«ەكپىندەي العا باسقان جاڭا ءداۋىر»: مەملەكەتتى زاڭمەن باسقارۋ
كەلۋقاينارى: |جاۋاپتى رەداكتور: | جاڭالانعان ۋاقىت:2019-03-14 12:50:00

ءوز حابارىمىز. زاڭ اتقارۋشىسى قۇدىرەتتى بولعان مەملەكەت قۇدىرەتتەنەدى. كەمەلدى زاڭ ـ مەملەكەتتى باسقارۋدىڭ نەگىزى، ابزال زاڭ مەملەكەتتى ويداعىداي باسقارۋدىڭ العى شارتى. قازىر ەلىمىز «قوس 100 جىلدىق» كۇرەس نىسانانى جۇزەگە اسىرۋدىڭ تاريحي توعىسپالى كەزەڭىندە تۇر، جۇڭگوشا سوتسياليزمگە تاباندى بولۋ جانە ونى دامىتۋ زاڭمەن باسقارۋدى ءتىپتى قاجەت ەتەدى. پارتيانىڭ مەملەكەتتى جاپپاي زاڭمەن باسقارۋ باسشىلىعىن ءتىپتى دە قاجەت ەتەدى.


مەملەكەتتىك حالىق قۇرىلتايىنىڭ ۋاكىلى جوۋ ۋيجيان بىلاي دەدى : مەملەكەتتىك حالىق قۇرىلتايى مەن ونىڭ تۇراقتى كوميتەتى سوتسياليستىك زاڭمەن باسقارىلاتىن مەملەكەت قۇرىلىسىندا اسا ماڭىزدى جاۋاپكەرلىك ارقالايدى. پارتيا ورتالىق كوميتەتىنىڭ پارمەندى باسشىلىعىندا، نەگىزگى زاڭ مەن زاڭداردا جۇكتەلگەن جاۋاپكەرشىلىكتى جالپى بەتتىك ارقالاۋ، زاڭعا وزگەرىس ەنگىزۋ ارقىلى باقىلاۋ قىزمەتىن كۇشەيتۋ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرۋ كەرەك.


پارتيا 18 - قۇرىلتايىنان بەرى، قالىڭ حالىقتىڭ تىلەگىنە ۇيلەسكەن، قالىڭ حالىقتىڭ ۇقىق مۇددەسىن قورعايتىن ابزال زاڭدار ارت ارتىنان جاسالىپ جانە اتقارىلىپ، مەملەكەتتى جاپپاي زاڭمەن باسقارۋدىڭ بەرىك ىرگە تاسى قالاندى.


ازاماتتىق ىستەر زاڭى «قوعامدىق ءومىردىڭ ەنتسيكلوپەدياسى» دەپ اتالادى. زاڭ شىعارۋ جوباسى بويىنشا، 2020 - جىلى، ياعني جاپپاي دوڭگەلەك داۋلەتتى قوعام قۇرىلعان كەزدە، ازاماتتىق ىستەر زاڭى قۇراستىرىلىپ بولادى. مەملەكەتتىك حالىق قۇرىلتايىنىڭ ۋاكىلى فىڭ فان بىلاي دەدى : زاڭمەن باسقارۋ ـ ەڭ جاقسى تيجارات ـ ساۋدا ورتاسى ەسەپتەلەدى، بۇدان بىلاي زاڭمەن باسقارۋ ويلامى، زاڭمەن باسقارۋ تانىمى، زاڭمەن باسقارۋ جۇيەسى ارقىلى ەكونوميكانىڭ دامۋىن ىلگەرىلەتىپ، حالىق تۇرمىسىنا، قوعامعا ءتىپتى دە ويداعىداي قىزمەت ەتۋدى ءۇمىت ەتەمىن.


باس شۋجي شي جينپيڭ بىلاي دەپ باسا دارىپتەدى : ءار دارەجەلى باسشى كادرلار مەملەكەتتى زاڭمەن باسقارۋدى ىلگەرىلەتۋ جاعىندا ماڭىزدى جاۋاپكەرشىلىك ارقالاپ وتىر، مەملەكەتتى جاپپاي زاڭمەن باسقارۋدا، ءسوز جوق، باسشى كادرلار سىندى «شەشۋشى سيپاتتى از سانداعىلاردى»مىقتى يگەرۋ كەرەك.


مەملەكەتتىك حالىق قۇرىلتايىنىڭ ۋاكىلى ۋاڭ جۇڭشان بىلاي دەدى : زاڭمەن باسقارىلاتىن ۇكىمەت قۇرۋدا اكىمشىلىك ۇقىقتى تەجەۋ مەن باقىلاۋدى كۇشەيتۋ، ونىڭ زاڭمەن باسقارۋ ارناسىندا جۇمىس جۇرگىزۋىنە كەپىلدىك ەتۋ كەرەك.


ادىلدىك پەن اقيقات ـ پارتيامىز تالپىناتىن اسا قاستەرلى قۇن ۇستانىمى. بۇكىل ىنتا - پەيىلىمەن حالىق ءۇشىن قىزمەت ىستەۋدەگى ءتۇپ ماقسات ـ ءبىزدىڭ ادىلدىك پەن اقيقاتتى، حالىقتىڭ ۇقىق - مۇددەسىن قورعاۋىمىزدى، ادىلەتتىلىكتى دارىپتەۋىمىزدى بەلگىلەگەن. مەملەكەتتى جالپى بەتتىك زاڭمەن باسقارۋدى، ءسوز جوق، قوعامدىق ادىلدىك پەن اقيقاتتى قامتاماسىزداندىرۋدى جانە جەبەۋدى تىعىز توڭىرەكتەي وتىرىپ جۇرگىزۋ كەرەك.