ەل نازارىنداعى ەكى ءماجىلىس: ەلىمىزدە ازىق ـ تۇلىك، ءدارى دارمەك قاتارلى ءتۇيىندى سالالار قاتاڭ باقىلاپ باسقارىلادى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-12 17:31:00

شينحۋا اگەنتتىگىنىڭ حابارى. 3 ـ ايدڭ 11 ـ كۇنى وتكىزىلگەن 13 ـ كەزەكتى مەملەكەتتىك حالىق قۇرىلتايىنىڭ تىلشىلەر ماجىلىسىندە مەملەكەتتىك بازار باقىلاپ باسقارۋ باس مەكەمەسى مەن مەملەكەتتىك ءدارى دارمەك باقىلاۋپ باسقارۋ مەكەمەسى بۇقارا كوڭىل بولەتىن ازىق تۇلىك حاۋىپسىزدىگى، جالعاندىق پەن ساپاسىزدىق، قۋاتتاندىرعىش ازىقتار بازارىنداعى بىلىقپالىق، ءدارى دارمەك حاۋىپسىزدىگى قاتارلى ماسەلەلەرگە اڭىس قايتاردى.


كەزەكتە ازىق - تۇلىك حاۋىپسىزدىگىندە ورىن تەۋىپ وتىرعان اۋىل شارۋاشىلىق دارىلەر جانە مال دارىلەر قالدىقتارى ولشەمنەن اسىپ كەتۋ، ميكرو ورگانيزمدەر مەن اۋىر مەتالدار بىلعانىشى، ازىق - تۇلىك قوسپالارىنىڭ ىستەتىلۋى ارناعا تۇسپەۋ، جالعان بۇيىمداردى جاساۋ، ساتۋ ۇنەمى تۋىلىپ تۇرۋ قاتارلى ماسەلەلەرگە قاراتا، مەملەكەتتىك بازار باقىلاپ - باسقارۋ باس مەكەمەسىنىڭ قاتىستى جاۋاپتىسى بىلاي دەدى : بازار باقىلاپ - باسقارۋ باس مەكەمەسى قۇرىلعاننان بەرى، بۇل قىزمەت ماڭىزدى ورىنعا قويىلدى. باس شۋجي شي جينپيڭ ورتاعا قويعان ازىق - تۇلىك حاۋىپسىزدىگىندە « تورتتە ەڭ قاتاڭ بولۋدى » جۇزەگە اسىرۋتالابى بويىنشا، ەڭ قاتاڭ ولشەم ورناتىلىپ، ەڭ قاتاڭ باقىلاپ باسقارۋ شارالارى اتقارىلىپ، ەڭ قاتاڭ جازا قولدانىلىپ، ەڭ قاتاڭ جاۋاپكەرلىك قۋزالىپ، جەرلىك ۇكىمەتتەرگە قويىلعان جاۋاپكەرلىك كۇشيتىلە ءتۇستى.


ۆاكسينا باقىلاپ ـ باسقارۋدىڭ ءونىمدى مەحانيزمىن ورناتۋدى قالاي ىلگەرىلەتۋ جونىندە مەملەكەتتىك ءدارى ـ دارمەك باقىلاپ ـ باسقارۋ مەكەمەسىنىڭ باستىعى جياۋ حۇڭ بىلاي دەدى : مەملەكەتتىك حالىق قۇرىلتايى تۇراقتى كوميتەتىنىڭ العاشقى قاراۋىنان وتكەن، سونداي ـ اق قوعامنان اشىق پىكىر العان «ۆاكسينا باسقارۋ زاڭ جوباسىندا» ۆاكسينانىڭ ستراتەگيالىق جانە الەۋمەتتىك سيپاتقا يە ەكەندىگى ايقىن اتاپ كورسەتىلىپ، كاسىپ سالاسىن دامىتۋ مەن قۇرىلىمدى قايتا قۇرۋعا قولدا جاسالىپ، ۆاكسيناعا باعىتتامالى تۇردە ەڭ قاتاڭ باقىلاپ ـ باسقارۋ جۇرگىزىلدى.


مەملەكەتتىك ءبىلىم مەنشىك ۇقىعى مەكەمەسىنىڭ باستىعى شىن چاڭ ـ يۇي ەلىمىزدىڭ ءبىلىم مەنشىك ۇقىعىنا قول سۇعۋعا جازالاۋ سيپاتىندىق تولەم تولەتۋ ءتۇزىمىن ورناتۋداعى ەڭ جاڭا ىلگەرىلەۋشىلىكتەردى تانىستىرىپ، پاتەنت زاڭىنا 4 ـ رەتكى وزگەرىس ەنگىزۋ قىزمەتىنىڭ بيىل جىل ىشىندە ورىندالۋىنان ءۇمىت بار ەكەندىگىن ايتتى. شىن چاڭيۇي بىلاي دەدى : پاتەنت ۇقىق زاڭىنا وسى رەتكى وزگەرىس ەنگىزۋ، ءبىلىم مەنشىك ۇقىعىنا قول سۇعۋعا جازالاۋ سيپاتىندىق تولەم تولەتۋ ءتۇزىمىن ورناتۋ عىلىم ـ تەحنيكا جەتىستىكتەرىن كادەگە جاراتۋ، تاپقىرلىق ـ جاسامپازدىقتى جەبەۋ جونىنەن كەلەلى ماڭىز الدى.