنىنە بارىپ، شيۇڭ-ان جاڭا رايونىنىڭ قاتىناس تورابىن جوبالاۋ قۇرىلسىن تەكسەردى، شيۋ لين ورمان وتىرعىزۋ تۇيىنىنە بارىپ، جاڭا رايوننىڭ ورمان قالاسىن ارناۋلى جوبالاۋ جانە اعاش ەگىپ ورمان وتىرعىزۋ بارىسىن كوزدەن كەشىردى، شيۇڭ-ان جاڭا رايون قۇرىلىس رايونىنا بارىپ ونداعى كەزەڭدىك جانە تۇلعالىق جوبالاۋ مەن باي ياڭديان ەكولوگياسىن قورعاۋ جاعدايىن ۇعىستى، شيۇڭ-ان قالالىق حالىققا قىزمەت وتەۋ ورتالىعىنا بارىپ، شيۇڭ-ان قۇرىلىسى مەن رۇڭ دۇڭ ورنالاستىرۋ رايونىن جوسپارلاۋ قۇرىلىس جاعدايىن ۇعىستى. حان جىڭ مامىردىڭ 14-كۇنى تۇستەن كەيىن اڭگىمە ٴماجىلسىن اشىپ، حىبي ولكەسى مەن قاتىستى تاراۋلاردىڭ دوكىلاتىن تىڭداپ،الداعى جانە بۇدان كەيىنگى ٴبىر مەزگىلدەگى ٴتۇيىندى قىزمەتتەردى زەرتتەپ ورنالاستىرۋ جاسادى.


    حان جىڭ مىنالاردى اتاپ كورسەتتى، شيۇڭ-ان جاڭا رايونىن جوبالاپ سالۋ-شي جينپيڭ جولداس ۇيتقى بولعان پارتيا ورتالىعى جاساعان ماڭىزدى شەشىم، جوبا پروگرامماسىن جەتەكشى ەتىپ،كەزەڭدىك جانە تۇلعالىق مەڭگەرۋ جوسپارىن سونداي-اق ارناۋلى جوسپارىن جاساپ جانە كەمەلدەندىرىپ، كوپ ەرەجە بىرىككەن جوسپار جۇيەسىن قالىپتاستىرۋ كەرەك . دۇنيە ٴجۇزىنىڭ وزىق تاجىريبەسىنەن ۇلگى الىپ، قالانى جوسپارلاۋدا ادامدى نەگىز ەتىپ، قۇرلىس ۇلگىسى مەن رەڭىن ۇيلەسىمدى تۇراقتاندىرىپ، قالا مەتروسىنىڭ تۇلعالىق قۇرىلسىن سالىپ، شيۇڭ-ان جاڭا رايونىن وسىزامانعان قۇرىلىس پەن ٴداستۇرلى تاريح ۇشتاسقان رايون ەتىپ قۇرۋ شىعۋ كەرەك، جەر استى قاتىناسى مەن قالا قۇبىرلارىن عىلمي جوسپارلاپ، جەر استى كەڭىستىگىنىڭ ۇيلەسىمدى دە ٴتارتىپتى پايدالانۋىنا كەپىلدىك ەتۋ كەرەك.


    حان جىڭ بىلاي دەدى، 2020-جىلعى قۇرىلىس نساناسىن توڭىرەكتەپ، شيۇڭ ان جاڭا رايونىنىڭ سىرتقى قاتىناس جول توراپ قۇرىلسى، قۇرلىسىن ەندى باستاعان قالانىڭ نەگىزدىك قۇرىلعى قۇرىلسى مەن كاسىپ ورنالاسۋىن، باي ياڭديان ورتاسىن ۋەنيۋرسال وڭاۋ، ەكولوگياسىن قالىپنا كەلتىرۋ قاتارلى كەلەلى مىندەتتەردى ىلگەرلەتە تۇسۋ كەرەك، شيۇڭ ان جاڭا رايونىنىڭ رەفورما جاساپ ەسىك اشۋ شاراسىن جاساپ جانە ونى قولداپ، قازىنا باجىسى، جەر، قارجى قوسۋ اينالىمعا تۇسىرۋ قاتارلى جاقتاردا باعىتتامالى ساياسات شىعارۋ كەرەك . باسقارۋ تۇزىلىس مەحانيزىمىندە جاڭالىق جاراتىپ، جاڭا رايوندى باسقارۋ كوميتەتىنىڭ رولىن اناعۇرلىم ساۋلەلەندىرىپ، جوعارى ٴونىمدى، ٴتارتىپتى اتقارۋ تۇزىلسىن قالىپتاستىرۋ قاجەت.

اۋدارعان: كۇلان ىرىسباي قىزى