كوكتەم مەرەكەسىندە نەگىزگى ساتىنى ارالاۋ-جاسىل تاۋ، تۇنىق وزەن بويىنداعى «اۋىل-قىستاق اجارلاندىرۋشىسى»
كەلۋقاينارى: |جاۋاپتى رەداكتور: | جاڭالانعان ۋاقىت:2019-02-11 16:29:00

 

    ٴوز حابارىمىز: انحۇي ولكەسى گۋاڭدى اۋدانىنىڭ وڭتۇستىگىندەگى لۋحۋ كولىنىڭ جالپى كولەمى 5 شارشى كيلومەتر بولىپ، گۋاڭدى اۋدان قالاشىعىنىڭ نەگىزگى اۋىز سۋ قاينارى، كول سۋىنىڭ ەكولوگيالىق ورتاسى قورعاۋعا مۇحتاج. توعىز جىلدان بەرى، لۋحۋ كولىنىڭ جاعاسىنداعى قوقىر-قوقسىق تەرۋشى قاريا تان شيانگۇي نەشە ٴجۇز مىڭ ادامنىڭ اۋىز سۋ حاۋىپسىزدىگىنە قاتىستى «ۇلكەن سۋ كۇبىسىن» مىندەتتى تۇردە قورعاپ كەلەدى. ٴار جىلى كوكتەم مەرەكەسى كەزىندە، سىرتقا شىعىپ جۇمىس ىزدەپ اۋىلىنا ورالعان كەزدە، تان شيانگۇي ٴتىپتى دە قاربالاس بولادى.

 

تاڭعى ساعات التىدا كوكجيەك ەندى قىلاڭدانا باستاعان ساتتە، تان شيانگۇي ەسىكتى قۇلىپتاپ، قولتىعىنا داعارىن قىسىپ، قىسقىشىن الىپ سىرتقا شىقتى. اۋىلداستار تان شيانگۇيدى «تان كاريا» دەپ اتاعاندى ۇناتادى. 2010-جىلدان باستاپ، تان كاريا جۇمىس بولماعان كەزدەردە ٴار كۇنى لۋحۋ كولىن جاعالاپ، قوقىر-قوقسىق تەرەدى. العاشىندا اۋىلداستار ونى: اقشا تابۋ ٴۇشىن قوقىر-قوقسىق تەرىپ ٴجۇر،-دەپ ويلايتىن. ۋاقىت ۇزارا كەلە ونىڭ اقشاعا جارامايتىن قوقىر-قوقسىقتار مەن ورتانى بىلعايتىن ەسكى-قۇسقىنى دا تازالاپ جۇرگەندىگىن بايقايدى.

 

9 جىلدان بەرى، تان كاريا لۋحۋ كولىنىڭ جاعاسىنداعى ٴار بىر قوقسىق ساندىعىنىڭ ورنىنا دەيىن جادىندا جاتتاپ بولدى. اۋىلداستار وزدىكتەرىنەن تان كاريانى قولدادى. قىستاق تۇرعىندارى: بۇرىن قوقىر-قوقسىقتى قاقپانىڭ الدىنا تاستاي سالاتىنبىز، قازىر بۇدان ىڭعايسىزدانىپ، قوقسىقتى تابيعي تۇردە تۇرگە ٴبولىپ تاستايتىن بولدىق. قازىر قوقىر-قوقسىق كوزگە شالىنبايتىن بولدى،-دەدى.

 

2013-جىلى قىركۇيەك ايىندا، تان شيانگۇي «جۇڭگوداعى ىزگى نيەتتى جاندار» بولىپ باعالاندى، گۋاڭدى اۋداندىق ۇكىمەت ونى لۋحۋ كولىنىڭ ماڭىن تازالاۋعا ارنايى ورنالاستىردى. تان شيانگۇي: قازىر ۇكىمەت ورتانى قورعاۋ تەبىنىن ۇزدىكسىز ارتتىردى. دەنساۋلىعىم جار بەرسە، لۋحۋ كولىنىڭ ورتاسىن قورعاۋدى جالعاستىرامىن،-دەيدى.