نەگىزگى كورسەتكىشتەر: ەلىمىز شارۋاشىلىعىنىڭ تۇلعالىق جاقتان ورنىقتى ارتۋ ارىنىندا وزگەرىس جوق ەكەندىگىن-كورسەتتى
كەلۋقاينارى: |جاۋاپتى رەداكتور: | جاڭالانعان ۋاقىت:2018-10-09 09:49:00

 

    ٴوز حابارىمىز: مەملەكەتتىك دامۋ رەفورما كوميتەتى مەڭگەرۋشىسىنىڭ ورىنباسارى، مەملەكەتتىك ساناق مەكەمەسىنىڭ باستىعى نيڭ جي جى جۋىردا بىلاي دەدى: كەزەكتە ەل ىشى سىرتىندا شارۋاشىلىق اۋقىمى ٴبىر شاما كۇردەلى بولعانىمەن، ەلىمىزدىڭ شارۋاشىلىق اينالىمىندا جالپى جاقتان ورنىقتى بولعان، ورنىقتىلىقپەن ىلگەرلەگەن جانە ورنىقتىلىقپەن جاقسى باعىتتا دامىعان ٴۇردىس ساقتالعان. جۇڭگو مەن ا ق ش تىڭ شارۋاشىلىق ساۋدا قاقتىعىسى ەلىمىز شارۋاشىلىعىنىڭ اينالىمىنا ىقپال جاساپ وتىرعانىمەن، نەگىزىنەن مەڭگەرۋ كولەمىنىڭ ىشىندە.

 

نيڭ جي جى بىلاي دەدى: 1-ايدان 8-ايعا دەيىنگى شارۋاشىلىق كورسەتكىشىنىڭ جالپى احۋالىنان قاراعاندا، ەلىمىزدىڭ شارۋاشىلىق اينالىمىندا جالپى جاقتان ورنىقتى بولعان، ورنىقتىلىقپەن ىلگەرلەگەن جانە ورنىقتىلىقپەن جاقسى باعىتتا دامىعان ٴۇردىس ساقتالعان. 1-ايدان 8-ايعا دەيىن، ەلىمىزدىڭ قالا-قالاشىقتارىندا جاڭادان كاسىپتەنگەندەر سانى 9 ميلليون 900 مىڭ ادامعا جەتىپ، تۇرعىنداردىڭ تۇتىنۋ باعا كورسەتكىشى %2 ارتتى. اي ٴولاراسىندا ارتۋ جانە تومەندەۋ جاعدايى تەڭ كورىنگەنىمەن، ورتاشا ەسەپپەن %2 توڭىرەگىندە بولدى. بۇل جىل باسىندا العا قويىلعان تۇرعىنداردىڭ تۇتىنۋ باعا ورەسىن %3 تىك ارتۋ مولشەرىنە جەتكىزۋ نىساناسىنان ٴالى دە تومەن.

 

نيڭ جي جى بىلاي دەپ قارادى: ەلىمىزدىڭ شارۋاشىلىق قۇرىلىمى اناعۇرلىم رەتتەلىپ ساپالاندى ٴارى ەكونوميكالىق ونىمدىلىگى جوعارىلادى. مەن جۇڭگو شارۋاشىلىعىندا سەرپىمدىلىك جانە حاۋپ-قاتەرگە توتەپ بەرەتىن قىمباتتى ٴادىس-تاجريبەلەر بار. تۇتاس جىلداعى شارۋاشىلىق دامۋىنىڭ نەگىزگى مەجە نىساناسىن ورىنداۋ مۇمكىندىگى زور. -دەپ قارايمىن ماسەلەن: شارۋاشىلىقتىڭ مەجەلى ارتۋ ورەسىن %6.5 اينالاسىندا ساقتاۋ نىساناسى ورىندالۋ مۇمكىندىگى بار.

 

نيڭ جي جى بىلاي دەدى: جۇڭگو مەن ا ق ش تىڭ شارۋاشىلىق ساۋدا قاقتىعىسى ەلىمىز شارۋاشىلىعىنىڭ اينالىمىنا ىقپال جاساپ وتىرعانىمەن، نەگىزىنەن مەڭگەرۋ كولەمىنىڭ ىشىندە. تۇلعالىق جاقتان الىپ قاراعاندا، قازىر ەلىمىزدىڭ ونەركاسىپ، اۋىلشارۋاشىلىق ونىمدەرىنىڭ قامداۋ قاجەتسىنۋ ورەسى تەپە تەڭدىكتى ساقتاپ، قىزمەت وتەۋ كاسىبىمەن قامداۋ قابىلەتى بارىنشا جوعارىلاعان. ٴبىز قامداۋ قاجەتسىنۋ جاعىنداعى وسى تەڭدىكتى ساقتاساق، جۇڭگو مەن ا ق ش تىڭ ساۋدا قاقتىعىسىنان تۋىنداعان ايىرىم توۆارلاردىڭ باعا تولقۋى باعانىڭ جالپى بەتتىك وسۋىنە اپارىپ سوعا المايدى.

 

نيڭ جي جى بىلاي دەدى: كەلەر قادامدا جۇڭگو كاسپورىنداردىڭ اۋرىتپالىعىن جەڭىلدەتۋگە دەن قويىپ، كاسىپتەنۋ جانە قايتالاي كاسىپتەنۋ ارناسىن، ەل ىشىندەگى سۇرانىستى، رەفورما جاساپ ەسىك اشۋ كولەمىن، حالقاراداعى كوپ ۇيەكتەنۋ بازار ٴورىسىن بارىنشا كەڭەيتىپ، جۇڭگو شارۋاشىلىعىنىڭ ورنىقتى دامۋىنا قوزعاۋشى كۇش قوسادى.