1-قازان التىن اپتالىعىنان بۇرىن مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسى ارزانداتىلادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 16:29:00



    ٴوز حابارىمىز: مەملەكەتتىك دامۋ-رەفورما كوميتەتى تاياۋدا مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىن ٴتۇسىرۋ جونىندە قىزمەت ٴماجىلىسىن اشىپ، جەر-جەردەن جاۋاپكەرشىلىك تانىمدى، شۇعىلدىق تانىمدى شىنايى كۇشەيتىپ، مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىن ٴتۇسىرۋ قىزمەتىن ناقتى تياناقتاندىرۋعا كۇش سالا كىرىسىپ، بيىلعى «1-قازان» التىن اپتالىعىنان بۇرىن مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىن ٴتۇسىرۋ قىزمەتىندە كورنەكتى ونىمدىلىككە قول جەتكىزۋدى تالاپ ەتتى.


    ماجىلىستە مىنالار تالاپ ەتىلدى: جەر-جەر تانىمدى جوعارىلاتىپ، جاۋاپكەرشىلىكتى كۇشەيتۋى، جەرلىك ۇكىمەتتەر مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىن تۇسىرۋدە تۇلعالىق جاۋاپكەرلىكتى ارقالاۋى، ولكە دارەجەلى باعا باسقارۋ تاراۋلارى جاۋاپكەرلىكتى باتىل ارقالاپ، سانالىلىقپەن باستاماشى بولۋى كەرەك؛ سونىمەن بىرگە، ونىمدىلىككە كەپىلدىك ەتىپ، باعانى ٴتۇسىرۋدىڭ كومەسكى مۇمكىندىگىن بارىنشا اشۋ ٴتيس، اۋىردىڭ ۇستىمەن، جەڭىلدىڭ استىمەن جۇرۋگە، فورماشىلدىق ىستەۋگە، نەمقۇرايدى قاراپ، قول ٴۇشى ىستەۋگە، باعانى كورىنىستە تۇسىرگەنسىپ، كومەسكىدە جوعارىلاتۋعا استە بولمايدى.


    بيىل 6-ايدا، مەملەكەتتىك دامۋ-رەفورما كوميتەتى باسىپ تاراتقان «مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىنىڭ قالىپتاسۋ مەحانيزمىن كەمەلدەندىرىپ، مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىن ٴتۇسىرۋ جونىندەگى جەتەكشى پىكىردە» دە بۇل جونىندە ايقىن بەلگىلەمە جاسالىپ، جەر-جەردىڭ ەسىك بەلەت باعاسىن تۇسىرۋمەن بىرگە، كورىنىس رايونى ىشىندەگى قاتىناس-تاسىمال قاتارلى باسقادا ساياحاتتاۋعا قىزمەت وتەۋ تۇرلەرىنىڭ باعاسىن وسىرۋىنە، ساياحاتشىلاردىڭ اۋىرتپالىعىن ٴتۇسىن وزگەرتىپ ارتتىرۋىنا بولمايدى،- دەپ تالاپ ەتىلدى.


    ساياحات ىستەرى مامانى، بەيجيڭ شەتەل تىلدەر ۋەنيۆەرسيتەتى مادەنيەت جاسامپازدىعى كاسىبىن زەرتتەۋ ورتالىعىنىڭ زەرتتەرمەنى ليۋ سىمين بىلاي دەدى: ساياحاتشىلاردىڭ الاڭىنا قاراتا، باعا باسقارۋ تاراۋلارى كورىنىس رايونىنداعى باعا جاعدايىن باقىلاپ-باسقارۋدى ۇنەمىلىككە اينالدىرۋى كەرەك. وسى ماسەلەگە مەڭزەس، ٴار دارەجەلى ۇكىمەتتەرمەن ورتالىقتىڭ فۋنكتسيالىق تاراۋلارى مەملەكەت يەلىگىندەگى ٴتۇيىندى كورىنىس رايوندارىنىڭ ەسىك بەلەت باعاسىن باقىلاپ-باسقارۋ تەبىنىن كۇشەيتىپ، اسىرەسە «بەلەتكە ۇستەمە باعا قوسۋ» سياقتى باعانى كورىنىستە تۇسىرگەنسىپ، كومەسكىدە جوعارىلاتاتىن جايتتەردى تەكسەرىپ ٴبىر جايلى ەتۋ تەبىنىن ارتتىرىپ، زاڭ اتقارۋ قىزمەتىن ۇنەمىلىككە اينالدىرعاندا عانا، باعانى ارزانداتۋدىڭ تيىمدىلىگىن شىنايى تياناقتاندىرۋعا بولادى.

اۋدارعان: گۇلنۇر قابىلقاق قىزى