جۇڭگونىڭ ساپالى تۇتىنۋ ٴداۋىرى كەلىپ جەتتى
كەلۋقاينارى: |جاۋاپتى رەداكتور: | جاڭالانعان ۋاقىت:2018-10-09 18:00:00

 

    ورتالىق تەلەۆيزياسىنىڭ حابارى: جۇڭگو شارۋاشىلىعىن تەكسەرۋدەگى ماڭىزدى تەرەزە رەتىندە، مەملەكەت مەرەكەسىنىڭ «التىن اپتالىعىنداعى» تۇتىنۋدىڭ ساپالانۋى-بۇقارانىڭ شارۋاشىلىقتىڭ بولاشاعىنا بولعان سەنىمىن كورسەتتى. جۇڭگولىقتار ساپانى ٴتىپتى دە باستى ورىنعا قوياتىن، سەزىنۋگە ٴتىپتى دە ٴمان بەرەتىن، دارالىقتى ٴتىپتى دە ايگىلەيتىن ساپالى تۇتىنۋ داۋىرىنە وتۋدە.

 

مەملەكەت مەرەكەسى «التىن اپتالىعىندا»، بەيجيڭدە قالعان شىن بيكەش زەردەلى شاڭ سورعىشقا زاكاز بەرىپ، ٴوزىن ٴۇي جۇمىسىن ىستەۋدەن ازات ەتىپ، بالاسىنىڭ كىتاپ وقىپ، وتباسىنداعىلارمەن شۇيىركەلەسۋىنە كوپ ۋاقىتىن اجىراتقان؛ حۋبەيگە ساياحاتتاي بارعان پىڭ حانىم حۋبەيدەگى مۇراجايدى ارالاپ، حۋاڭحىلۋ عيماراتىنا شىعۋدى مادەنيەت ساپارىنىڭ ماڭىزدى ورنالاستىرۋى ەتتى. ولار مەملەكەت مەرەكەسى «التىن اپتالىعىنداعى» تۇتىنۋ شوعىرىنىڭ ٴبىر-ٴبىر ىقشام كارتيناسى.

 

جۇڭگو مادەنيەت جانە ساياحات مينيسترلىگىنىڭ ساندى مالىمەت وزەگىنىڭ مەجەلۋىنشە، 2018-جىلعى مەملەكەت مەرەكەسى دەمالىسى كەزىندە، جۇڭگونىڭ جەر-جەرى 726 ميلليون ساياحاتشىنى قابىلداپ، ۇقساس مەزگىلدەگىدەن %9.43 ارتقان. ەل ئشى ساياحات كىرىسى 599 ميلليارد 80 ميلليون يۋان بولىپ، ۇقساس مەزگىلدەگىدەن %9.04 ارتقان. شەتەلگە ساياحاتتاۋشىلار سانى 7 ميلليونعا جەتىپ، بەس جىل بويى جۇڭگو شەتەلگە ساياحاتتاپ باراتىنداردى شىعارۋشى ەڭ ئرى ەل بولعان.

 

بۇرىنعى جىلدارمەن سالىستىرعاندا، جۇڭگونىڭ بيىلعى مەملەكەت مەرەكەسى ۇزاق دەمالىسىندا، ناقتى زات تۇتىنۋى بولسىن الدە قىزمەت وتەۋ تۇتىنۋى بولسىن، قاراپايىم تۇتىنۋدى ارتتىرۋ مەن تۇتىنۋدى جانداندىرۋ ساتىسىندا ايالداپ قالمادى، قايتا تۇتىنۋ قۇرىلىمى مەن تۇتىنۋ ۇلگىسىنىڭ جوعارىلاۋىنان دا بەينەلەندى.

 

تۇتىنۋ دارەجەسىنىڭ جوعارىلاۋى-ساپالى ونىمدەر مەن قىزمەت وتەۋدى تىرەك ەتۋگە مۇحتاج. بۇرىن، جۇڭگولىقتار شەتەلگە شىققاندا ەلەكتر توعا، ەڭلىك بۇيىمدار سياقتى تۇرلىشە جوعارى ساپالى تاۋارلاردى ساتىپ الاتىن،مۇنداعى باستى سەبەپ-وتاندىق ونىمدەر جۇرتتىڭ جوعارى ساپالى ونىمدەرگە بولعان قاجەتىن قاناعاتتاندىرا المايتىن. 2015-جىلدان باستاپ جۇڭگو قامداۋدىڭ قوسالقى قۇرىلىمدىق رەفورماسىن كۇشەيتكەننەن بەرى، جۇڭگونىڭ تۇتىنۋ بۇيىمدارىنىڭ كاسىپتىك قۇرىلىمىندا بۇرىلىس جاسالىپ، دارەجەسىن جوعارىلاتۋ ۇزدىكسىز تەزدەدى. اسىرەسە بيىل 7-ايدان باستاپ جۇڭگو 1449 باجى سالاسىنداعى كۇندەلىكتى تۇتىنۋ بۇيىمداردىڭ يمپورت باجىسىن زور مولشەردە تومەندەتكەننەن كەيىن، جۇڭگولىقتاردىڭ جوعارى ساپالى تۇتىنۋعا تالعامى ٴتىپتى دە ارتتى. جۇڭگوداعى كولەمدى ەلەكتروندى ساۋدا تەكشەسىنىڭ ساندى مالىمەتىندە كورسەتىلۋىنشە، بيىل مەملەكەت مەرەكەسى دەمالىسى كەزىندە، جۇڭگولىقتاردىڭ ناقتى زات تۇتىنۋى بارعان سايىن جوعارى دەڭگەيگە، زەيىندەسۋگە جانە دارالىققا وتكەن. ۇلكەن ەكراندى رەڭدى تەلەۆيزور، كىر جۋۋ مەن كەپتىرۋ ٴبىر تۇلعالاندىرىلعان اسپاپ قاتارلى جاڭا تاۋارلاردىڭ ساۋداسى كۇسەت بولعان. زەردەلى اۋدارما قۇرالىنىڭ، زەردەلى شاڭ سورعىشتىڭ، بالالار قۇلتەمىر سەرىگىنىڭ ساتىلۋ مولشەرى ۇقساس مەزگىلدەگىدەن %300 تىڭ ۇستىندە ارتقان.

 

بيىل مەملەكەت مەرەكەسى كەزىندە، ەلىمىزدىڭ جەر-جەرىندەگى مۇراجاي، عىلىم-تەحنيكا سارايى، اسەمونەر سارايى، كىتاپحانا سونداي-اق كينوحانا، تەاترحانا سياقتى الەۋمەتتىك مادەنيەت ورىندارىندا جولاۋشىلار كوپ بولىپ، قىزعىندى كورىنىس رايونىنا اينالعان. بۇل جۇڭگولىقتاردىڭ تۇتىنۋ ساپاسىنىڭ جوعارىلاۋى زاتتىق تاۋارعا تالپىنۋدان ٴتىپتى دە كوپ قىزمەت وتەۋ ونىمدەرىنە بۇرىلىس جاساعاندىعىن، زاتتىق يگىلىكتەنۋدەن رۋحاني مادەنيەت تالپىنسىقا جوعارىلاعاندىعىن تۇسىندىرەدى. بۇل جۇڭگو شارۋاشىلىعىنىڭ جوعارى ساپالى دامۋىنا تىڭ سەرپىن سيلادى.

 

الدا جۇڭگو ٴتىپتى دە كوپ تيمدىلىكتەردى اتقارادى. 11-ايدىڭ 1-كۇنىنەن باستاپ، جۇڭگو 1585 باجى سالاسىنا باجىنى تومەندەتۋدى اتقارادى،بۇل كاسىپورىن وندىرىسىنە جانە بۇقارانىڭ تۇرمىسىنا قاجەتتى كوپتەگەن تاۋارلاردى قامتيدى. 11-ايدىڭ 5-كۇنى، جۇڭگوداعى تۇڭعىش حالىقارالىق يمپورت كورمەسى شاڭحايدا بولىپ، مەجەمەن 130 مەملەكەت پەن رايوننان 150 مىڭنان استام ساۋداگەر كورمەگە قاتىناسادى. سول ساتتە، جۇڭگو ۇكىمەتى اقىنى تومەندەتىپ، باجىنى جەڭىلدەتۋدەگى جاڭا كەزەكتى جوسپاردى جوبالايدى. بۇلار جۇڭگولىقتاردىڭ كوركەم تۇرمىسقا تالپىنىپ، جاڭا ٴورىس اشۋعا جانە جۇڭگو شارۋاشىلىعىن جوعارى ساپادا دامىتۋعا تىڭ كۇش قوساتىندىعى داۋسىز. ٴبىر ميلليارد 400 ميلليونعا جۋىق جان سانى، 400 ميلليونداي ورتاشا كىرىستەگى شوعىرى بار الىپ بازاردا مەيلى كىم بولسىن مۇنان ەشكىم قاعىس قالمايدى.