جازعى استىق ٴتۇسىمى جاقسى بولىپ، جىلدىق استىقتان مول ٴونىم الۋ نەگىزى بەكەمدەلدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 17:21:00

 

    حالىق گازەتىنىڭ حابارى: ەلىمىزدىڭ استىق ٴونىم مولشەرى ٴۇرتىس بەس جىل 200 ميلليارد كيلوگرامنان اسىپ، ەلىمىز حالىق شارۋاشىلىعى ورنىقتى، حاۋىپسىز اينالىمعا ٴتۇسىپ، ەلىمىز استىق حاۋىپسىزدىگىنىڭ نەگىزى بەكەمدەلدى. بيىل اۋىل-شارۋاشىلىعىن كوركەيتۋ ستراتەگياسى اتقارىلعاندىعىنىڭ باستاما جىلى، وسىنداي كەزەڭدە جازعى استىقتان مول ٴونىم الۋ اۋىل-شارۋاشىلىعىن كوركەيتۋ ستراتەگياسى اتقارىلعاندىعىنىڭ جارقىن باستاماسى دەۋگە ٴارى جىلدىق استىقتان مول ٴونىم الۋدىڭ بەرىك نەگىزى قالاندى دەۋگە بولادى.


    جازعى استىقتان مول ٴونىم الۋدى اۋىل شارۋاشىلىعىن قامداۋ جاعىنداعى قۇرىلىمدىق رەفورمانىڭ پارمەندى قوزعاۋشى كۇشىنەن بولەك قاراۋعا بولمايدى. اۋىل شارۋاشىلىق، اۋىل-قىستاق مينيستىرلىگى ەگىنشىلىكتى باسقارۋ مەڭگەرمەسىنىڭ باستىعى زىڭ ياندى بىلاي دەدى: اۋىل شارۋاشىلىعىن قامداۋ جاعىنداعى قۇرىلىمدىق رەفورمانى ىلگەرلەتۋ اۋىل-شارۋاشىلىعىن دامىتۋدا كەزدەسكەن قيىن ماسەلەلەردى شەشۋدەگى، اۋىل شارۋاشىلىعىنان قامال الۋدى ىلگەرلەتۋدەگى ماڭىزدى شارا، اۋىل شارۋاشىلىعىنىڭ ۇزدىكسىز ورنىقتى دامۋىن جەبەپ، اۋىل شارۋاشىلىعىنىڭ وسىزاماندانۋىن جەدەلدەتۋدەگى تابيعي تالاپ.


    بيىل جازعى استىق ٴوندىرىسى مەن ەكولوگيالىق ەگىن كاسىبى تەزدەدى. سولتۇستىك جۇڭگو مەن شينجياڭنىڭ تارىم وزەنى جەر استى سۋى شەكتەن تىس پايدالانعان وڭىردە 2 ميلليون مۋدان استام ٴبيداي اتىزى ازايىپ، باتىس وڭتۇستىك پەن باتىس سولتۇستىكتەگى ٴبيداي ەگىس اۋماعىنان 700 مىڭ مۋ كەمەيگەن. جوبا بويىنشا، 2020-جىلعا بارعاندا ەلىمىز اۋىل شارۋاشىلىعى ولشەممەن ٴوندىرۋ، زالالسىز ٴوندىرىس پەن اينالمالى دامۋدىڭ قامتۋ كولەمى، حيميالىق تىڭايتقىش، اۋىل شارۋاشىلىق ٴدارىسىن ىستەتۋ سالىستىرماسىن %40 كە تومەندەتۋ، ٴوندىرىس قالدىق زاتتارىن ۆنيۋەرسال پايدالانۋ سالىستىرماسىن %75 كە جەتكىزۋ سىندى نىسانداردى شىنايى ىسكە اسىرماقشى.


    «اۋىل شارۋاشىلىعى، اۋىل-قىستاق، ديقاندار» ماسەلەسىن شەشۋ بۇكىل پارتيانىڭ ەڭ ماڭىزدى قىزمەتى. پارتيا 18-قۇرىلتايىنان بەرى، «اۋىل شارۋاشىلىعى، اۋىل-قىستاق، ديقانداردى» دامىتۋداعى ٴبىر سىپىرا تۇزىمدىك قامداۋ بىرتىندەپ كۇشەيىپ، سان ميلليونداعان ديقانداردىڭ ەگىن ەگۋ بەلسەندىلىگىن بارىنشا ارتتىردى.


    بىلتىر كۇزدە، كۇزگى-قىسقى ەگىستىڭ ەڭ قاربالاس كەزىندە اشىلعان پارتيا 19-قۇرىلتايىندا مىنالار اتاپ كورسەتىلدى: جەردى كوتەرەگە بەرۋ قاتىناسىنىڭ ورنىقتىلىعى وزگەرمەيدى ٴارى ۇزاققا جالعاسادى، ەكىنشى رەتكى جەردى كوتەرەگە بەرۋ ۋاقىتى تاعى دا 30 جىل ۇزارتىلدى. بۇل پارتيا ورتالىق كوميتەتىنىڭ اۋىل-قىستاق جەر تيجارات ٴتۇزىمى جاعىنداعى تاعى ٴبىر كەلەلى شاراسى، اۋىل-قىستاق نەگىزدىك شارۋاشىلىق ٴتۇزىمىن بەمەكدەۋ مەن كەمەلدەندىرۋدە، وسىزامان اۋىل شارۋاشىلىق دامۋىن جەبەۋدە، اۋىل-قىستاقتىڭ باياشاتتى دامۋىن ىسكە اسىرۋدا ماڭىزدى ٴمان الادى ٴارى ديقانداردىڭ جەردى ويداعىداي ەگۋ، جاقسى ٴونىم الۋ سانالىلىعىن اناعۇرلىم كۇشەيتەدى.


    جازعى استىق جىلدىق استىقتىڭ 40 پايىزىن قۇرايدى، جازعى استىقتان مول ٴونىم الۋ جىلدىق استىقتان مول ٴونىم الۋدىڭ نەگىزى. زىڭ ياندى بىلاي دەدى: اۋىل شارۋاشىلىعىنا ٴمان بەرىپ، استىق ٴوندىرىسىن مىقتى يگەرىپ، استىقتىڭ سانى مەن ساپاسىن كاسىپتەنۋ مەن قالاشىقتانۋدان تۋىنداعان تۇتىنۋ جالپى مولشەرىنىڭ ارتۋى مەن تۇتىنۋ قۇرىلىمىنىڭ ساپالانۋىنا سايكەستىرۋ كەرەك. كەزەكتە جازعى استىقتىڭ قامباعا ەنگىزىلۋ قىزمەتىن كەپىلدەندىرۋمەن بىرگە كۇزگى استىق ٴوندىرىسىن مىقتى يگەرۋىمىز قاجەت.


اۋدارعان: گۇلباقشا ٴمادى قىزى