جۇڭگو حالىق بانكەسىنىڭ باستىعى جاڭا جىلداعى قىزمەتتەرگە ورنالاستىرۋ جاسادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-10 10:55:00

 

    ٴوز حابارىمىز: ورتالىقتىڭ شارۋاشىلىق قىزمەتى ماجىلىسىندە مىنالار اتاپ كورسەتىلدى: 2019-جىلى، شارۋاشىلىقتىڭ قۇلدىراۋ قىسىمى ارتادى، شارۋاشىلىقتىڭ ۇيلەسىمدى دەڭگەيدەگى اينالىمىن قالاي ساقتاۋ، شارۋاشىلىقتىڭ جوعارى ساپادا دامۋىن جەبەۋ ٴۇشىن قاتىستى ٴارقايسى تاراۋلار قانداي ناقتىلى شارالار قولدانادى؟-دەگەن سۇراۋلارعا جاۋاپ تابۋ ٴۇشىن ٴتىلشىمىز تاياۋدا جۇڭگو حالىق بانكەسىنىڭ باستىعى ي گاڭعا تىلشىلىك جاسادى.

 

جاڭا جىل باستالعاندا، ورتالىق بانكە 1-ايدىڭ 15-كۇنىنەن باستاپ امانات دايىندىق اقشا مولشەرىن 1 پايز تومەندەتىپ، 1 تريلليون 500 ميلليارد يۋان ازىرلەۋدى جاريالادى. ي گاڭ تانىستىرىپ بىلاي دەدى: قارىز اقشا مولشەرىنىڭ جوعارىلاۋى ساعىم بانكە ىستەرىنىڭ ازايۋىنان تۋىنداعان قىسىپ ۇستاۋ ونىمدىلىگىن پارمەندى باسەيتىپ، ماكرولىق ساياساتتىڭ كەرى پەريوتتى تەڭشەۋىن كۇشەيتۋدەگى جەتەكشى يدەيانى ايگىلەدى.

 

ورنىقتى اقشا ساياساتىن قايتكەندە سان مىڭداعان بازار تۇلعالارىنا ٴونىمدى جەتكىزۋگە بولادى؟- دەگەن سوۋالعا ي گاڭ بىلاي دەپ جاۋاپ بەردى: جۇڭگو حالىق بانكەسى كەلەر ساتىدا مەملەكەتتىڭ قاتىستى تاراۋلارىنا سايكەسىپ، بىرلىكتە كۇش سالىپ، بانكەلەردى شابىتتاندىرۋ مەحانيزمىن ورناتىپ، ولاردىڭ ناقتى شارۋاشىلىقتى قولداۋ تەبىنىن ىرىقتى ارتتىرىپ، اقشا ساياساتىن جالپىلاستىرۋ مەحانيزمىن ىركىلىسسىزدەندىرەدى.

 

ول تاعى مىنالاردى اتاپ كورسەتتى: فينانس حاۋىپ-قاتەرلەرىنەن ساقتانۋ جانە ٴبىرجايلى ەتۋ قامداۋ قۇرىلىمدىق رەفورماسىنا قىزمەت وتەيدى دەگەن جەلىگە تاباندى بولىپ، ٴىرى حاۋىپ-قاتەرلەردەن ساقتانۋ جانە ٴبىرجايلى ەتۋدەگى قامال الۋ شايقاسىن ايتارلىقتاي جۇرگىزىپ، ماكرولىق سۇيمەندىك مولشەردى ورنىقتىرۋ ٴتيىس. سۇيمەندىك مولشەردەن قۇرىلىمدىق ارىلتۋداي نەگىزگى وي جەلىسىنە تاباندى بولىپ، جەرلىك ۇكىمەتتەردىڭ قارىز قاتەرىن ورنىقتى ٴبىرجايلى ەتىپ، ٴوندىرىس قۋاتىن، قارىز اقشانى جانە مەشەۋ كاسىپورىنداردى جالعاستى تەڭشەپ، ٴبىرجايلى ەتۋ ٴتيىس.