جەر-جەر وزىندىك قۇندى تومەندەتۋ شاراسىن جەدەلدەتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-12 17:04:00

 

    شينحۋا اگەنتتىگىنىڭ حابارى: مەملەكەتتىك دامۋ رەفورما كوميتەتى تاياۋدا بىلاي دەدى: سوڭعى جارىم جىلدا وزىندىك قۇندى تومەندەتۋ ساياساستىنىڭ تياناقتانۋ تەبىنى ونان ارى كۇشەيتىلىپ، وزىندىك قۇندى تومەندەتۋدى جەبەۋ قىزمەتى ىشكەرلەي ورىستەتىلەدى. ٴتىلشىنىڭ كوپتەگەن تاراۋلار مەن جەرلىك ۇكىمەتتەردەن ۇعىسۋىنشا قازىر وزىندىك قۇندى تومەندەتۋ ساياساتىن تياناقتاندىرۋ بار كۇشپەن جەبەلىپ، باجىنى ازايتۋ، اقىنى تومەندەتۋ، ەنەرگيا مەن زات اينالىمىنىڭ باعاسىن ارزانداتۋ قاتارلىلار باستى تۇيىنگە اينالعان.


    تانىستىرۋعا قاراعاندا ورتالىق پەن جەرگىلىكتى ٴار دارەجەلى ۇكىمەتتەر بيىلدان بەرى وزىندىك قۇندى تومەندەتۋ جاعىندا ساياساتتىق قولداۋ تەبىنىن كۇشەيتتى. مولشەرىن باعىتتامالى ازايتۋ قاتارلى شارالارمەن كاسىپورىننىڭ قازىنالىق وزىندىك قۇنىن تومەندەتىپ، ساۋدا ٴتۇزىمى رەفورماسىنىڭ وزىندىك قۇندى تومەندەتۋ ٴتۇزىمىن ىشكەرلەتىپ، ەلەكتىر تورابى بۋىندارىنىڭ اقىسى مەن ەلەكتىردەن پايدالانۋ وزىندىك قۇنىن جۇيەگە ٴتۇسىردى. وسىنداي ساياساتتار ارقىلى بيىل الدىڭعى جارىم جىلدا باجىنى ازايتۋ، اقىنى تومەندەتۋ، نەگىزگى وزىندىك قۇندى، كاسىپورىننىڭ قارجى قۇراۋ وزىندىك قۇنىن، سونداي-اق ٴتۇزىم سيپاتىنداعى ايىرباس وزىندىك قۇنىن تومەندەتۋ جاقتارىندا كورنەكتى ونىمدىلىككە قول جەتكىزدى.

اۋدارعان: بالاپان ٴارىپجان ۇلى