ەلىمىزدىڭ قورعاعان جاراتىلىستىق بەلگىسى بار ٴونىم سانى 2359 عا جەتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-12 17:23:00

 

    شينحۋا اگەنتتىگىنىڭ حابارى: ياڭچىڭ كولىنىڭ ۇلكەن شايانى، ۋچاڭنىڭ كۇرىشى، نيڭشيانىڭ الاقاتى سىندى جاراتىلىستىق بەلگىسى بار اۋىل شارۋاشىلىق ونىمدەر كەزەكتە جۇرتقا ايگىلەنىپ، قۇنى جوعارىلاۋدا. مەملەكەتتىك ٴبىلىم مەنشىك ۇقىعىن قورعاۋ مەكەمەسىنىڭ ورىنباسار باستىعى حى حۋا شىلدەنىڭ 11-كۇنى بىلاي دەدى: جاراتىلىستىق بەلگىسى بار ونىمدەردى قورعاۋ تەبىنىن ارتتىرىپ، وسى ونىمدەردى حالىقاراعا تانىتۋ جانە ٴوزارا قورعاۋدى بەلسەندى جەبەپ، جاراتىلىستىق بەلگىسى بار ونىمدەر ارقىلى كەدەيلىكتەن قۇتىلدىرۋدان قامال الۋ قىزمەتىنە قولداۋ كورسەتۋ كەرەك.


    مەملەكەتتىك ٴبىلىم مەنشىگىن قورعاۋ مەكەمەسىنىڭ ساندى مالىمەتىندە كورسەتىلۋىنشە، 2018-جىلى ماۋسىمنىڭ سوڭىنا دەيىن، ەلىمىز كولەمىندە قورعالعان جاراتىلىستىق بەلگىسى بار ٴونىم سانى 2359 عا؛ قورعالاتىن ۇلگى رايون سانى 24 كە؛ وسى بەلگىلەردى ىستەتۋ ۇقىعى بەرىلگەن كاسىپورىن سانى 8091 گە جەتىپ، قاتىستى ونىمدەردىڭ قۇنى 1 تريلليون يۋاننان استى.


    جۇڭگو ينجەنەريا اكەدەمياسىنىڭ اكەدەميگى حۋاڭ لۋچي بىلاي دەدى: جاراتىلىستىق بولگىگە ساياتىن زاڭ بەلگىلەمەلەردى تەزدەن كەمەلدەندىرىپ، قاراپ بەكىتۋ جانە ٴبىرجايلى ەتۋ ٴتارتىبىن قاراپايىمداستىرىپ، بەكىتۋ قاراۋ ٴىسىن ٴبىر ورىندا بىتىرۋ قىزمەتىن جەبەپ، دالمە-ٴدال سۇيەمەلدەۋگە ۇن قوسىپ، جاراتىلىستىق بەلگىسى بار ونىمدەردى حالىقارادا ايگىلەپ، ەلىمىزدىڭ جاراتىلىستىق بەلگىسى بار ونىمدەرىن سىرتقا شىعارۋ اياق الىسىن تەزدەتۋىمىز كەرەك.


اۋدارعان: نازار ٴارىپ ۇلى