2019 - جىلعى زات باعاسىنىڭ جاعدايى قالاي بولادى؟
كەلۋقاينارى: |جاۋاپتى رەداكتور: | جاڭالانعان ۋاقىت:2019-01-10 18:30:00

 

    ٴوز حابارىمىز: ساۋدا ىستەر مينسترلىگىنىڭ مەجەسىنە قاراعاندا، 2018 - جىلى 12 - ايدىڭ 31 - كۇنىنەن 2019 - جىلى 1 - ايدىڭ 6 - كۇنىنە دەيىن، 30 ٴتۇرلى كوكتاتتىڭ تولايىم باعاسى الدىڭعى اپتاداعىدان %1.7 قىمباتتاپ، سۋ ونىمدەرىنىڭ تولايىم باعاسى ٴسال جوعارىلاىپ، استىق ٴونىمىنىڭ تولايىم ساتۋ باعاسى از مولشەردە قىمباتتاپ، ازىقتىققا ىستەتىلەتىن ماي مەن ەت ونىمدەرىنىڭ تولايىم ساتۋ باعاسىندا ٴسال تولقۋ تۋىلىپ، قۇس ونىمدەرىنىڭ تولايىم ساتۋ باعاسى ٴسال ارزانداعان.

 

بيجيڭ ۋنيۆەرسيتەتى ەكونوميكا ينستيتۋتىنىڭ پروفەسسورى ساۋ حى پيڭ تىلشىگە بىلاي دەدى : الدا زات باعاسىندا زور كولەمدى ارزانداۋ جاعدايى تۋىلمايدى. بيىل 1 -، 2 - ايلاردا زات باعاسىنىڭ قىمباتتاۋى %2 اينالاسىندا بولىپ، 3 - ايدا نەگىزدىك قۇرىلىس سياقتى فاكتورلاردىڭ ىقپالىنان زات باعاسى قىمباتتايدى نەمەسە جوعارىداعى ورەنى ساقتايدى.

 

قاتىناس بانكەسىنىڭ باس ەكونوميسى ليان پيڭ بىلاي دەدى : حالىقارالىق مۇناي جانە ٴىرى توۆار باعاسى ارزانداپ، اقشانىڭ قۇنسىزدانۋ قىسىمى از بولادى ؛ قارجى قوسۋ قاجەتى مەن تۇتىنۋ قاجەتى از بولىپ، زات باعاسىنىڭ قىمباتتاۋىندا رولى كۇشتى بولمايدى ؛ 2019 - جىلى زات باعاسىنىڭ زور مولشەردە قىمباتتاۋ مۇمكىنشىلىگى تومەن بولىپ، بۇكىل جىلداعى تۇرعىنداردىڭ تۇتىنۋ باعا كورسەتكىشىنىڭ ارتۋى %1.8 اينالاسىندا بولۋى مۇمكىن.