«ورتالىق راديو-تەلەۆيزيا باس ستانسياسى مەن بۇگىنگى رەسەي حالىقارالىق حابار اگەنتتىگىنىڭ حالقارالىق سەلبەستىك كەلىسىمى» جاسالدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 17:03:00


    ٴوز حابارىمىز: 9-ايدىڭ 11-كۇنى جۇڭگونىڭ مەملەكەت ٴتوراعاسى شي جينپيڭ مەن رەسەيدىڭ پرەزيدەنتى پۋتيننىڭ بىرلىكتە كۋا بولۋىندا ورتالىق راديو-تەلەۆيزيا باس ىستانسياسىنىڭ باستىعى شىن حايشيوڭ مەن بۇگىنگى رەسەي حالقارالىق حابار اگەنتتىگىنىڭ باستىعى كيەسيلەۆ رەسەيدىڭ قيىر شىعىستاعى ۆلاديوستوك قالاسىندا «ورتالىق راديو-تەلەۆيزيا باس ستانسياسى مەن بۇگىنگى رەسەي حالقارالىق حابار اگەنتتىگىنىڭ حالقارالىق سەلبەستىك كەلىسىمىنە» قول قويدى.


    كەلىسىمگە ساي ەكى جاق احپارات اۋىسۋ، بىرلەسىپ حابارلاۋ جانە سەلبەسىپ تاراتۋ قاتارلى جاقتاردان ناقتى سەلبەستىك جاساپ، ەكى جاقتىڭ ادامزات مادەنيەتى، ەكونوميكا، ىسپورت قاتارلى سالاسىن كەڭىنەن حابارلاپ، احپارات شوعىرىن ەسەلەپ، ەكى ەل حالقىنىڭ كوڭىل كۇيىن توعىستىرادى.


    كەلىسىمدە بىلاي دەپ كورسەتىلدى: ورتالىق راديو-تەلەۆيزيا باس ىستانسياسى مەن بۇگىنگى رەسەي حالقارالىق حابار اگەنتتىگى الدا حابار كىليەنتى، الەۋمەتتىك مەديا سونداي-اق ەنتەرنەت قاتارلى جاڭا مەديا سالالسىندا ٴۇرتىس سەلبەسىپ، جۇڭگو مەن رەسەيدىڭ جىلجىمالى مەديا مىنبەرى ”جۇڭگو-رەسەي تاقىرىپتىق“ كىليەنتىن اناعۇرلىم ىشكەرلەي تياناقتاندىرىپ، حالقارالىق ساراپشىلار قىزمەت گرۋپپاسىن بىرلەسىپ جاساقتاپ، ايگىلى ساراپتامالىق بەرىلىم جاساۋ. بۇدان تىس ەكى جاق جۇڭگو-رەسەي دوستىعى، بەيبىتشىلىك پەن دامۋ كوميتەتى مەديا كەڭەسى جۇلگەسىندە سەلبەستىكتى ۇزدىكسىز نىعايتۋ.


    ورتالىق راديو-تەلەيزيا باس ىستانسياسى بيىل 4-ايدا قۇرىلعاننان بەرى بۇگىنگى رەسەي حالقارالىق حابار اگەنتتىگى، بۇكىل رەسەي تەلە-راديو باس سەرىكتىگى، رەسەي گازەتحاناسى، RT تەلەۆيزياسى، تاسس اگەنتتىگى، رەسەي سىبەريا مەديا توبى قاتارلى رەسەيدىڭ ورتالىق جانە جەرلىك مەدياسىمەن كوپ ساتىلى سەلبەستىك ورىستەتتى.

اۋدارعان: بالاپان ٴارىپجان ۇلى