توسىن جاعدايلارعا توتەپ بەرۋدى باسقارۋ مينيسترلىگى قاتارلى ورىندار مۇراجاي جانە مۇرا قۇرىلىستارعا قاراتىلعان ٴورت ٴوشىرۋ حاۋىپسىزدىگىنە كەڭ كولەمدى تەكسەرۋ جۇرگىزەتىن بولدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-09-14 17:04:00

 
    شينحۋا اگەنتتىگىنىڭ حابارى: ٴتىلشىنىڭ 9-ايدىڭ 13-كۇنى توسىن جاعدايلارعا توتەپ بەرۋدى باسقارۋ مينيسترلىگىنەن ۇعىسۋىنشا، توسىن جاعدايعا توتەپ بەرۋدى باسقارۋ مينيسترلىگى، مادەنيەت جانە ساياحات مينيسترلىگى، مەملەكەتتىك مادەني-مۇرا مەكەمەسى مۇراجاي جانە مۇرا قۇرىلىستارعا قاراتىلعان ٴورت ٴوشىرۋ حاۋىپسىزدىگىنە كەڭ كولەمدى تەكسەرۋ جۇرگىزىپ، زاڭعا قايشىٴبىر توپ تيۆتىك ارەكەتتەردى شوعىرلى تەكسەرىپ انىقتاپ، ماسەلەسى اۋىر ٴبىر توپ ورىندى اشىق جاريالاپ ٴبىرجايلى ەتۋگە قۋزاۋ سالدى.


    توسىن جاعدايلارعا توتەپ بەرۋدى باسقارۋ مينيسترلىگى پارتگرۋپپاسىنىڭ شۋجيى حۋاڭ ميڭ بىلاي دەدى: كەزەكتە ەلىمىزدىڭ مادەني مۇرالارىنىڭ حاۋىپسىزدىك جاعدايى تۇلعالىق جاقتان ورنىقتى، الايدا ٴبىرقانشا مۇراجاي ورىندارىندا حاۋىپسىزدىك تانىمى كۇشتى بولماۋ، حاۋىپسىزدىكتى باسقارۋى قاتاڭ بولماۋ، ٴورت ٴوشىرۋ قۇرىلعىلارى جەتكىلىكتى بولماۋ، توسىن جاعدايلارعا توتەپ بەرۋ قۋاتى ٴالسىز بولۋ سىندى ماسەلەلەر ٴومىر سۇرەۋدە، سوندىقتان ٴورت اپاتىنان ساقتانۋ قىسىمى ٴالى دە اۋىر دەۋگە بولادى. ٴارقايسى رايون، قاتىستى تاراۋلار جانە ورىندار حاۋىپسىزدىكتى باستان -اياق باستى ورىنعا قويىپ، مۇراجايلار مەن مۇرا قۇرىلىستارىندا ٴورت اپاتىنىڭ تۋىلۋىن ٴونىمدى تەجەپ، تاريحي مادەني مۇرالاردى ۇرپاقتان ۇرپاققا جالعاستىرۋعا كەپىلدىك ەتۋ كەرك. ۇعىسۋعا قاراعاندا، قازىرگە دەيىن ەلىمىزدە تىزىمگە الىنعان مۇراجاي سانى 5 مىڭعا، بۇكى ەل كولەمىندەگى قورعالاتىن ٴتۇرلى مادەني مۇرا ورنى 50 مىڭعا جەتەدى.

اۋدارعان: نازار ٴارىپ ۇلى