ەلىمىزدىڭ زەرتتەۋ مەن سىناق ەتۋدى دامىتۋ شىعىمىنىڭ ىشكى ٴوندىرىس جالپى ٴونىم قۇنىنداعى سالىستىرماسى %2.15 تى ۇستايدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-10 18:30:00

 

    ٴوز حابارىمىز: عىلىم - تەحنيكا مينسترى ۋاڭ جى گاڭ وسى ايدىڭ 9 - كۇنى اشىلعان مەملەكەتتىك عىلىم - تەحنيكا قىزمەت ماجىلسىندە بىلاي دەدى : 2018 - جىلى مەملەكەتتىك عىلىم - تەحنيكا سالاسىندا نەگىزگى تەحنيكادان قامال الۋ كۇشەيتىلىپ، جاڭالىق جاراتۋ قابىلەت ورەسى ارتتىرىلىپ، ساياساتتى تياناقتاندىرۋ تەبىنى ۇلعايتىلىپ، جاڭالىق جاراتۋ ەسىك اشۋ سەلبەستىگى تەرەڭدەتىلىپ، قۇرىلىمدىق رەفورما ورنىقتى جەبەلىپ، ستيلگە، ۇيرەنۋ ستيلىنە شىنايى بۇرىلىس جاسالىپ، نەگىزدىك جانە ستراتەگيالىق جوعارى تەحنيكا سالاسىندا ٴىرى جاڭالىق جاراتۋ تابىستارى بەلەڭ بەرىپ، عىلىم - تەحنيكا كۇشى اناعۇرلىم ارتىپ، عىلىم - تەحنيكادا جاڭالىق جاراتۋ نەگىزدىك كورسەتكىشتەرى ورنىقتى جوعارىلاپ، جوعارى ساپالى دامۋدى قولداۋدا تىڭ ناتيجەلەر قولعا كەلدى.

 

عىلىم - تەحنيكا مينسترلىگىنىڭ ساندى مالىمەتىندە كورسەتىلۋىنشە، 2018 - جىلى بۇكىل قوعامنىڭ زەرتتەۋ جانە سىناق ەتۋدى دامىتۋ شىعىمىنىڭ ىشكى ٴوندىرىس جالپى ٴونىم قۇنىنداعى سالىسترماسى %2.15 تى ۇستاعان. زەرتتەۋشى قىزمەتكەرلەر جالپى سانى 4 ميلليون 180 مىڭ ادامعا جەتىپ، دۇنيە بويىنشا ٴبىرىنشى ورىندى ۇستادى. حالىقارالىق عىلىم - تەحنيكا ديسسەرتاتسياسىنىڭ جالپى مولشەرى مەن قولدانىلۋ رەت سانى جاعىنان بۇكىل دۇنيە بويىنشا ەكىنشى ورىندى يەلەدى؛ پاتەنت ۇقىعىن ٴوتنىش ەتۋ سانى مەن ۇقىق بەرۋ مولشەرى جاعىنان بۇكىل دۇنيە بويىنشا الدىڭعى ورىندى ۇستادى. جوعارى، جاڭا تەحنيكالى كاسىبورىندار سانى 181 مىڭعا جەتتى. عىلىم - تەحنيكا العا باسارلىعىنىڭ ۇلەس مولشەرى %58.5 تەن اسىپ، مەملەكەتتىڭ ۋنيۆەرسال جاڭالىق جاراتۋ قابىلەتى دۇنيە ٴجۇزى بويىنشا 17 - ورىنعا شىقتى.