ورتالىق كوميتەت كەڭسەسى «پارتيا نەگىزگى ساتى ۇيىمدارىنىڭ مىندەت مەرزىمى جونىندەگى بەلگىلەمەنى» باسىپ تاراتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-13 11:05:00

 

    ٴوز حابارىمىز: جۋىردا ج ك پ ورتالىق كوميتەت كەڭسەسى «پارتيا نەگىزگى ساتى ۇيىمدارىنىڭ مىندەت مەرزىمى جونىندەگى پىكىردى» باسىپ تاراتتى ٴارى ۇقتىرۋ شىعارىپ ٴارقايسى رايوندار مەن تاراۋلاردان ناقتىلى جاعدايعا قاراي مۇقيات دايەكتى تياناقتاندىرۋدى تالاپ ەتتى.


    پارتيا 19-قۇرىلتايىنىڭ پارتيا ۇستابىنا وزگەرىس ەنگىزۋ جوباسىندا: پارتيانىڭ نەگىزگى ساتى كوميتەتى، باس ياچيكا كوميتەتى، ياچيكا كوميتەتتەرىنىڭ ٴار كەزەك مىندەت مەرزىمى 3 تە 5 جىل بولادى دەپ بەلگىلەنگەن. وسى بەلگىلەمەنى دايەكتى تياناقتاندىرۋ، پارتيا ىشىندەگى ساياسي تۇرمىستى قاتايتۋ، پارتيانىڭ ۇيىمدىق تۇزىمىن قاتاڭداستىرۋ، پارتيا نەگىزگى ساتى ۇيىمىنىڭ مىندەت مەرزىمىن كەمەلدەندىرۋ ٴۇشىن قازىر مىناداي پىكىرلەر شىعارىلدى:


    1-، پارتيا نەگىزگى ساتى كوميتەتىنىڭ ٴار كەزەك مىندەت مەرزىمى ادەتتە 5 جىل بولادى، پارتيا باس ياچيكا كوميتەتى، ياچيكا كوميتەتىنىڭ ٴار كەزەك مىندەت مەرزىمى ادەتتە 3 جىل، مۇندا قىستاق جانە الەۋمەتتىك رايونداردىڭ پارتيا كوميتەتى، باس ياچيكا كوميتەتى، ياچيكا كوميتەتتەرىنىڭ ٴار كەزەك مىندەت مەرزىمى 5 جىل.


    وسى پىكىر باسىپ تاراتىلۋدان بۇرىن كەزەك الماستىرىپ بولعان نەگىزگى ساتى ۇيىمدار پرينسىپ بويىنشا وسى كەزەك مىندەت مەرزىمى اياقتاعاننان كەيىن بارىپ جوعارداعى بەلگىلەمەلەردى اتقارادى.


    2-، پارتيانىڭ نەگىزگى ساتى ۇيىمدارى مىندەت مەرزىم تۇزىمىن قاتاڭ اتقارىپ، مىندەت مەرزىمى تولعاننان كەيىن ٴدال ۋاعىندا كەزەك الماستىرۋ سايلامىن وتكىزۋلەرى كەرەك. مىندەت مەرزىمىن ۇزارتۋ نەمەسە الدىنالا سايلام وتكىزۋ كەرەك بولسا، جوعارى دارەجەلى پارتيا كوميتەتىنە مالىمدەپ بەكىتتىرۋى كەرەك. مىندەت مەرزىمىن ۇزارتۋ نەمەسە الدىنا شەگەرۋ مەرزىمى ادەتتە 1 جىلدان باسپاۋى كەرەك.


    3-، ٴارقايسى رايوندار مەن تاراۋلار ورىنداردىڭ پارتيا كوميتەتتەرى كەزەك الماستىرۋ ىسىنە وسكەلەڭ ٴمان بەرىپ، ۇيىمدىق باسشىلىقتى كۇشەيتىپ، پارتيا نەگىزگى ساتى ۇيىمىنىڭ مىندەت مەرزىمىن تەڭشەۋ بىرتۇتاس جۇيەلەندىرۋ، ورنىقتى ۇشتاستىرۋعا كەپىلدىك ەتۋ كەرەك. پارتيا ۇيىمىنىڭ قاراستىلىق قاتىناسى جانە كادىرلەردىڭ باسقارۋ ۇقىق شەگىنە ساي، جوعارى دارەجەلى پارتيا ۇيىمدار شىنايى جاۋاپكەرلىك ارقالاپ، نەگىزگى ساتى پارتيا ۇيىم باسشىلىق القاسىن تەڭشەۋ تاعايىنداۋ قاتارلى كەزەك الماستىرۋعا قاتىستى دايىندىق قىزمەتتەردى مۇقيات جاقسى ىستەپ، كەزەك الماستىرۋ سايلامىن ٴدال ۋاعىندا جۇرگىزۋدى دەر كەزىندە ەسكەرتۋ كەرەك.


    4-، جۇڭگو حالىق ازاتتىق ارمياسى، جۇڭگو حالىق قارۋلى ساقشى قوسىنى پارتيا نەگىزگى ساتى ۇيىمدارىنىڭ مىندەت مەرزىمىن ورتالىق اسكەري ىستەر كوميتەتى بەلگىلەيدى.


    5 -، پىكىر جاريالانعان كۇننەن باستاپ اتقارىلادى، پارتيا نەگىزگى ساتى ۇيىمدارىنىڭ مىندەت مەرزىمى جونىندەگى بەلگىلەمەگە ساي كەلمەيتىن ىستەر وسى پىكىر بويىنشا اتقارىلۋى كەرەك.


اۋدارعان: نازار ٴارىپ ۇلى