مەملەكەتتىك حالىق قۇرىلتايىنىڭ ۋاكىلى لۋ بو: وتانشىلدىق رۋحتى ساۋلەلەندىرىپ، از ۇلت رايوندارىنا نازار اۋدارۋ كەرەك، -دەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-14 12:45:00

ۋاكىلدەر، مۇشەلەردىڭ لەبىزدەرى: مەملەكەتتىك حالىق قۇرىلتايىنىڭ ۋاكىلى لۋ بو وتانشىلدىق رۋحتى ساۋلەلەندىرىپ، از ۇلت رايوندارىنا نازار اۋدارۋ كەرەك، -دەدى


ءوز حابارىمىز (ءتىلشى گۇلنيعالي): مەملەكەتتىك ەكى ءماجىلىس كەزىندە مەملەكەتتىك حالىق قۇرىلتايىنىڭ ۋاكىلى، اۋمىن گازەتى مەكەمەسىنىڭ باستىعى لۋ بو بىلاي دەدى: سوڭعى جىلداردان بەرى اۋمىن ەرەكشە رايونى از ۇلتتاردىڭ تۇرمىس، مادەنيەت، وقۋ ـ اعارتۋ جاقتارىمەن اۋىس ـ كۇيىستە توعىسۋدى جالپىلاستىرىپ، اۋمىنداعى ءار سالانىڭ از ۇلت رايوندارىن ىشكەرىلەي تۇسىنۋىنە بەلسەنە دەم بەردى. از ۇلت رايوندارىن ۇگىتتەپ حابارلاۋدى كۇشەيتۋ ارقىلى از ۇلت رايوندارىمەن اۋىس - كۇيىستى جەبەپ، دوستىقتى تەرەڭدەتىپ، مەملەكەتتىڭ دامۋ جاعدايىن يەلەپ، وتاندى، اۋمىندى ءسۇيۋ رۋحىن ساۋلەلەندىرۋ كەرەك. سونىمەن بىرگە، كوپتەگەن اۋمىندىق جانە شەتەلدەگى ساياحاتشىلاردى شينجياڭ، شيزاڭ، ىشكى موڭعۇل، گۇيجوۋ قاتارلى از ۇلت رايوندارىنا ساياحاتتاۋعا باۋرادى.


لۋ بو تانىستىرىپ بىلاي دەدى: اۋمىندىق باۋىرلاستاردا ەجەلدەن وتاندى ءسۇيۋ، اۋمىندى ءسۇيۋ، ەتەنە بولۋ، ءوزارا كومەكتەسۋ سىندى ءداستۇرلى تاماشا ءمورال بار. 2013 - جىلى مەملەكەتتىك ۇلتتىق ىستەر كوميتەتىنىڭ جەتەكشىلىگىندە، ورتالىق حالىق راديو ستانسياسىنىڭ ۇلتتار باعدارلاماسى ورتالىعى، جۇڭگو از ۇلتتاردىڭ شەتەلدەرمەن اۋىس - كۇيىس جاساۋ قوعامى، جۇڭگو جاستار - ورەندەر قور قوعامى جانە اۋمىن اسەمونەر قوعامى بىرلەسىپ وتكىزگەن «كەمپىرقوساق جولى ـ ۇلتتىق جاستار - ورەندەر كوركەمونەر وقۋ - اعارتۋى الەۋمەتتىك يگىلىك ارەكەتى» باستالعاننان بەرى، اۋمىن گازەتى اۋمىنداعى ەڭ ءىرى اقپارات قۇرالدارىنىڭ ءبىرى رەتىندە، اۋمىن كوركەمونەرشىلەرىنىڭ از ۇلت رايوندارىنا ىشكەرىلەي بارىپ ورىستەتكەن كوركەمونەر جاسامپازدىعىنا باسا ءمان بەرىپ جانە ونى حابارلاپ، سۋرەت كورمەسى، تەككە ۇسىنۋ قاتارلى قيمىلدار وتكىزدى. « كەمپىرقوساق جولى» ارناۋلى قور ارقىلى « ءۇمىت ينجەنەرياسى كوڭىلدى اسەمونەر»، «ءۇمىت ينجەنەرياسى كوڭىلدى مۋزيكا» قاتارلى نىسانداردى قۇرۋ، سونداي - اق از ۇلتتار مەن از ۇلت رايوندارىنداعى جاستار مەن ورەندەردىڭ مادەنيەت - كوركەمونەر تاربيەسىن ورىستەتۋىنە باعىتتامالى كومەك بەرۋ اياق الىسىن جان - جاقتىلى حابارلاپ، ءتىپتى دە كوپ اۋمىندىقتاردىڭ از ۇلت رايوندارىنىڭ وقۋ - اعارتۋ، كەدەيلەردى سۇيەمەلدەۋ قاتارلى احۋالدارعا نازار اۋدارۋىنا جانە ونى قولداۋىنا مۇمكىندىك جاسادى.


لۋ بو بىلاي دەدى: الداعى جەردە اۋمىنداعى ءار سالا وتانشىلدىق رۋحتى ۇزدىكسىز ساۋلەلەندىرىپ، باعىتتامالى كومەكتەسۋ، حالىقتىق يگىلىك سياقتى قيمىلداردان پايدالانىپ، ۇگىتتەپ حابارلاۋدى كۇشەيتىپ، اۋمىن ەرەكشە رايونى مەن از ۇلت رايونىن تىعىز ۇشتاستىرادى.