جۇڭگو حالىقارالىق يمپورت كورمەسىنە جاپونيا كاسىپورىندارى بەلسەنە قاتىناستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-11-09 09:54:00


    ٴوز حابارىمىز: تۇڭعىش كەزەكتى جۇڭگو حالىقارالىق يمپورت كورمەسىنە جاپونيانىڭ 450 كاسىپورنى قاتىناستى. ٴارقايسى ەل مەن رايوندار ىشىندە جاپونيانىڭ كورمەگە قاتىناسقان كاسىپورنى ەڭ كوپ، كورمە كولەمى دە ەڭ ۇلكەن بولدى. جاپونيا جۇڭگونىڭ ەسىكتى ايقارا اشۋىنا ىلەسە تيجارات ساۋدا ورتاسىن جاقسارتىپ،جاپونيا كاسىپورىندارىنىڭ جۇڭگو بازارىندا ٴتىپتى دە كوپ ورايعا يە بولۋىن ٴۇمىت ەتۋدە.


    كەزەكتى يمپورت كورمەسىندە جاپونيا كاسىپورىندارى ونىمدەرىن جىڭىشكەلىكپەن سارالاۋدان وتكىزدى، جۇڭگودا ەرتە كەزدە قارجى قوسىپ زاۋات سالعان بايىرعى تانىمال كاسىپورىندار دا ٴوزدەرىنىڭ ەڭ وزىق جاڭا ونىمدەرىن كورمەگە قويدى، تويوتا اۆتوكولىك كاسىبىن نەگىز ەتكەن جاپونيا كاسىپورىندارىنىڭ جاڭا ونىمدەرى مەن تەحنيكاسى تۇتاس اۆتوكولىك كاسىپورىن كورمە سالىستىرماسىنىڭ %45 تىن ۇستادى. تويوتا اۆتوكولىك جۇڭگو قارجىلاندىرۋ شەكتى سەرىكتىگىنىڭ باس القاسى شياۋلين يى حۇڭ بىلاي دەدى، كورمەگە قاتىناسۋعا وسىنشاما كوپ كۇش شىعارۋىمىزداعى سەبەپ وسى رەتكى يمپورت كورمەسى ارقىلى ەلەكترلەندىرۋ، زەردەلەندىرۋ، توراپتاندىرۋ سالاسىنداعى تەحنيكا مەن ونىمدەردى سونداي-اق بولاشاق قوعامداعى ناقتىلى جوبالاردى جۇڭگو تۇتىنۋشىلارىنا كورسەتىپ، جۇڭگو قوعامىنا ۇلەس قوسىپ، جۇڭگو قوعامىمەن بىرلىكتە دامۋدى كوزدەۋ بولىپ تابىلادى.

اۋدارعان: كۇلان ىرىسباي قىزى