ونەركاسىپ جانە ينفورماتسيالاندىرۋ مينيسترلىگى نەگىزگى تەلەگراف كاسپورىندارىنان تۇتىنۋشىلارعا اي سايىن حابارلاسۋ تالون ينفورماتسياسىن جولداۋدى تالاپ ەتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 16:25:00

 

    شينحۋا اگەنتتىگىنىڭ حابارى: ونەركاسىپ جانە ينفورماتسيالاندىرۋ مينيسترلىگى 11-شىلدە كۇنى بىلاي دەدى: مەديالاردا حابارلانعان تەلەفوننان بەلگىسىز اقى تارتۋ قاتارلى ماسەلەلەرگە قاراتا ونەركاسىپ جانە ينفورماتسيالاندىرۋ مينيسترلىگى نەگىزگى تەلەگراف كاسپورىندارىنان كەلەر ايدان باستاپ تۇتىنۋشىلارعا كەلتە حات فورماسىمەن اي سايىن حابارلاسۋ تالون ينفورماتسياسىن ىرىقتى جولداۋدى تالاپ ەتىپ، تۇتىنۋشىلاردىڭ كوكەيىندە سان بولۋدى ەسكەرتتى.
ۇعىسۋعا قاراعاندا، تۇتىنۋشىلاردىڭ مازاسىن الاتىن تەلەفون ماسەلەسى جونىندە ونەركاسىپ جانە ينفورماتسيالاندىرۋ مينيسترلىگى وننەشە قاتىستى تاراۋمەن بىرلەسىپ ارناۋلى جوبا الىپ شىعادى، تاياۋدا تۇتىنۋشىلاردىڭ مازاسىن الاتىن تەلەفوندى جالپى بەتتىك جونگە سالۋ ارناۋلى ارەكەتى ۇيىمدى ورىستەتىلەدى، بۇندا حابارلاسۋ كاسىبى مەن بايلىق باسقارۋدى كۇشەيتۋ تۇيىن ەتىلىپ، تۇتىنۋشىلاردىڭ مازاسىن الاتىن تەلەفوندى تاراتۋ ارناسى قاتاڭ تىزگىندەلىپ، حابارلاسۋ بايلىعىنىڭ تيجارات ساۋدالىققا قولدانىلىپ تۇتىنۋشىلاردىڭ مازاسىن الۋىنىڭ قاتاڭ الدى الىنادى؛ تۋ باستان وڭاۋ كۇشەيتىلىپ، ٴار سالا ساۋداگەرلەرىنىڭ كاسىپتىڭ ساتىلىمىن جەبەۋ ارەكەتى جۇيەگە تۇسىرىلىپ، تيجارات ساۋدامەن تۇرعىندار مازاسىن الۋ قۇبىلىسى جونگە سالىنادى؛ تەحنيكالىق جاقتان الدىن الۋ قۋاتى كۇشەيتىلىپ، مازا الاتىن تەلەفوندى الدىن الا ەسكەرتۋ، باقىلاۋ، پارىقتاۋ جانە توسۋ قۋاتى كۇشەيتىلەدى.


    ونەركاسىپ جانە ينفورماتسيالاندىرۋ مينيسترلىگى تەلەفوننان بەلگىسىز اقى تارتۋ ماسەلەسىنە وسكەلەڭ ٴمان بەرىپ، حاباردا ايتىلعان ناقتى ماسەلە مەن تيپتىك دەلونى جەدەل تەكسەرىپ، بەتالدى كەلتە حات جولدايتىن 31 كەلتە حات تەكشەسىن جاۋىپ، تۇتىنۋشىلاردىڭ مازاسىن العان تەلەفون نومىرىنەن 82 سىنٴبىر جايلى ەتىپ، وسى ماسەلەگە سايعان كاسپورىندارمەن سويلەسىپ ولاردىڭ ٴوزىن جالپى بەتتىك تەكسەرۋى جونىندە بۇيىرىق تۇسىردى.

اۋدارعان: گۇلميرا قوزىقان قىزى